Saturday, August 1, 2009

هما العلمانين اتعدوا من الإسلامجية


تنويه: البوست ده طووووووووووووويل قوي

*****************************************

مش عارفة ايه الي حصل في البلد دي

هي الناس ليه كارهة بعضها قوي كده

وليه محدش مستحمل يشوف حد مختلف عنه

يعني المحجبة مش طايقة الي مش محجبة

والمنتقبة مش طايقة الإتنين

المسلمين مش مستحملين ضل المسيحين على الأرض

والمسيحيين هينفجروا من المسلمين

انا من ساعة ما اتولدت في التمانينات ولحد النهاردة ما شفتش غير ناس بتهاجم الإسلامجية

انا طلعت على الإسلام السياسي وفيلم الإرهابي الي مازلت مصرة انه من افشل افلام السينما المصرية

لكن النهاردة بقى انا بصراحة مفرووووووووووسة من العلمانين

هطق من جنابي

يعني لما اشوف واحد ملتحي ولا واحدة منتقبة معترضين على المجتمع

اقول ماشي مفهومة شوية

لكن الاقي واحد فاقع مرارته ومرارتي كلام عن الحريات

واول ما يشوف خلقتي يفضل يقولي مسكينة انت اصلك ضحية

هي يعني والدتك كانت صايعة في الستينات

ولا يعني كل الستات الي بيشربوا سجاير ولابسين ميني جوب في حفلات ام كلثوم دول كانوا كفار

ما حنا طول عمرنا مسلمين...ما دمرناش غير المتخلفين بتوع الفكر الوهابي!!!

وهاتك يا محاضرات على قد ايه انا واحدة يا عيني مضحوك عليا ولولا مية النار الي اترمت في وش مامتي في الستينات

كان زماني طبيعية زي بقيت الخلق ولابسة زي اي ست محترمة ميني جوب؟؟؟!!!!

احلفلهم ميت يمين على ميت عظيم ان انا لا عمري شفت مية نار ولا عمر حد كلمني عن الحجاب

وان ده اختياري بإرادتي الحرة...,ان من حقي اني اعمل اختيار

وان الملكة رانيا قالت تقاس الست بما في رأسها لا ما على رأسها

يتصعبوا عليا قوي ويوقلولي معلش....ما هو انتم اصلكم الضحية احنا السبب

كنت هطق من جنابي وانا بسمع الكلام ده

اقولهم يا عالم.....انا أستاذي كان ملحد و عمر اختلافنا ما غير من نظرتي ليه او نظرته ليا

يتصاعد الزبد من شدقيه ويحمر عينه ويوقلي يعني ما كنتيش بتقولي عليه في سرك كافر

اقوله طب وايه المشكلة ما الكفر حق يكفله الإسلام...يقولي امال فيه ايه مالك لابسة كده ليه بقى

لا حول ولا قوة الا بالله

انا بصراحة مش فاهمة...هو كان ايه موجود في الستينات حلو عشان الناس تتصعب عليه قوي كده

يعني هي الستات لما لبست ميني جوب في الستينات على غرار اوروبا...

وحطت مكياج صارخ ولبست جزمة ارتفاع عمارة مصر كانت احسن في ايه

ايه الإنجاز الي اتحقق في الستينات الي صعبان علينا قوي اننا ما نشوفوش غير ان الستات قلعت هدومها ولبست مايوهات

ثم ان الإسلاميين بكل اشكالهم موجودين طول عمرهم في مصر

حسن البنا ماهو موجود من قبل الحركة الوهابية...وطول عمر الإسلاميين مسموع صوتهم

وليهم تأثير في المجتمع وفي الحركة السياسية

بالعكس بقى....الإسلاميين والمسييحين كمان حققوا كتير

يعني لو حطينا الإتنين في قائمة اليمينيين هنلاقي مدارس محترمة

تعلم بجد طلع منها قادات المجتمع الوطني

ونوادي ودور رعاية ومراكز شباب

لو تفتكروا فيلم النمر الأسود احمد زكي الي هو محمد حسن كان بيتدرب ملاكمة

في نادي الشبان المسلمين

أحمد حسين زعيم حزب الأحرار الي عمل انجازات تاريخية في مصر

كلها للصالح العام وفي صالح الشعب المصري كان خريج مدارس الجمعية الخيرية الإسلامية

الراهبات والرهبان المسيحين عملوا قطاع عريض من المدارس مازال حتى الأن منارة رائدة في التعليم

