كنت أنتوى ان اكتب بوست عن رمضان
و احكي عن بعض الذكريات الخاصة بهذا الشهر الكريم
لكن يبدو ان الحكومة مش عايزة تسيبنا نفرح بشهر واحد طول السنة
فاجأتنا بإحالة إبراهي عيسى لمحكمة الجنح!!!
زية زي ممدوح إسماعيل بالظبط...
هناك عريضة بالفعل تجمع من أجل الإفراج عن إبراهيم عيسى
العريضة بها 340 توقيع..وهو رقم اكثر من الهزيل
ارجو من الجميع نشر أمر العريضة و التوقيع..
تفاصيل الإحالة موجودة في أبناء مصر
لمن يريد المتابعة
كل عام وانتم الى الله اقرب
وعلى طاعته أدوم
أخيرا بقى عايزة اقول لكل زائر طل عليا هنا
أمانة في عنقك يا أخي الزائر الكريم
ان تدعو لمصر في قيامك هذا العام
ادعوا لهذا البلد الذي لم يعد امينا على اهلة و ناسة
إدعوا لمصر ان يخلصها الله من هذه الغمة وان يبث في أهلها الشجاعة والجرأة
ادعوا لمصر كي يفك الله اسر اهلها من سلاسل الخوف على لقمة العيش و الجبن
كي يعلم الجميع ان الرزاق هو الله , وانه لا راد لقضائة..
وان للحرية ثمن لابد ان يدفع..
وان شهدائنا في الجنة حقا..وان الجنة سلعة غالية
لابد ان يبذل في سبيلها كل نفيس و غالي
يا مصر..أشهد الله اني احبك..ويعز علي فراقك
و يؤلمني رؤياكي جريحة مهترئة الثياب
اللهم هون علينا مصائب الدنيا
و ارزقنا من حيث لا ندري ولا نحتسب
39 comments:
كلنا مع الرائع:إبراهيم عيسى
وقعت...ونشرتها للتوقيع
جزاكمـ ربي خير الجزاء
وكل عام وانتم إلى الله أقرب ...وعلى طاعته أدوم..ولبلادكمـ أنفع
كل عام وانتـ بخير
...و...
ود
و الله الحالة بقت ضنك
الناس دي في وادي واحنا في وادي
التلكيك لإبراهيم عيسى بوادره ظاهرة من فترة
و اللي يصيد في الميه العكرة
يلاقي كنوز على رأى الانتهازيين
ـــــــــــ
بس انا مستني البوست بتاع رمضان برده
:)
ـــــــــــ
كل سنة وانت طيبة
ايه الكلام الكبير ده
امال كنتى بتتريقى على تدشين ومش تدشين:))
كان الله فى عونك يا حسينى
مش عاوز أقلب التدوينة الجامدهده هزار
بس فعلا رقم 314 هزيل جدا وغريب على مجتمع الانترنت
بالرغم من ان سايت التوقيع موجود فى أكثر من مدونة واتنشر على ؟أكتر من مجموعة بريدية
اما عن الكلام الجامد الى بتنهى بيه البوست
فأحسنتى
وكل سنة وكل العالم بخير حال
السلام عليكم
كل سنة وانتة طيبة يا مهى
وااعاد الله علينا وعليكم وعلى كل الشعوب العربية المظلومة بالعزة والفخر والحرية والخير ان شاء الله
يارب يفك أسر السجناء والاسرى ويرفع درجات كل الشهداء في هذا الشهر العظيم
تقبل الله أعمالنا وأعمالكم
تحياتي والسلام عليكم
كل عام وانت طيبه
رمضان كريم
جبتى فانوس ؟
انا بقالى كتير اوى مجابتش فانوس ومش عارف ليه لسه لحد دلوقتى اقف قدام محل الفوانيس واتفرج عليها لو مش مستعجل
وامبارح وقفت فى البلكونه سألت سلمى اذا كانت جابت فانوس ولا لأ
سلمى دى تبقى البنت الصغيره اللى فى البلكونه اللى جنبى عندها اربع سنين
بس ماشاء الله متزهقيش منها ابدا
وطبعا هى جابت فانوس بس انا روحت جيبتلها فانوس تانى معرفش اذا كان رغبه فى انى اسعد سلمى ولا رغبة شخصيه انى اشترى فانوس
وانت بقى يا ترى جبتى فانوس ؟؟
:-)
حبيت بس اخرجك من جو مصر وابراهيم عيسى والموال الكبير دا شويه
كيف حال قلبك مع الله فى رمضان
اتمنى من الله لك
دموعا كثيره فى سبيله وقلبا ضعيفا معه
وحبا منه ورضا عنه وعن قضاؤه وشوقا اليه والى رسوله
لا تنسينى من صالح دعائك
نسيت اقولك لو مكنتيش جبتى فانوس انا ممكن اجيبلك انا عندى رغبه شديده فى انى اسعد الناس رمضان دا لدرجة انى مستعد اشوف اى حد مجابش فانوس واجيبله
انها اعوام طويـــــــــــله
خمسة عشر عام لا ابتاع فانوساً
لو ان العمر بيدى لقتلته عند عمر التاسعه
كل عام وحضرتك بخير واولادك بخير
شاعر اخوان
كل سنة وانت طيب..و ربنا يصبر الشرفاء على مصائبهم..خلي بالك من نفسك يا أحمد...
