Tuesday, February 19, 2008

هوامش

تحديث: هغيب اسبوع لسفر طارئ
راجعالكم في اسرع وقت ان شاء الله
و لما ارجع هرد على التعليقات
أشوف وشكم بخير
************
ماذا حدث للمصريين
كتاب اكثر من رائع لكاتب و فيلسوف و محلل غاية في الإبداع هو جلال أمين
ملحمة لغوية وادبية و فلسفية لا نملك الا ان نتوقف امامها فاغري الفاه اندهاشا واعجابا
********
فيدل كاسترو تنحى عن السلطة كي ينصب اخاه بدلا منه
(هو كاسترو مالوش ولاد رجالة ولا ايه!!!)
كاسترو البالغ من العمر 85 سنة, و ظل يحارب منذ 53 دفاعا عن الدستور!!!
عمل مع جيفارا ثورة لطيفة تحت مسمى حركة 26 يوليو
(مش عارفة ليه الشهر ده ما بيريحنيش)
بعد ما بلغ من العمر ارذلة تنحي عن السلطة كي ينصب اخاه
البالغ من العمر اكثر من 75 سنة
هل حقا العرب فقط هم من لا يتعلمون؟؟؟؟
**********
شاب وجد جثة في صندوق القمامة فأبلغ عنه
ليتحول الى قاتلة ثم يمكث في السجن ثمان سنين
ليدخل القتيل الذي سُُجن لقتله نفس الزنزانة زميلا له
يا ترى ده فيلم هندي ولا انا الي بهييس؟؟؟
********
أعضاء مجلس الشعب يتبادلون الضرب تحت قبة البرلمان!!!
********
75% من الإستجوابات المقدمة من أعضاء مجلس الشعب لا تناقش
تحت قبة البرلمان بالمرة, والإستجوابات تتم اختيارها للنقاش انتقائيا!!!
********
سعر زجاجة الزيت بلغ 9 جنيه و نصف, كما سيتم الغاء العيش المدعم من فئة الخمسة قروش
ابتداء من يوليو القادم.
سعر البنزين سيرتفع مرة اخرى ابتداءا من شهر يونيو القادم
طبق الكشري اصبح بخمسة جنيهات
سندوتش الفول بلغ سعره خمسة و سبعون قرشا
*******
ثمن طن الحديد ارتفع من 1200 جنيه الى 4400 جنيه و يتوقع ان يصل الى 5000 في نهاية العام
********
أحمد عز عضو مجلس الشعب هو محتكر الحديد الأول
في مصر , و هو أيضا عضو الحزب الوطني الذي يمثل الحكومة
والتي تقوم بإستهلاك 80 في المئة من إجمالي انتاج الحديد في مصر
يا ترى فيه حد غيري في الحكومة الرشيدة ملاحظ ان الشعب له عنين!!!
********
يا ترى الحرافيش لما يثوروا ستكون ثورتهم ضد من ظلمهم حقا
ام ضدنا نحن؟؟؟
{و ما كان ربك بمهلك القرى بظلم وأهلها مصلحون}
صدق الله العظيم

23 comments:

dina said...

مفيش حاجة ممكن تتقال بجد...كل ما تقف ادام البلد دى بشوية تأمل حتحس ان دايما فى حاجاااااااااااات غلط...موضوع مجلس الشعب دا انا كنت لسا كاتبة بوست عنه..بقى مهازل..الحديد دا كمان مشكلة ان شركة توصل انها تضم شعارها الى شعار ميناء الدخيلة و يبقى عز الدخيلة بردو دى حاجة بتنرفزنى و خد من دا كتير
بس فعلا بوست حلو

شهيدة said...

وأخيييييييييرا يا مها

اعمل ايه يا جماعة ازغرط ولا الطم ولا اعمل ايه بالضبط؟

معقولة بعد طول الغياب ده تظهري منغيبتك الطويلة دي

هو يعني لو اتخطبتي حتتقلي علينا وتغيبي كدة

انا مثلا اتخطبت واديني لسة بمارس نشاطي التدويني اكيد أقل من قبل لكن لسة في حياة :)

المهم اني قريتلك موضوع جديد

يا ستي الهوامش دي حطيها فجيبك
دي تعتبر مختصر "غير مفيد" عن ما نمر به جميعا بدون استثناء

على كل حال ان الله مع الصابرين اذا صبروا

على فكرة انا اليوم كان عندي امتحان الموليكيولار (الخميس) والحمدلله انا شرفتك وحرفعلك راسك فوق ان شاء الله :P

وحشتيني بجد يا بت ياريت بقى تكلفي نفسك وتطلي على الفقيرة الى الله مدونتي المسكينة

مواه مواه :)

يللا سلام بقى

ايدي وجعتني من كتر الكلام

ta5areef said...