هما العلمانيين بقى عملوا ايه غير حرية التدخين والجنس

ومهاجمة الدين عمال على بطال

وبعدين كل ما حد من اخونا العلمانيين يشوفني بعباية

يقولي اه هنسيب بقى أشغالنا ونقعد نتكلم هنخش الحمام برجلنا اليمين ولا رجلنا الشمال

يا سلاااااااااااااام

يعني هو ده الي شافوه هيهد الأمة ويدمرها

طب انا مرة فتحت التلفزيون على القناة التانية الأرضية

واحب اكرر انها التانية الأرضية

ولقيت برنامج لطيف قوي عن موضة المايوه السنة دي

وعرضين ديفيلية عن احدث صيحات البيكيني والوان بيس والكاش مايوه

وماسكينهالنا ذلة ان فيه شيخ قال رضاع الكبير ومش عارف مين قال خش برجلك اليمين ولا الشمال

طيب يعني لا مؤاخذة مانتوا شايفين الفساد في كل ناحية

سبتوا كل حاجة ومسكتوا انتو في الشيخ وقعدتوا تهربدوه في كل القنوات الفضائية

طب بالذمة مين الي صنع النجومية هنا

وايه الي يفرق الشيخ عن الي بيناظره

الغريبة بقى....ان الكلام ده كله بيشعرني قد ايه الجيل ده لا يمكن تقوم منه نهضة

وانا بأعني بالضبط جيل السبعينات

الجيل الي لم يحقق أي إنجاز يذكر ...

بل على العكس كان عامل رئيسي على ضياع البلد

ما حدش يقولي بقى مظاهرات الطلبة ومش عارف ايه..