انونيمس
عجبني اوي مثل الإنتهازيين, الي يصيد في المية العكرة يلاقي كنوز...حقيقي فكرتة حلوة..كل سنة وانت بألف صحة و سلامة...و عن حكاية بوست رمضان, فخايفة انشغل بالكلام عن رمضان عن رمضان. استنناني بقى في بوست العيد..البمب هناك هيبقى للركب.
شرفت المدونة بالزيارة يا أخي الكريم
منذر الجن
كل سنة وانت بألف صحة و سلامة يا أبو فاروق, وميرسي على الكلام الجامد ده,,,تسلم ذوقك على كلامك الرائع ده
دائما ما تحرجني باخلاقك
شهيدة
اسعدتني مكالمتك فوق الوصف, و اسعدني التعرف عليكي عن قرب بارك الله لك في عباس وبارك له فيكي, و اضم دعائي لدعائك ان يفك الله اسر المأسورين والمسجونين و أن يعيدهم لبيوتهم سالمين غانمين.
حزين
فكرتني بالفانوس, تعرف بقى ان الفانوس عمرة ما كان بالنسبة لي رمضان, يمكن عشان اخر مرة اشتريت فيها فانوس في رمضان كان من اكتر من 18 سنة, رمضان كان النزول في الشارع مع العيال و اللعب تحت البيت لحد الفجر, كان البمب و الألعاب الجماعية, كان صلاة التروايح الي نروح واحنا اطفال نقف فيها في المسجد هنموت نفسنا نلعب بس الكبار بيزعقوا فبنسكت و في الأخر نفضل نبص على رجلين الي حولينا عشان نتسلى. ياااااه فكرتني برمضان و ذكريات رمضان يا حزين. كل سنة وانت طيب و بعودة الأيام بخير.
انا طبعا ما اشترتش الفانوس, و ما جبتوش لولادي لحد النهاردة, لإني لسة ما جبتهومش ( هو مين الي طلع عليا اشاعة ان عندي ولاد؟؟!!!)
لو العمر بيديك كنت قتلتة عند سن التاسعة!! لا أظن اني ساقتلة عند سن معين, لكل عمر سعادتة فقط نحن نظل نتطلع للماضي بحنين وشغف, لو ان عمري بيدي لضاعفت مراحلة كي أظل طفلة حتى الثلاثين, و شابة حتى الستين و إمرأة حتى التسعين ثم عجوزا لعشر سنوات فأقبض...
كل عام وانت بخير, و أدام الله عليك سعادتك و فرحك, و ثبت قلبك على صالح الأعمال
اتعجب كثيرامن كتابتك واقف أمامها مستغرباً
أهذه هي التي اعرفها؟
أحيكي علي قلمك الانثوي الجرئ
:)
ودأئما في تقدم
بصراحة البوست في كلام كتير و امل جديد في الوقوف جنب الحق
بس بصراحة انا لا مقتنع بموضوع العريضة و لا موضوع الدعاء
لان احنا عملنا عرايض كتير قبل كدة و ما اتخدش بيها و دعينا ايام و ليالي ومفيش نتيجة يبقى خلاص على راي عم سعد
مفيش فايدة
و كل عام و انتي بخير
محمد مفيد
هو ايه حكايتك معايا...انت منطهدني ليه يا موسوليني يا أخي...
علام الإستغراب يا أخي الكريم, تعليق لا ادري ايندرج تحت بند المدح ام الذم...ذكاء تحسد عليه...
