Monday, May 28, 2007

لو حد فاهم حاجة امانة عليه يفهمني

قريتوا يا حلويين البوست الي فات
عملتوا الواجب و بصيتوا على الموقع الرسمي لمجلس الشورى
طيب الي عمل فيكوا الواجب بتاعة وبص على الموقع الرسمي لمجلس الشورى...الي عملاه الدولة..اكيد زمانة في عنبر المخابيل بالعباسية...لابس كسرولة في نافوخة ... وقميص ابيض بالشقلوب...وعمال يغني...وانا عاملة نفسي نايمة..وانا عاملة نفسي نايمة...
أنا شخصيا..اهلي كانوا قربوا يطلبولي الإسعاف ياخدني على هناك لإني كنت عمالة اضحك زي الهبلة كل انواع الضحك العبيط المتواصل ...شوية ضحكة الشرير..ناهها ها ها ها ها ...و بعدين افتكر المقلب الي عملاه فينا الحكومة ..فأضحك ضحكة العبيط..هييييهييييهييييهييي لحد ما امي قالت لابويا عوضك على الله في البت يا بو سكوت..بركة اننا خلفنا غيرها...
عايزين تعرفوا ليه..
اقروا معايا كده الدولة الغراء كتبة ايه عن نشأة مجلس الشورى واختصاصاتة...قال يا ايه خير اللهم اجعلة خير
"فى الاستفتاء الذى جرى يوم 19 أبريل 1979 ، كان من بين الأمور التى وافق عليها الشعب فى هذا الاستفتاء إنشاء " مجلس الشورى "" اما عن اختصاصاتة..( حددت اختصاصات مجلس الشورى فى المادتين 195،194 من الدستور إذ تنص المادة 194 على أن يختص مجلس الشورى بدراسة واقتراح ما يراه كفيلاً بـالحفاظ على مبادئ ثورتى 23 يوليو سنة 1952 و15 مايو سنة 1971، ودعـم الوحدة الوطنية ، والسلام الاجتماعى ، وحماية تحالف قوى الشعب العاملة والمكاسب الاشتراكية ، والمقومات الأساسية للمجتمع وقيمه العليا والحقوق والحريات العامة والواجبات، وتعميق النظام الاشتراكى الديمقراطى وتوسيع مجالاته)
طب معلش انا اصلي علامي على قدي..حد يقولي كده..المجلس ده بيهبب ايه لحد دلوقتي...
و بيتخانقوا عليه بأمارة ايه والنبي..اذا كان طبقا للتعريف ده..المجلس ده المفروض يتقلب طابع بريد
نسلم عليه كل ثورة و دمتم.....اذا كان الدستور الجديد شخرم كل تخصصات المجلس..يبقى ازاي الإنتخابات فيه قائمة؟؟
وبعدين بصراحة بقى...الناس ليها حق تقول ان المجلس ده مسؤول عن الأعمال الخيرية لمجلس الشعب..
هو حد فاهم راس من رجلين في كلام زي المحافظة على السلام الإجتماعي...ولا الوحدة الوطنية...يعني لامؤاخذه كده..
صنعتة ايه بالظبط...بالذمة مش حاجة تضحك لحد البكا
عجبي

7 comments:

مصر هى أمى said...

سكوت انتى برده مفهمتيش وظيفة المجلس
المفروض ان المجلس يناقش القوانين ويعدل فيها قبل ما تتطرح على مجلس الشعب
علشان انتى عارفة طبعا اعضاء مجلس الشعب مش فاضيين يناقشوا

المصيبة بقى ان محدش فى مصر كلها بيناقش
اللى عايزة الريس هوا اللى بيكون

انتى عارفة زى كده بيتكوا
اما ابوكى يعوز يقفل الشباك بيقفله حد عنده اعتراض انا اللى فاتح البيت وانا اللى باكلكوا
يبقى ابوكى الحاكم بامره
نفس الكلام الريس والحزب هما الحكام بامره
يبقى مستشفى المجانين هيا انسب مكان لامثالنا اللى عايزين يناقشوا ويفهموا
فانتى عارفة اعضاء مجلس الشعب ناس كبار وعندهم ولاد عايزين يربوهم فمبيناقشوش اى حاجة خالص

صاحب البوابــة said...

لأني مش فاهم حاجة في البلد دي

مش هقدر أفهمك حاجة

تحياتي اختاة

Ma-3lina said...

me too dont get it really !!!

بس معلش يعنى لا شورى و لا شعب كله بطيخ يا بنتى المهم هدى اعصابك

sokoothansawat said...

مصر هي امي, انا كنت فاكرة زيك كده ان وظيفة مجلس الشورى التصديق والمناقشة لمقترحات مجلس الشعب...لكن ما لقتش حاجة عن الكلام ده في الموقع الرسمي للمجلس...وكل الي لقيتة شوية كلام فاضي لا يودي ولا يجيب.....ده غير بقى ان تلت الأعضاء اصلا بيعينهم الحاكم بأمرة رئيس الجمهورية...يعني اساسا زيتهم في دقيقهم...المهم انك كويس دلوقتي...سيبك بقى من اي حاجة تانية شرفت يا فندم

صاحب البوابة

انا نشرت البانر بتاع شيخ المعتقلين عندي...شرفتني بالزيارة...و حتى ان كنت مش فاهم حاجة زيي...يكفيني و يكفيك شرف المحاولة شرفت يا فندم

ما علينا

شرفتيني بالزيارة...

Anonymous said...

Eхcеllеnt blog heгe!

Also your wеb ѕitе lοadѕ up fаst!
Whаt wеb hοst аre you using? Can I get уouг affіliаte lіnk tο yοur host?
I wish my website loadеd up as fast as yours lol

Fеel freе to ѕurf to my ωeb-site: http://nedusunuyorsun.com/groups/great-etsy-shops-for-kids-clothes/

Anonymous said...

Нi there! This іs my fiгst νіsіt tο your blоg!
We aгe a tеam of νolunteers аnd stаrting a new initіative in a сommunity in the same niche.
Your blog provіded us benefіcial informatiоn
tο work on. You have done а outstanding job!


Feеl free to surf to my web page ... simply click the following article

Anonymous said...

Gгеetingѕ! Very useful advice іn this partіcular post!
It iѕ the little changes which wіll make the
bіggest changеs. Thanks а lοt foг sharing!



Mу wеb-site ... haine copii