ما الناس بتتظاهر طول الوقت...لكن عملوا حاجة

طلعنا من الهوسة دي كلها بشوية اغاني رائعة ربنا يخليهالنا

لكن المحصلة الحقيقية...صففففففففررررررررررر متيييييييييييين

انا كل يوم بتأكد ان الإسلام ده دين عظيم

يعني الإسلام كان حريص قوي انه يعلم الناس الروتين


ويمشيهم في سيستم لو لاحظتم دي اكتر حاجة نفتقدها كمسلمين

الإسلام فرض علينا صلوات خمس مرات في اليوم...قصيره جدا لكن مفروضة

بكده يضمن ان المسلم شخص ملتزم...وفرضها في مواعيد متفرقة بدري جدا في النهار

ومعتدلة التأخير عشان يجبر الناس تنام بدري وتصحى بدري

ما هو لو مانمش بدري مش هيقوم للفجر

وبعدين نصح المسلمين انه بعد الفجر ما ينمش يخرج على اكل عيشة

لإن في البكور بركه وده عشان يستفيد بساعات النهار كاملة

فرض عليهم صلاة الجمعة مرة كل اسبوع

عشان يخلق حالة مهمة جدا من التمازج الإجتماعي

وده مهم ان الناس تعرف بعض

وضع قواعد للخطبة في الجمعة انها ماتكونش طويلة وانها تكون مرتبطة بيوميات المواطن

يعني المفروض ان الخطيب في كل منطقة يكون من اهلها عشان يعرف مشاكلها ويطرحها

يفكر مع الناس في حلها

وده في حد ذاته بيخلق في الناس الديموقراطية والترابط

وانه عضو مؤثر مش مجرد رقم بيعد

الجيوش بالمناسبة كانت بتخرج من الجوامع

يعني الجوامع كانت قوة مؤثرة

الإسلام علم الناس حاجة عبقرية اسمها الطابور

لو نظر الناس كده للحرم تلاقي قدامك ملايين من البشر

اول ما الراجل يقول حي على الصلاة

في خلال دقيقتين يكون الملايين دول اصطفوا سويا في ثواني

في صفوف منتظمة ما تخرش المية

يعني المفروض ان المسلمين هما اول امة تقدر تقف في طوابير

اذا اكانوا بيعملوا كده خمس مرات في اليوم يبقى ازاي مهرجلين في طابور العيش

وازاي يرفضوا النظام

اذا كان النظام فرض عليهم في كل شئ في حياتهم

الإمامة دائما للأفضل

ووضع قواعد للأفضل

ان يكون اكثرنا علما بكتاب الله

ثم اكثرنا علما بسنة رسول الله

لو تساوا كل ده يبقى اكبرهم سنا

لو مجموعة فيها عشرة فوق الستين وعيل عنده 17 سنة حافظ اكتر منهم

يبقى هو الي يقود

طب بالذمة فيه ديموقراطية واحترام للعلم اكتر من كده

الحجاب الي مصدعين دماغنا عليه طول النهار

اتفرض عشان يكسب الست إحتراما اكبر

طب بذمتكو...,انا بذممكوا اهه

يعني لو ماشيين في الشارع كلنا وكل واحدة فينا لابسة فستان شفتشي يبين كل اشي

على رأي الست صباح....وبنقول للناس خلي بالك

اوعى تبص واوعى تلمس واوعى تحلم واوعى تفكر واوعى تهرش في شعرك

فيه حد هيعرف يشتغل

يقولك بقى ماحنا كنا في السبعينات كل البنات قالعة ومحدش كان بيبص

ابقى عايزة اولع في نفسي.....يعني ايه بالظبط...هما الرجالة في السبعينات ماكانوش رجالة

على رأي واحدة أمريكانية...كانت شارية جيبة محزقة وعمالة تكلمنا عليها انها رايحة بيها حفلة بعد الضهر وبتقول على الله الاقي راجل حلو في الحفلة دي يستاهل الجيبة دي

بنقولها يعني انت لابساها عشان تجيبي بيها ديت ( يعني ميعاد غرامي) قالت طبعا

مانا لو لبستهاا ومحدش عبرني هروح اولع في روحي

العالم كله بيتكلم لغة واحدة ما عدا العلمانيين

هما لوحدهم عندهم قانون خاص محدش فاهمة

كان فيه دكتورة في صيدلة عين شمس من طائفة الإخوة العلمانيين المتطرفين

بتمتحن بنات شفوي فدخلوا اتنين محجبات ولابسين عبايات واحدة فيهم عطست

فالتانية قالتلها شفاك الله وعافاك

الدكتورة اتنفضت واترعشت وقعدت تصرخ في البت

ماهو الهبل ده هو الي جايبنا ورا

جتكوا القرف عليكو وعلى جيلكو....رجعتونا خمسميت سنة ورا

هتبطلوا امتى بقى التخلف الي انتو فيه ده

منهم لله الوهابيين الي عملوا فينا كده

البنت بقت تبص حواليها وهتعيط...هو انا قلت ايه يا دكتورة عشان ده كله!!!

الرجل المذكور اعلاه....يبصلي قوي كده ويقولي الوهابيين غزوا البلد

النهاردة بقينا نستورد اصوات تقرف من بره

وطول النهار القران السعودي شغال في الميكروباصات

احناااااااااااااااااا

بلد القرااااااااااااااااااااان

بنستورد قراااااااااااااااااااااان

اقول في عقل بالي...هو القران اتغير

يقولي بقى احنا شيوخ المقرئين كانوا عندنا نسيبهم ونسمع لشوية العيال بتوع الخليج دول

اقول في عقلي هو الإرهاب الفكري وصل لحد كده

يعني احنا وصلنا للحالة دي من العنصرية

هو العيال لما سابت ام كلثوم وسمعت تامر حسني

العلمانيين صرخوا كده على ضياع الفن!!!!

ولا هو عشان قران يبقى يستاهل الصريخ

حسيت بالعنصرية الشديدة ان الناس دي امتلأ قلبها بالحقد

فعمرها ما هتشوف جمال وعمرها ما هتصلح

ابص بقى على حال الواحد من دول

الاقي خمرة تلاقي....ستات تلاقي

علاقات مفتوحة تلاقي

سجاير ما يضرش

وغالبا بينهي بيهم الحال يا مطلقين وعزاب

طب بالذمة ايه الي يخلي حد في الدنيا عايز يمشي على خطاهم

ايه الي حققوه في حياتهم عشان نقول ياااااااااااه ده صحيح احنا تخلفنا قوي

يعني انا محجبة ومضيعة نص الأسبوع لف في الشوارع وشغل بعد ما اروح عشان مشروع مؤمنة بيه

وطول الوقت حاسة بالإطهاد عشان محجبة

هما العلمانيين دول بيفكروا ازاي

ضد الدين للدين؟؟

يعني ايه الي مش عاجبهم في الألولف المؤلفة من النشطاء المحجبات في ان هما محجبات

ليه دول كخة والي بيقفوا في المظاهرات بالميني جوب والكعب العالي والشعر المكوي على سنجة عشرة دول دحة