أما عن القلم الأنثوي...فللأسف كتاباتي رجولية جدا..لا اتمتع بلمسات الأنثى الساحرة..ولكم وددت لو املكها ( وش بيطلع لسانة)
زيارتك دائما تسعدني...
___________________
شمس الذي غاب عنا منذ فترة طويلة من الزمن...يا شمس, معك ان العرائض لا تقدم ولا تؤخر...لكن من قال اننا نلتمس من العريضة إستجابة..ما العريضة الا اشارة الى ان هذا العدد من الموقعين بالفعل مهتمين..فإن كان المهتمون بسجن إبراهيم عيسى 314 فعلام تشغل الدولة بالها الرأي العام..و تذكر ان فكرة العرائض و جمع التوقيعات استطاعت ان تؤلف الشعب بكل طوائفة حول سعد زغلول يوما, بل و اعطتة الشرعية انذاك ان يتحدث بإسم الأمة .. فالعريضة ذاتها لم تحقق نجاح, لكن حفزت الرأي العام و هذا في رأيي هو أساس الفكرة
أما عن الدعاء...فيا سبحان الله...تريد ان تدعوا اليوم فتمطر عليك السماء بالجيوش الجرارة التي تخلص البلاد والعباد...يا أخي الكريم انما ندعوا الله الا يستبدلنا, ان يعطينا من القوة و الشجاعة المعين الكافي كي نغير بأيدينا, كل يهبنا الصبر حين نبتلى في أمرنا .. كي لا يفتنا البلاء..هذا هو الدعاء الذي ندعوه...و نرجوا من الله ان يستجيب لنا....
ثم هل نحن اعز عند الله من انبيائة؟؟ إن كانت دعوات الرسل تؤجل بالسنوات....انكون نحن اغلى منهم عند الله...الله سبحانة و تعالى يقول ( حتى إذا ضاقت عليهم الأرض بما رحبت و قال الرسول والذين امنوا معه متى نصر الله, الا ان نصر الله قريب)
كل عام وانت بخير...ولنا كلام كثير في يأسك هذا
تحيــة فعلاً
وربنا يصلح الأحوال
تحياتي
انت بقى من البنات اللى كانوا بيلعبوا فى الجامع
انا كنت وانا صغير بتغاظ اوى من العيال اللى بتعلب فى الجامع
خصوصا اللى مش بيلعبوا معايا
:-)
والله مش عندك اولاد بجد ؟؟؟؟
ازاى ؟؟؟؟ دانا عارف انك عندك اولاد كبار كمان
عموما ربنا يخليهوملك لما يجوا
مع انى كنت عارف انك عندك اولاد اول مره اعرف انها اشاعه
طب حضرتك معزمه عندى كده على قصيده متواضعه بسيطه يمكن تنول اعجابك
حزين...
أيون...انا كنت من العيال الي بتلعب في المسجد..وتفضل تلف حولين المصلين و هما يهشوهم يمين و شمال ما يتهشوش...
نفس العيال الي انا دلوقتي بشوفهم و ابتسهم بس بعد ما اشخط شخطتين برضة...مش عشان يسكتوا..لكن عشان افرح بنفسي اني بقيت من الكبار الي بيشخطوا مش من الأطفال الي بيجروا...
نوع من السادية يعني..و محاولة اخذ حقي من الكبار الي كانوا في زمني...
مازلت مصرا ان تعيدني الى جو رمضان بتاع زمان...
و كلما تذكرتة احمد الله ان متعني به..يوم ان كانت الشوارع امنة علينا نحن الأطفال كي نلعب فيها مساكة الملك..و الكلب الحيران, و كهربا و نضرب البمب الذي تم إستبدالة بالصواريخ النارية التي اصبحت يثير اعصابي بشدة بعد ان علمت بمخاطرها على الأطفال..لكن كان له زهوا خاصة و سعادة لا توصف يوم ان كنا صغار...
أجمل ما في الأطفال هو انهم لا يدركون الحقائق...يعيشون الحياة كأنها تجربة لا تنتهي اعاجيبها..
أشد ما يخيفني ان لا يجد اولادي يوما نفس السعادة بنفس التجارب..و تمتلئ حياتهم بماديات تنسيهم روعة الحياة البسيطة...
لكني لن اشغل بالي بهذا الأمر بعد..لما اجيبهم ابقى اخاف عليهم..