Maha is finally hereeeeeeeeeeeeeeeeeeee

lololololololiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii


aho da ba2a 5abar yet7at ta7t tag 7adath fe methl haza al yaoum :D:D:D:D:D missin u ya kotkot

قلوب بتغنى said...

سكوووووووووت هنصوت
حمد الله على السلامه
اخيرا بوست
على فكره لازم تبطلى الحقد الطبقى ده بقى ايه يعنى ان احمد عز محتكر الحديد فمصر وقرب يخلينا نعيش فى خيم بدل المبانى مفيهاش حاجه يعنى لما كلنا نضحى كلنا الشعب كله علشان نسعد شخص حزين زى احمد عز
اخص على النفوس المريضه
وبعدين فيها ايه يعنى لما فيدل كاسترو سيسيب الحكم لاخوه
ويضحى شويه اكمنوا عندوا امراض خطيره متسمحلوش بالقعاد يعنى امراض قعده
مستنيه زيارتك

inksarat said...

بعد غياب تعودين بهوامش تحمل من العمق والمدلول والرؤية ما تحمله ... ولكن
لماذا كانت كل هذه الغيبة الطويلة واين كتاباتك المطولة التى كانت تجبرنى ان اقرأ للنهاية رغم طولها ؟؟؟
اعتقد انكى تتشوقين الى الكتابة كسابق هعدك ... ولا ايه ؟؟
ــــــــــ
تحياتى لك

حزيــــــــــــــــــن said...

لا اجد فى جعبتى ما اكتبه
لكن حمدا لله على سلامتك
وأسال الله لك صلاح الحال والتوفيق

حزيــــــــــــــــــن said...

نسيت اقولك
ان حضرتك مدعوه على غدى وعشى وشاى وكل اللى تحبيه وتيجى تقعدى فى مدونتى وتعلقى على كل التدوينات اللى فاتتك

kol-eldonia said...

يااااههههههههههههههه نورتى و الله فينك من زمان كدة ولا حتة ايميل تطمنينه عليكى

اهم حاجة بقى مين اقلك ان الحديد محتكر ولا الحديد غلى و الزيت لسه بثلاث جنيهات و نصف فقط و موجود بوفرة و كل الاسعار ثابتة من زمان ولا تغير للاسعار فى ظل الحكومة الرشيدة مواجهة الغلاء و ناصرة الفقراء الضعفاء و لا تنسى ان فرج ربك لقريب و حمد لله على السلامة

Sahrana said...

Dear Maha, its my first time to write in your blog.

A7eb a2olek enn se3r sandwich elfol ba2a 1 geneh mesh 75 qersh, dah law 7aykon sada amma law fol 7omoss yezid 50 qersh kaman, 3alshan keda ana qarrart adames fol f betna we balaha sahbrawy we eltab3y we amma neshof a7'retha.

A7eb kaman a2olek we elsada elkeram elly bey2ro blog dah....en se3r elfera7' wasal f elmante2a elly ana sakna fiha 24 geneh lelfar7'a ** la2 we eh me3s3sa keda we mesh bayen 3andaha soll**...we 40 geneh kilo ella7ma elkbab 7alla , we 10 geneh ezazet zet, we 3 qeta3 re3'if 3esh b 1 geneh....etc etc....mesh 7atewel 3aliki 2olly tawelly ya Sahrana....

O7'tshi Maha ...we e7'wany elbanat we elsetat elly maska masrof elbet....

7add ye7ell elmas2alah dih we ye ret ye2olly 7allaha ezay ?

Ana begad zehe2t !

o7'tokm Sahrana

صوت من مصر said...

بجد هايل لكن للعلم يعنى زجاجه الزيت بقت ب 12 جندى فى الحرب
وعلى اخر السنه نقطه الزيت ب 2 جنيه ولو محوشوه يلا هوى على الفلوس الى هتكسبها انا مخزن ازازه ممكن تجبلى 100 جنيه ولا انت رايك وبعدين يا عم هو انت زعلان على الغاء دعم العيش ابو 5 قروش هو احنا اصلا بنشوفه

أحلى حيـــاة said...

انها فتره طويله التى ابتعدت فيها عن هذا العالم الوهمى التدوين
لكنها ليست هوامش فحسب
انها
هوامش فى العصب
عرفتى بقى ان صورتى دى هى افضل صورة تعبر عن الشعب وانى كان عندى بعد نظر

مصر هى أمى said...