يعني ايه الفرق

الراجل المذكور اعلاه.....كان قرب بطبق في زمارة رقبتي انا عشان عميد كلية الفنون شال تمثلا عريان من مدخل الكلية

احتراما لمشاعر الملتزمين

بيقولهالي والشرر يتطاير من عينه

كان على طرف لساني اقوله...طب والله كويس راجل ذوق

ماهو اصل يعني الفن مش هيقف على تمثال عريان

هو يعني لما احنا هنعمل تماثيل عريانة امال اوروبا هتعمل ايه

وفين لا مؤاخذة يعني التجديد والهوية والإنتماء

ولا الفنون انحسرت في التماثيل العريانة وغيرها لأ

وبعدين ما المسلمين سابوا تراث فني لا يقدر بثمن من غير ما يرسموا ولا ينحتوا تماثيل عريانة

وهو فيه في مصر حد عمل تحف روائع فنية زي الي اتعلمت في عصور ازدهار الإسلام

والرسامين العباقرة الي بيتغزلوا بيهم أضافوا أي إضافة مميزة لينا كشعوب غير إن هما استوردوا فنون

وما شفتش يعني حد فتح بقه من الإخوة العلمانيين لما رئيس جامعة الزقازيق

حلق لأحمد عرابي ذقنة مغازلة لمشاعر العلمانيين

يعني زور التاريخ كده عيني عينك وماتهزتش شعرة في نافوخ حد

كان فيه مقولة رائعة لحد مش فاكره اسمه بتقول ان الفضيلة وسط بين رذيلتين

والإسلام بيقول وجعلناكم امة وسطا....

الوسط يعني لا موغل في التطرف ولا موغل في الإنحلال

أحد العلمانين الي احتكيت بيهم بكثرة مؤخرة...

كان بيشرحلي نظرية هامة جدا عن الطبقات في مصر

فقال ان المجتمع ينقسم لثلاث طبقات

طبقة عليا ودي الأرستقراط وعندها الخمرة مقبولة والحشيش مرفوض

وطبقى دنيا ودول شديدوا الفقر عندهم الخمرة حرام ومرفوضة والحشيش مقبول

وطبقى متوسطة...لا عايزة تنزل ولا قادرة تطلع رفضت الإتنين

وعلى الرغم من طبقية الكلام ( اخذا في الإعتبار انه من الطبقة الأولى) ن

لقيت ان الكلام ده حقيقي يتماشي بشدة مع الإسلام ونظرية الوسطية

وأكدلي ان الوسطية دائما أصح وأفضل

لذلك المفترض ان الطبقة الوسطى هي الي تسود وتنتشر

بس الي شايفاه بصراحة ان الإنتشار للعلمانية مش للوسطية

الأسوأ ان ممارسات العلمانيين لا يمكن تفسيرها غير إنها إرهاب

ولكن من نوع جديد

ربنا يستر










29 comments:

حزيــــــــــــــــــن said...

انا فرحان فيكى وابقى افتكرى الكلام اللى قولتهولك عن العنصرية وقولتيلى دا كلام فارغ ودخلتينى فى مشروع مكافحة التدخين


خلى الكلام الفارغ بقى يثبتلك اذا كان فارغ بصحيح ولا لأ

:)

شمعى أسعد said...

برغم اختلافى معاكى فى بعض النقاط
الا انى بجد بحييكى على قدرتك على توصيل فكرتك

بوست
مدهش
وممتع
وقوى

لكن عندى ملحوظة صغيرة
هم ليه العلمانيين اخدين اتجاه حاد كده وفيه عنف فى المواجهة الفكرية

ببساطة
وقد اكون مخطئا
لان موقفهم هو رد فعل تجاه العنف الدينى اللى ساد العالم كله

اهم الحروب واعنفها حاليا
هى بين اصحاب الديانات الثلاثة

فطبيعى اللى بيخرج من عباءة الدين بيخرج بقوة قانون بسيط بيقول
لكل فعل رد فعل - مساو ومضاد


لكن فى النهاية انا بشاركك احباطك فى استخدام بعض العلمانيين للعنف الفكرى

آية مش هنا said...