انا لبيت الدعوة..و زرتك
ابن ناصر
طال غيابك عن مدونتي...
و اخيرا عدت الينا سالما غانما
شكرا على المرور و الزيارة
عجبتني ذكريات الطفولة دي يا مهى
بتاعة اللعب في الجامع
بس بجد مبروك انك بقيتي من الكبار اللي بيشخطوا :)
بس قوليلي الأخ حزين جاب منين اشاعة ان انت عندك اولاد؟؟؟
غريبة دي
هههه
تحياتي
سكوت
الف شكر على زيارتى وتهنئتى بشهر رمضان وانا هنا علشان اقول الف شكر على الزيارة وكل رمضان وانتى ومن تحبى بخير وان شاء الله على رمضان الجاى تكونى حققتى كل احلامك وامالك فى صحة وسعادة وراحة بال
سالتينى عن مظاهر رمضان هنا ـ الحقيقة يوم رمضان يوم شغل عادى ـ بعض الناس كل واحد بيعمل طبق اكل ويعملوا افطار جماعى مرة فى الاسبوع فى صالة مؤجرة من احد الفنادق وفى العيد برضة بيكون افطار جماعى بعد صلاة العيد وهدايا للاطفال ـ انها محاولات لبث الفرحة فى النفوس ـ لكن مفيش غير مصر هيا اللى فيها احتفال برمضان بطريقة خاصة جدا ـ تحياتى
إدعوا لمصر ان يخلصها الله من هذه الغمة وان يبث في أهلها الشجاعة والجرأة
ادعوا لمصر كي يفك الله اسر اهلها من سلاسل الخوف على لقمة العيش و الجبن
كي يعلم الجميع ان الرزاق هو الله , وانه لا راد لقضائة..
وان للحرية ثمن لابد ان يدفع..
وان شهدائنا في الجنة حقا..وان الجنة سلعة غالية
لابد ان يبذل في سبيلها كل نفيس و غالي
عارفة يا مها
كلامك اللى انا نسخته فوق مش محتاج اى تعليق مني
بجد هو ده اللى نفسي الناس كلها تفهمه
---------
لأول مرة أحس انك فاهمني كدة جداااااااااا
شكراً يا مها
شهيدة
زينب الجميلة...لا ادري والله من اين اتت اشاعة اولادي هذه..لا و مش بس عندي ولاد..لا كمان كبار....عموما..اهي بشرة خير...يبدو ان فيه خلط بيني و بين مدونة اخرى...عموما..انا عفيت عن حزين بعد ما وافق انه يدفع فدية خمسين ناقة حمر...بيتهيألي ده تعويض كافي عن الغلطة دي...
جدو...يؤسفني انك لا تتمتع مثلنا بجو رمضان والتراويح...و ان كنت اعلم ان للعيد مباهج اخرى في بلاد العم سام حيث يلتقي الباكستاني مع الفلبيني مع السوري مع الكويتي في إقرار حقيقي لوحدة الدين فوق اي قومية او عرقية خاصة...احدى المباهج البسيطة التي قد لا نستشعرها في بلادنا..شكرا على رد الزيارة..و تظل مدونتك هي بيت العيلة
صاحب البوابة
قد تختلف رؤانا في مواجهة الغد..و قد تختلف منهجيتنا في الحلول, لكن بالتأكيد كلانا يتفق في ان المرض الأساسي في الشعب المصري واحد..الخوف الرهيب من اي تغيير والخوف الشديد على لقمة العيش..
هو ذات الخوف الذي يمنع الناس ان تمارس اي نشاط سياسي, و نفس الخوف الذي يمنع الناس ان تقول لا في وجه من يغتصب حقوقها بمنتهى البجاحة.
الخوف الذي يجعل المصري والعربي يخشى ان يفتح عينية كل لا تحرقها الضوء...
لهذا ادعوك..وادعو معك..ان يفك الله اسر خوفنا...و ان نتحرر من مذلة الجبن..كي نستطيع ان نقف في وجه الحاكم الظالم ولا نخش في الله لومة لائم..
ارجو ان تكون قد تفهمت كلامي كما اردت ان اقولة..لا كما اردت ان تسمعة
ربما اكون آخر المهنئيين ولكنى اتمنى ان اكون اصدقهم
..
كل سنة وانتى طيبة
اعانك الله على طاعته وحسن عبادته وتقبل منك صالح الاعمال
...
