Wednesday, April 16, 2008

اخبار وتحديثات

انا لسة دلوقتي مكلمة المحامية الخاصة بإسراء
و سألتها عن خبر إختفاء إسراء و نادية مبروك وهل هو صحيح ام لأ
و طمنتني ان ده إجراء مؤقت ومعروف لإن البوليس
ما بيفرجش عن الناس بالساهل
هو دخول الحمام زي خروجه....لازم تلف كعب داير شوية ما بين امن الدولة
للداخلية الخ الخ
المهم انا في إنتظار اني اسمع اي خبر عنها و هطمنكو ان شاء الله
**************************
امبارح وانا بسمع خبر الأحكام على الإخوان دعوت الله من كل قلبي
أن لا يكون الدكتور محمود ابو زيد من ضمن المحكوم عليهم
وذلك لإحساس بعيد لدي بأن هذا الرجل قريب لي..رغم اني ابدا لم اميز شكله يوم ان حضرت جلسة المحكمة العسكرية
الوحيدة...لكن لهذا الرجل زوجة عظيمة كنت قد افردت لها(هنا) مساحة على مدونتي
كي انقل ما رأيته منها من صبر و ثبات و تفهم واعي تماما لدورها في هذه الدنيا
السيدة شاهيناز بشكل او بأخر اصبحت تهمني بصفة شخصية
ولكم وددت لو استطعت ان ادون رقمها في هذا اليوم حتى ازورها وانقل اليها تعازي الحارة
فمهما اختلفنا مع الإخوان لا يمكن ان نقبل ان يحاكموا مثل هذه المحاكمات المهينة
الى السيدة العظيمة شاهيناز...عزائي الخالص لك على ما اصابك من مصاب
و تقبل الله منك ومن كل من اوذي بغير حق

7 comments:

احمد الجيزاوى said...

لا بصراحه القلق زاد لانى الوقت طول على ان يكون اجرائات
ارجه ان تطميمنا
تحياتى
احمد الجيزاوى

a7lam 3adya said...

مها .. ازيك
يا رب بخير
فاضل ايام على عرض التجديد واكيد هتتعرض على النيابة وساعتها هننطمن
فى ناس برضه من الشباب مكانها مجهول
ربنا يفك حبسهم ومياخدوش تجديد

عبقرينو said...

اسراء فى سجن القناطر اعتقال رسمى نادية خرجت وروحت

السؤال بقى مين الاقوى عبد المجيد ولا العادلى؟؟
انا شايف الشعب الأقوى اذا تحرك
تحياتى عبقرينو

Dumuro said...

See Please Here

Dr. Eyad Harfoush said...

أعزائي ، أرجو الافادة النهائية ، فكل الاخبار عنها متضاربة و هذا يزيد من قلقي
تخياتي و تقديري

عاليا حليم said...

انا لسة برنامج اول امبارح على قناة اليوم بيقولا فيه أسراء خرجت و هى بتحلف ان محدش لمس سعرة منها جوه السجن

gogo we bas said...

الفكرة فى الرمز
اللى اصدر قرار الاعتقال عارف ومتأكد انها مجرد شابة بتتكلم .. بتعبر ومفيش منها قلق بس قضيتنا اللى طول عمرها مستمرة.. اضرب المربوط يخاف السايب او اضرب الضعيف يخاف الاقوى

ياخوفى ليكون قرار الافراج طلع من النيابة وطلعت معاه اسراء على حجز ماتحت الارض.. حجز بدون محاكمات

مش هى فوضى ولا ايه