Saturday, March 31, 2007

عن الجامعة وحياة المدونات

بقالي فترة مش طويلة قوي عمالة اتصفح مدونات الناشطين في حركة المدونات...اول مرة اتعرف على العالم الخصب ده من البولجز كان اثناء التنفيخات الدستورية....التنفيخات نسبة لعمليات التجميل الي الستات بيعملوها طمعا في جمال مفقود فينتهي الامر بحالات ورم اقرب للمرض منها للجمال...الى حد ما هو ده احساسي بالتعديلات الدستورية...المهم ان اثناء الإعتصامات الي حصلت في التحرير الصدفة البحتة قادتني لمدونة نوارة نجم...ولإني من عشاق نجم وإمام...و من معجبي صافيناز كاظم وان كان ساعات بحس انها تايهة زيي بالظبط الا اني ما اقدرش انكر اعجابي الشديد بكل واحد امن بفكرة لدرجة انها تسجنه ايا ما كان انتماء او اتجاه الشخص ده...المهم ان الصدفة البحتة ودتني عند نوارة...ولقتني عمالة اقرا كل كلمة مكتوبة..طبعا كان واضح ان فيه ناشطين بعينهم امساءهم بتتكرر اكتر منغيرهم...لكن اكتر حاجة لفتت نظري...و بصراحة شديدة اشمئزازي...اني لقيت نوارة نفسها بتستخدم الفاظ شديد ة السوقية...و بما اني اتربيت على ان عيب البنت تشتم..اصلا فما بالك والشتيمة من الدرجة الرابعة على مقياس من واحد لخمسة...المهم ان انا جالي صدمة حضارية الا ان طرافة العرض و قوة الموضوع اعموني عن اللغة وركزت في الكلام لقيت اني الى حد كبير مش مختلفة معاه..قعدت اقرا التعليقات و فوجئت بإن المسألة اصبحت لغة اقرب ما تكون للغة العربجية...الفاظ ماسمعتهاش غير من سواقين الميكروباسات....الي شد انتباهي ...ان كل واحد من الشباب النشط قوي ده....اتقبض عليهم و وقفوا مواقف في منتهى الرجولة ( على حد زعمهم و شهادتهم لبعض) لكن مع ذلك عرضهم في منتهى البذاءة...في ربط شديد ما بين البذاءة والحرية...و كإن عشان نبقى احرار لازم نتحرر من وحدة الأخلاقيات والسلوكيات العامة والأداب...طبعا ماحدش معترف بكدة...لكن ده الواقع مهما انكروا..الملاحظة المهمة ان دائما التيار الإشتراكي والناصري هما اكتر تيارات تتباهى بسلاطة اللسان....اثناء دراستي في جامعة القاهرة...كان في 3 تيارات سياسية اساسية...الإشتراكيين, والإخوان وطبعا اتحاد الطلاب الي هو شكل مصغر من الحزن الوطني...و لإن الجامعات صورة مصغرة من المجتمع الخارجي...كنا نلاقي بتوع الاتحاد الإشتراكي...اكتر ناس تحدف طوب عالأمن و تشتم الحكومة بكل الألفاظ الممكنة والغير ممكنة بأعلى قدر من التشنج والسباب....لكن الشهادة لله كان عندهم ميزة رائعة انهم الى حد ما ارتجاليين مما يترك مساحة لأي منضم انه يضيف من عنده بسهولة..اما الإخوان فكانوا اشد انضباطا...و تقيدا..تلاقيهم مشيين في صفيين متتابعن المقدمة للرجال كالعادة والمؤخرة للنساء...ولئن صوت المراة عورة كما ذكر عند محمود الصحاح..الي هو يبقى اخو عبد المجيد الصحاح...الي هو شخصية وهمية زي الحديث المكذوب ده بالضبط..فالبنات ماكانوش بيهتفوا خالص...والرجالة كانت بتقضل تهتف بكلام مالوش راس من رجلين ولو فكرنا فيه شوية مش هنلاقيلو معنى حقيقي....اما الإنتحار الطلابي بقة ...فده عايش على وش الفتة...اقسى احلامة ينظم رحلة للأوبرا عشان يطلعها اعضاء الإتحاد نقسهم منغير مشاركة طلابية اصلا....و اقسى انجازاتهم انهم يطلعوا مسرحية هطلة لا تتشاف ولا تتسمع....عموما الكلام كتير وانا يظهر اني سخنت عالرغي...بس اصل الكلام محشور في زوري و خايفة اقولة بره البوج بتاعي اتشتم...

Hello

I didn't know that i will start my first post that soon....and i have no specific affiliation that pushes me to write in English...

but just to check my moves in this vast and varied world of blogging, allow me to settle in first before i can see what to do next.

as i said before i have no intentions to share diaries...and actually i don't believe they should be spread in public...but thoughts and ideas are definitely meant to be spread for public other wise they are never to be corrected or modified...i believe in corrections and modifications, the only reason we know how to talk is to know how to improve and evolve, i believe that two brains are better than one and three and better than two..etc.

its important to learn how to lestin before we can learn how to talk.

I wish that on this blog I can learn with others how to talk and later on consequently learn how to think..