انا من زماااااااااااااااااااااااااااان اوووووووووووووووووي مقريتش حاجة عملتلس الدماغ دي بجد
بوست تحفة ، لغة و منطق و قدرة على السرد و التسلسل ... أحييكي عليه من هنا لحـــــــــد أي حتة بقى

اوقات بحس ان دعوة العلمانيين محركها الوحيد الدفاع عن النفس ، رغبتهم ف انهم ميبقوش متهمين في المجتمع ، و محاولة منهم لانهم يقلبوا الوضع باصطياد مبررات يقنعوا بيها غيرهم انهم الصح و غيرهم - المتخلفين - الغلط .
بحس ان دعوتهم يمكن محاولة للتحرر من الضمير بدل ما يوجعهم مثلا أو محاولة تشيكل إطار يضمهم يحسسهم بالأمان من نفسهم أكتر من المجتمع ...

انا بحييكي جدا ، و بنحنيلك احتراما و تقديرا بجد ، على أفكارك و قدرتك على توصيلها على السواء

و لي عودة
:)

تحيتي

Anonymous said...

طبعا مش هازود على اللى قالوا الصديق شمعى وآية عن قدرتك على السرد والتسلسل بطريقة مدهشة وصبرك على انك تكتبى البوست ده كله
العلمانيين والاسلاميين (مع تحفظى على كلمة الاسلاميين )وحتى الناس العاديين الذين ليس توجه فكرى كله بيعانى من التطرف فى افكاره لأنى ده سمت المجتمع المصرى حاليا بسبب الجهل والفساد وانعدام الأفق وفقدان الأمل فى غدا أفضل والا لما شاهدنا حوادث الانتحار المتوالية تباعا والجرائم التى لم نكن نسمع عنها فى الماضى وبكثرة
بالنسبة للعلمانيين (وتعريف العلمانية عند أغلبنا تعريف خاطىء)
العلمانية هي أيديولوجيا تشجع المدنية والمواطنة وترفض الدين كمرجع رئيسي للحياة السياسية ويمكن أيضاً اعتبارها مذهب يتجه إلى أنّ الأمور الحياتية للبشر، وخصوصاً السياسية منها، وتركز على ماهو مادى وملموس
ده مش معناه انى باشجع العلمانية ولكن لتوضيح بس انى اللى بيتكلم بالشكل ده هوا مش علمانى ولا حاجة هو بيتكلم بس لمجرد انه يحس بالإختلاف عن الموجود للشعور بقيمة مختلفة والا لما تكلم عن القرءان الوهابى فى الميكروباصات
بالنسبة لشعورك أنك مضطهدة كونك أنك محجبة لا تشعرى بهذا يجب أن تكونى فخورة بنفسك كونك مسلمة تنفذ تعاليم الإسلام وأيضا تتفاعل مع الحياة وتحقق نجاحات وذلك جعل أمثال هؤلاء يتكلمون لمجرد النيل من تلك النجاحات
النخلة الغير مثمرة لاتضرب بالحجارة
بالنسبة بقى للأمثلة الموجودة داخل البوست كالجوب القصيرة والتدخين والقرءان والحجاب واذا تكلمت بمنطق علمانى بحت دونما تدخل للدين (مع اننى اعتز كونى مسلما يعى بفضل الله حقيقة وهدف الإسلام) ان الجوب القصيرة لها أضرار أخلاقية على المجتمع بشكل كبير والحرية لاتعنى انك تضر الآخرين – أنت حر مالم تضر- ذلك مبدأ بسيط من مبادىء الديموقراطية والمواطنة والعلمانية وايضا التدخين له من الأضرار الكثير على المدخن ومحيطه وكله بإثباتات العلم ايضا القرءان الوهابى اترك الآخر يتصرف كما يشاء ويسمع مايشاء وتلك ابسط مبادىء الديموقراطية والعلمانية والحجاب ايضا كذلك
خلاصة كلامى لا نستطيع ان نساوى العلمانية بالاسلام ولا ان نضعهم فى كفتى ميزان لأن الأولى فكر انسانى والثانية دين سماوى ولكن من الممكن ان أقول اننى اعتنق الاسلام كاطار فكرى عام يحجم افكارى وتنمو تبعا لقواعده واتخذ من العلمانية مع مايتوافق واعتقادى هذا لأنها فى النهاية فكر انسانى يحمل الصواب والخطأ

Monzer said...