مها ازيك الاول

معلش تصحيح كاسترو عنده بنت بس من المعارضة وعايشة فى امريكا فطبعا لازم يورث الحكم لاخوة علشان بيسمع الكلام مش مهم يكون كويس ولا لا

الحمد لله ربنا يخليهم لبعض الابن بيسمع كلام بابا وماما ومبيعملش حاجة غلط خالص وبينى وبينك ولا حتى حاجة صح مبيعملش حاجة خالص

ساندوتش الفول بقى بجنيه
وطن الحديد وصل 6000 جنيه من اول مارس
يا ترى امتى فعلا الحرافيش هتثور
بس المشكلة فى فرق الكاراتيه والامن المركزى هتعمل فيهم ايه

ضد الظلم said...

الهم لا تأخذنا بما فعل السفهاء منا

وى كاسترو رؤول اخوه كان معاه فى الثورة وتعب بردو الراجل ومفيش حد مؤهل فى كوبا غيرو ذى مصر كده مفيش غير جمال
وانا بحب يوليو قوى

تحياتى

maha zein said...

شوفوي يا شيخة بالصدفة البحتة الاقي اني بردو لسة كتبه عن الحديد
بس عندي ليكي اخبار جديدة
الطن بقه ب 5200 جمنية
خدي الكلام ده ثقة احنا لسة شرينه
يظهر ان الحديد بقه الجديد
عز يا وز
ومعرفتيش انتي موضوع برشام الحديد
يوه يا مها
مينفعش كده
وبعدين متتاخريش بقه في البوستات بتاعتك
يعني لازم يعني الحديد يغلي عشان تكتبي

عبقرينو said...

السلام عليكم

بالرغم من ده كله فيه فايدة ان شاء الله
اتكلموا افضحوا غيروا
سعر الحديد وصل 6000 طيب والحل أيه؟؟؟؟؟ الحل انى ولا الحكومة هاتتحرك ولا السعر هاينزل واللى اتكسر عمره مايتصلح يبقى الحل معانا فى ايدينا ملكنا احنا
نقاطع البناء بالحديد ونبنى بالخشب على فكرة البيت الابيض تم بناؤه بهذه الطريقة :) والعمر الافتراضى للبيت الخشبى 100 عام وكمان ده كان بيت أجدادى فى الفلاحين اللى لسه لغاية دلوقتى واقف شامخ
كمان مش نشتغل فى حديد عز ونوعى اخواتنا واهالينا بلاش نشتغل عند محتكر حرامى

الفساد نحن من نصنعه بأيدينا وسيظل هكذا طالما اننا نتنظر من يزيحه عنا ولم نؤخذ الخطوة لإزاحته بأيدينا
الحل بالمقاطعة الشعبية برفض الرشاوى بترك السلع المكلفة الحل بأيدينا نحن لا بأيييد الفاسدين

kol-eldonia said...

انا عايز اقولكو حاجة مهمة جدا و احتمال يكون حد يعرفها لو حاد فيكو سمع عن شيخ المعمارين المهندس حسن فتحى رحمة الله علية قالها كلمة احنا نبنى بالموجود عندنا يعنى هو عمل تصاميم مستغل فيها خامات الطبيعى الى حوالينا و على فكرة هو بانى مدن كتير كدة و مميزتا قلة التكلفة جودة التهوية تتميز بجوها الطيف جدا صيفا بمعنى اخر منزل صحى و غير مكلف و بصورة اخرى رخيص جدا و انا بدات فى دراسة المشروع ده و الى عايز يعرف اى حاجة عنه يدخل عندى و يقول و انا مستنيكو تنورونى بافكركو و زيارتكم

عبدالرحمن فارس said...

أجمل ما في الموضوع

هو عودتك للكتابه مره اخرى

لا تغيبي كثيرا

وكوني هنا دائما

محبتي

سكوت هنصوت said...

خالص شكري لكل من سأل علي...

و خالص تحياتي لأحبابي الذين لم ارهم...اخوتي في عالم النت والتدوين

سأعود لكل منكم برد شخصي حالما اشفى من البرد الملم بي ..

Home Theater said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Theater, I hope you enjoy. The address is http://home-theater-brasil.blogspot.com. A hug.

عاليا حليم said...

حاجات كتيرة بتحصل فى الحقيقة بتبقى اكثر غرابة و تظاثيرا من الأفلام الهندية

و أنتى مش بتهيسى و لا حاجة

عاليا حليم said...

أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء 15

عاليا حليم said...

على فكرة التعليق الى قبلى ده على طول فيرس انتشر فى المدونات امسحيه

Dr. Eyad Harfoush said...

عزيزتنا السكوت الناطق جدا
ان شاء الله سفر موفق يعقبه عود حميد
تحياتي و تقديري