اما بقى بالنسبة للبوست فـ
سكووووت هنصـــلى
وندعى بصدق على الظالمين
ويارب تخلى
الحق يبان
ويكون انسان
كل اللى يعلى الصوت بآمين
واحفظنا يارب من الخاينين
..
انا عزوماتى كلها بتبقى على بوستات
رديهالى انتى بقى بعزومة على الفطار
(:-
..
تحياتى لكى وكل سنة وانتى طيبة مرة اخرى
كل سنة وانتى طيبة
ربنا ينكد عليهم زى ما منكدين علينا
انا وقعت بقوا 320
كل سنة وأنت بألف صحة وسلام
أتمنى لك التوفيق يا مهى
رجعت تانى
علشان اعزمك عالبوست الجديد..دعوه خاصة
..
..
..
انتى لسة ما رحتيش تقريه ؟؟؟؟؟؟؟
طيب لو مالحقتيش اول تعليق بقه؟؟
********
تحياتى لكى
ارجو ان تكون قد تفهمت كلامي كما اردت ان اقولة..لا كما اردت ان تسمعة
------------
لو تعقلي بس وتبطلى تتفلسفي
تبقى هايلة مووووووووت
:)
إنكسارات
اولا و ثانيا...انا لاجئة عندك على المدونة..لإني من هواة الشعر الجيد...لكن ده ما يمنعش انك تيجي كل مرة و تسيبلي كارت الدعوة على باب التعليقات...و ربنا ما يقعطعلك عادة ابدا...
شرفتني كالعادة بالزيارة والحضور
سارة
وانت بالف صحة و سعادة يا رب
جزاك الله خيرا على التوقيع
نفسي اشوفك بقى....زهقت من الكلام عن بعد
________________
إنتصار عبد المنعم
زيارتك دي غالية عليا اوي...
كل سنة وانت بألف صحة و سعادة..
و يا ريت بقى اشوفك معانا في أبناء مصر قريبا
صاحب البوابة
والله اخلاقك اتغيرت يا صديقي العزيز
بقيت بتكتب بالعامية اهة..و دي حاجة غريبة عليك....و ايه هايلة موووت دي...لا لا لا لا...المستوى الثقافي انخفض خالص يا حسيني..ناقص تقولي حلاوة الليمبي و طعامة الليبمي..وفاضلك يومين و صورتك تنزل على الجنية...قلتلك قبل كده ما تاكلش من الأكل بتاعنا...اديك بقيت بتتكلم عامي زينا اهة...
الغريبة ان برغم تعليقك ده..مازلت اشعر انك فهمت الي انت عايز تفهمة...مش اي انا عايزة اقولة
بجد والله مش عارف اعلق اقول ايه
انا بقالى كام يوم عاوز اعلق على موضوع حبس ابراهيم عيسى ووائل الابراشى وعادل حمودة وعبد الحليم قنديل ده بس مش عارف اكتب اقول ايه بس
دلوقتى فى اشاعة انتشرت فى البلد
هما نقلوها وقالوا يا جماعة فى خبر بيقول كذا كذا كذا
هل هما اللى نشروا الاشاعة دى او هما اللى عملوها؟؟
الموضوع كله تصفية حسابات مع الدستور وصوت الامة والفجر والكرامة وفى انتظار الوقد والعربى والبديل على قائمة الانتظار
هانقول ايه؟
حسبنا الله ونعم الوكيل
اسف بس نسيت اسأل اذا كان الموضوع ده هايحصل لو ماكانتش السيدة سوزان مبارك طلبت التصرف مع اللى نشروا الخبر وتانى يوم حصل اللى حصل
http://human-2010.blogspot.com/
اطلعى ع التدوين ده
Thanks foг the marvelouѕ pοsting!
I seriously enјοyеd гeaԁing it,
уou might be a grеat authοг.
I will alwaуs boοkmark уour blog anԁ will often cοme
bacκ аt ѕome point. ӏ want tο encourage yourѕelf to contіnue
youг great poѕts, haνе а nicе evening!
Feel free to νisit my webpage abiaba.com
I quіte like гeading thrоugh а post that can make
men and women thіnk. Αlso, thanκ you for pеrmitting me to cοmmеnt!
Here is my webpage - http://www.hainuteminunate.ro
ӏ am really pleaѕeԁ tо read this blog posts
whiсh includеs lotѕ of valuable facts, thanks for ρroviding these
data.
Heгe is my homepаge :: www.playgame3.com
Post a Comment