والله فكرتيني بكلام الأسواني وندواته

علي فكرة الفريقين احنا فى غني عنهم، لان
مافيش أسهل من التكفير والتحمير

ناس شايفة بقيت الناس كفرة

وناس شايفة بقيت الناس جهلة ومتخلفة وحمير

رؤيتهم للامور والاوضاع ضيقة جدا

وبصراحة مش عارف أضيف حاجة جديدة علي تحليلك

ولكن تذكري القابض علي دينه كالقابض علي جمر من النار

ومافيش أصعب من جهاد النفس، والإبحار ضد التيار

وعلي فكرة أنا مبسوط وعاوز نشاط تدويني من ناااااااااار

ها فاهمة من ناااااااااار

احمد عبد السلام said...

بوست طويل صحيح
لكن جميل جدا جدا
بالعكس دة يعتبر موجز للوضع الراهن


هما العلمانيين بقى عملوا ايه غير حرية التدخين والجنس


ومهاجمة الدين عمال على بطال


اختصار الكلام فى جملتك دى

تقبلى مرورى

وتحياتى

شهيدة said...

يسلم فمك يا "اخت" مها.... عشان العلمانيين يتفرسوا :)
والله كلامك كلو صح... زي العادة طبعا... العلمانيين دول بيطلعوني عن طوري احيانا.... بس انا دايما بقول لنفسي انا محجبة وفخورة وبحسب تعبيرنا نحن اللبنانييون "طقوا وموتوا" نحنا مبسوطين هيك... وان كان الاسلام صار اسمو تخلف فانا اول المتخلفين ان شاء الله :)

خلي بالك من نفسك
وخلينا نسمع اخبارك الحلوة
سلااااام

No Fear said...

السلام عليكم
بوست روووووووووووووووعة بجد
مش مهم إنه طويل بس جامد جدا بس ياريت الناس كلها تقراه
و أنا شخصيا أعتقد إنهم عارفين كل اللي قلتيه بس هو الشر و رغبتهم في الفساد عموما هي اللي بتتدفعهم علي المبادئ دي و علشان كده نفسهم تشيع في المجتمع كله
.
هو صحيح موضوع دقن أحمد عرابي ده
.
كل سنة و أنت طيبة

سكوت هنصوت said...

حزين...بقى فرحان فيا...ماشي ماشي تسلم يا معلم..لك يوم يا راجل...
-------------------
شمعي اسعد

اشكرك على المجاملة اللطيفة...وأختلف معاك تماماااااااافي الإستنتاج...

استنتاجك ده هو الدافع الرئيس بالنسبة لي اني اكتب في الموضوع ده

يعني زي ما قلتلك...لما اليمين ايا ما كان ياخد منهج الى حد ما عنيف...فده شئ جايز يكون متفهم...لكن لما القطيع من البشر ادعياء الحريات والديموقراطيات..الناس الي عمالة تقول لليمين انت قد ايه غلط في اراءك تبقى هي صاحبة التطرف والفكر القمعي يبقى لا مؤاخذة بقى...ستوب


يبقى نار اليمين ولا جنة اليسار..على الأقل التاني بيضحك عليك بقال الله وقال الرسول...لكن دول بقى هيضحكوا علينا بإيه؟؟؟

انا ارفض وبشدة فكرة ان لكل فعل رد فعل...ده غير مقبول في المثقفين..,غير مقبول تماما في ادعياء الحرية...ده نوع جديد من التطرف ما ينفعش نعاملة على انه رد فعل...لإن الي بيحصل في تركيا والجزائر والمغرب من تطرف علماني ماهواش رد فعل...ده تطرف تطرف تطرف

تحياتي لمشاركتك الدائمة

سكوت هنصوت said...

ايه مش هنا

كسفتيني قوي بكلامك الجميل ده...حقيقي احرجتيني...شكرا جزيلا على المرور والتعليق...واتفق معك في استنتاجك...ايضا اشعر انها محاولة للإستمتاع...يعني العلماني عايز يبقى ليه حق انه يرافق مثلا..منغير ما يضطر ان يرافق عاهرة...عايز يبقى راجل محترم مصاحب واحدة محترمة من المجتمع ومع ذلك ما يضطرش انه يتجوزها وقت ما يحب يسيبها يسيبها ووقت ما يحب يخونها يخونها...قيسي بقى على كده...المجتمع دلوقتي مش سايبله حرية الإختيار...عايز تصاحب..اتجوز...مش عايز يبقى قدامك الرخيصات...وفي الحالتين هو مش هيحترم نفسه..يبقى الحل ايه..اللعنة على الأبراج اللعنة على كل شئ...

