Tuesday, December 18, 2007

كل عام وانتم بخير








بقالي كتيييييييير ما كتبتش في المدونة

اخدني شغل الأرض والعمل مع الفريق الرائع في أبناء مصر

الإحتقان الحاد الي كان جوايا والي كان بيتفرغ بضربات وخبطات سريعة وقوية على لوحة المفاتيح

والتي نفست من خلالها عن الغليان بداخلي في بوستات عديدة وملخبطة قل بشدة

قل واختفى..و بقى مكانة طاق بناءة شرهة للعمل الميداني

للإحتكاك بالناس ولمس معاناتهم

لتوحيد طاقة الغضب من اوضاع البلاد المتردية مع طاقتهم و خلق موجات خلاقة

السعادة الغامرة التي انتابتني بعد ما رأيت بعيني موظفي مصر يغيرون وجه مصر

بجرأة و انتظام وأناقة لا مثيل لها

اخذتني الحياة الميدانية, وانشغلت بسعادتي الجديدة عن الكتابة او التدوين

و حمدت الله اني لا امتهن الكتابة وإلا كان زماني على الرصيف من زماان

لكن المعايدات الرقيقة قوي الي جاتلي من الأحباء في التدوينة السابقة

ذكرتني ان لي احبة التقيت بهم على هذه المدونة

لم اعرفهم من قبل الا من خلال هذا العالم السحري الأخاذ

أحبة اشتقت اليهم, و افتقدتهم وليس لي منفذ اليهم سوى هذه المدونة

لهؤلاء أقول كل عام وانتم بخير

كل سنة وانتم بخير و سعادة وهناء و عطاء

كل سنة ونحن اصدقاء عبر الأثير

اصدقاء الى الأبد ان شاء الله

15 comments:

Dr. Eyad Harfoush said...

كل عام و أنت بألف خير ، أعانك الله على ما تريدين من خير ، و حفظ عليك حماسك و زاده لخير الناس
تحية و تقدير

عبقرينو said...

كل عيد وانتى بخير وبأحسن صحة وحال
بس مش ينفع شوكلاته عاوزين لحمة عاوزين لحمة عاوزين لحمة:)
عيد سعيد ويارب ربنا يوفقك لما فيه التوفيق والخير لكى ولمصرنا الحبيبة

ENAS said...

كل سنة وأنتى طيبة
وربنا يجعلة عيد سعيد علينا
جميعا ويغور بقى يارب اللى فى بالى

Amr Ahmed said...

كل سنة وانتي طيبة

Anonymous said...

كل سنه وانت طيبه يا مها
بقالى كتير عايز اكتب حاجه عن العيد
وعن الاليام دى بس المشاعر اكبر من انها تتكتب
حزين

EmY said...

كل عام و انتي بخير عيد سعيد

shams said...

كل عام و انتي بخير
و اعاد الله عليكي الايام بكل خير

عمر بوك ستورز said...

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

سكوت هنصوت said...

دكتور اياد حرفوش

كل عام وانت بألف خير و سعادة ان شاء الله...يا رب السنة الجاية ان شاء الله نلاقي مصر غير الي نعرفها..مصر تانية كلها خير و نماء...كلها بركة
ما تبقاش بلد العذاب كما هي الأن
خالص شكري للمرور والزيارة


عبقر...

انا ماليش في اللحمة يا عبقر..

ده انا قلبي كان هيتقطع على العجول الي بتتدبح

استغفر الله العظيم..بس حقيقي ببقى في غاية الضيق وانا شايفة كل الجبل ده بيقع على الأرض و يذبح كالخراف
الغريب اني لا اشعر بذلك لما الفراخ بتتدبح جايز عشان الفراخ جبانة و خانعة
و عبيطة كده و ما بتعرفش تطير..كإنها خلقت للذبح
لكن العجور والبقر..الكائنات الضخمة دي الي مجرد رؤيتها يخوف...بيصعب عليا قوي لما اشوفها مذلولين و في موقف ضعف
اللهم تقبل منا و ارحمنا و ارحمهم..و هون عليهم ساعة اللقاء
منك لله خلتني ارغي كتيييير قوي

سكوت هنصوت said...

انوسسسسس

كل سنة وانت طيبة يا قطة

والله بيتهيألي اننا سنة 2025 هنحتفل بعيد الاضحى و هنقل نفس الكلام..هو إمتى بقى هيغور الي في بالي

وش بيغمز بخبث

تحياتي يا قمر و كل سنة وانت بألف خير
*****************
عمرو احمد

كل سنة وانت طيب يا فندم

دايما منورني و مفرحني بزياراتك

ربنا ما يقطعلك رجل يا عمرو ابدا

:-)))))))))))))
******************

حزين

اخي الجميل والحزين ابدا

كل سنة وانت بألف خير و سلامة يا رب

وان شاء الله ربنا يفرحنا بيك كده السنة الجاية ان شاء الله

انا منتظرة اسمع عنك ومنك اخبار حلوة

ما تضحكش عليا بقى و تطنش

كل سنة وانت بألف خير يا رب

و في إنتظار ذكريات العيد الجميلة والسعيدة
يا ترى هتنفع تخرج في قصيدة رائعة
؟؟؟
في إنتظار جديدك

سكوت هنصوت said...

إيمي

تسلميلي يا رب على الزيارة الكريمة والتهنئة الأكتر من رائعة

شكرا ليكي واتمنى اللقاء قريبا ان شاء الله

شمس

كل عام وانت بخير و سعادة و ان شاء الله العام القادم تحقق ما تصبو اليه نفسك

شهيدة said...

سلام يا مها

ازيك يا حبيبتي؟

اسفة على الغيبة الطويلة عن مدونتك

بس مش عارفة السبب الحقيقي للغياب ده

ما علينا... احب ان اعايدك بهذا العيد المبارك

وان شاء الله تكونين السنة القادمة على جبل عرفة وتعيدي جنب الكعبة المشرفة ومقام الرسول الأعظم صلى الله عليه وآله وسلم

وحشتيني اوي

تحياتي

MONDAHESH said...

كل سنة وانتي دايما طيبة وبخير

ويارب ماتنسيناش بقي مع الانشغال ده

وربنا معاكي

حزيــــــــــــــــــن said...

انا بكسل ادخل بقيت مدواناتك ولأن المدونه دى لينكها عندى فبفتحها علطول
كان نفسى البى طلبك بقصيده جديده بس مخنوق شويه ومعنديش استعداد
يمكن اتوقف شويه عن اى نوع من الكتابه سواء التدوين او غيره
لا تنسينى من صالح دعائك

عبدالرحمن فارس said...

عيد سعيد وكل سنه وانتي طيبه

ولو انها متأخره بس معلش

اصل كنت بدعي على مبارك ان العيد يجي علينا السنه الجايه من غيره