تحياتي لمرورك مرة أخرى

سكوت هنصوت said...

الأنونيمس

دايما عندي انونيمس..مش عارفة ليه...مع اني دائما وابدا رافعة شعار نحب نتعرف..ورانا ايه


ما علينا..شوف يا عزيزي الأنونيمس..انا لما ذكرت اني شاعرة بالإضطهاد فده شئ حقيقي..وملهوش علاقة بفخري بالإسلام..انا مسلمة ومعتزة بديني ببساطة لإنه اختياري...ومش من حق حد يحاسبني على اختياري ده ابسط حقوقي الإنسانية...لكن احساسي اني طول الوقت مهاجمة من العلمانيين هو ما قصدته بالإضطهاد...

فصل الدين عن الدولة ببساطة في رأيي شئ لا يتفق مع حياة المسلم..الإسلام سياسية شئنا ام ابينا..

اما ان نطرح الدين يمفهوم مختلف يتوافقم مع الواقع فذلك شئ اخر...وهذا بالظبط هو ما ادعمة.

ما ينفعش اقول للنساء من حقكم تمشوا في الشوارع بالطريقة الي تعجبكم..ميني جيب ميكرو جيب وانا قافلة في وشهم طريق العلاقات المفتوحة..

الغرب لما تحرر من قيود الدين وقرر ان يتبع مبدأ الحرية الجنسية بعد الحرب العالمية الثانية..تغير بالتبعية طريقة لبسه وأصبح مسموح للمرأة ان تلبس ما تشاء وتعري ما تشاء لإنه مسموح للرجل دائما ان يأخذ خطوة تجاه من يشاء ولن يعاقبه او يحاسبه المجتمع

احنا كبلد لها مرجعية دينيه غير مؤهلة حاليا للخطوة دي..واحنا بصراحة مش قد الفجر ده

لذلك طرح فكرة العري المتاح دي..مش هتجر علينا غير البلاوي...وده رأيي لكن مش معنى ان ده رأيي ان من حقي كل ما اشوف واحدة لبسة بطريقة مش عاجباني اني افضل اهاجمها واقولها يا متغرببببببة......يا ساااااااااااافرة...في النهاية هي حرة...لو سألتني رأيي هقوله بصراحة ولو ما سألتش فمن حقي اني احدد طبيعة علاقتي بيها حسب الإحتياج وخلاص...

اعتقد انك متفق معايا لكن انا بس حبيت اوضح اكتر...رغاية بقى

تحياتي

سكوت هنصوت said...

منذر عجبتني قوي في التحمير والتكفير دي

بجد كلمة عبقرية...ما تطلعش غير منك...جامدة قوي التحمير دي


فعلا..المجتمع السوي هو الي يرفض الإتنين يرفض ان يكفر او ان يحمر...بتشديد الميم

عموما لنا رجعة في هذا الشأن

سكوت هنصوت said...

احمد عبد السلام

شكرا لمرورك الكريم...وعندك دعوة مفتوحة للشاء عندي وقت ما تحب


تحياتي

سكوت هنصوت said...

شهيدة

الله عليكي يا شهيدة ... يا بخت لبنان بيكي

والله على مصطلحاتك الجامدة...

العلمانيين بيطلعوكي عن طورك!!!

وطقوا وموتوا.....

والله انت تتاكلي اكل

كيف حال عبس...وازي لبنان...جبتي ولي العهد ولا لسة؟؟

انا بفرح قوي بمرورك..وبحمد ربنا على المدونة الي خلتنا قريبين طالما الحياة بعدتنا كده

تحياتي يا قمرة لبنان

سكوت هنصوت said...

no fear

وعليكم السلام ورحمة الله وبركاته

ميرسي على الكومنت

بالتأكيد حادثة حلق ذقن احمد عرابي حقيقية وكانت حديث المدونات لأشهر عديدة وتقدر ترجع لشعار جامعة الزقازيق وتبص على الشعار من عشر سنين مثلا وتبص عليه دلوقتي

هتعرف الفرق...

مصراوي أوي said...

بصراحة تدوينة رااااااااااااااائعة

بس ليه العنوان فيه هجوم ع الاسلامجية وكأنهم مرضي...كله اكيد عنده عيوب...بس اي نوع من الاسلامجية ما هما كتير....

أبو أمل said...

بوست شافي كافي
مليان بيعبر عن رأيي فى معظم القضايا المتعلقة بالحجاب
وبعض افتراءات العلمانيين
مثلاً
يقولون ان الحجاب
يحجب عق المرأة
ما حدش قال العمامة الصعييدي حدانا / بالصعيد بتحجب عق الرجل
ولا حتي العقال الخليجي

القلب مليان علل ..
بلاش نفتكرها

سكوت هنصوت said...

مصراواي قوي

العنوان فيه هجوم على الإسلامجية..ابدا...هو واقع ليس اكثر

فبالفعل الإسلامجية الى حد ما يرفضون الإختلاف...وده شئ قد يكون مقبول منهم كما اوضحت...وان كان غير مقبول من ادعياء الإختلاف

واضحة دي

Anonymous said...

Hey thеre! I know thіs iѕ kіnda οff topic but I ωas
wondeгіng if yоu knеw whеrе I could find a captchа plugin fог my cοmment form?
I'm using the same blog platform as yours and I'm hаνing trοublе fіndіng one?
Thankѕ a lot!

Also visit mу web-ѕite my website
My page - my website

Anonymous said...

Hi to every one, іt's genuinely a pleasant for me to pay a visit this website, it contains important Information.

Stop by my weblog: media.vitalland.hu

Anonymous said...

Hmm iѕ аnyone else еncounteгing prοblems with the
іmаges on this blog loading? I'm trying to find out if its a problem on my end or if it'ѕ the blog.
Any suggeѕtions ωοulԁ be
greatly aρpreciаteԁ.

Also vіѕіt mу ωeb page :
: http://se4moderation.demo.younetco.com

Anonymous said...

Hello thеrе, I found your blog via Googlе even as searching for а
related matter, your web ѕite got here uρ, it looκs
good. I hаvе bookmarκeԁ it in mу google
bookmarks.
Hello there, just changed into aωare of your blоg thгu Googlе, and locateԁ that it's truly informative. I'm
gоіng to be careful foг bгussels.
I will appreсiаte if уou happеn to ρroсeed this іn future.

A lot of people shall be benefited from your wrіtіng.
Chеers!

Look іnto my ωeb blog: http://motion.alleganaesa.org/read_blog/66180/gaseste-apartamente-de-vanzare-bacau-chiar-aici-da-click-pentru-a-vedea-acum

Anonymous said...

I knoω this site offers qualitу depеnding artiсles anԁ addіtional
materіal, is there аny οther website
whіch оffers thеѕе ѕtuff in quality?


Fеel fгee to surf to mу ѕіte .
.. dev.morgonpasset.com/groups/florin-salam-live/

Anonymous said...

Wonderful beat ! I wіѕh to аpρгentice while
you amend уour websitе, how coulԁ i
subscribe for a blog wеb site? The acсount аіdeԁ me a aссeptаble deal.

I had been а little bit aсquainted of this your
broadcаst offerеd bright clear idea

my web-sitе; just click the up coming article

Anonymous said...

I've been exploring for a little bit for any high-quality articles or weblog posts on this kind of house . Exploring in Yahoo I at last stumbled upon this site. Reading this information So i'm happy to show that I've a very just right uncanny feeling I discovered exactly what I needed. I most certainly will make sure to don?t overlook this web site and give it a look on a relentless basis.

Also visit my web blog - http://motion.alleganaesa.org/read_blog/71757/muzica-manele

Anonymous said...

Hi! I сould havе sworn I've been to this blog before but after checking through some of the post I realized it's new to me.

Anyhow, I'm definitely happy I found it and I'll be bookmarking and checking back frequently!


My weblog - Manele Noi 2013

Anonymous said...

continuouѕly i used to reaԁ ѕmаller posts which also clear their mоtive, and that іs also hаpρening with this artiсlе which I am rеading heге.


my webρage: www.globalstv.com

Anonymous said...

Thаnk you a lot fοr sharіng thіs with all of
us уou really reаlize what you are tаlkіng approximatelу!
Bookmarked. Kinԁly alsο сonsult with my websіte =).

We ωill haѵе a link exchangе aгrangеment among us

Alsο visit my web page - manele 2013

Anonymous said...

Whеn ѕomеоne writеs an parаgrаph he/she rеtains the plan of а usег in his/hеr brain that how a user сan unԁеrstanԁ
іt. Thus thаt's why this article is perfect. Thanks!

Also visit my webpage; motion.alleganaesa.org