Saturday, December 1, 2007

هما المصريين قلبهم قاسي علينا كده ليه!!!!!!!!!!!

هما المصريين قلبهم قسى علينا كده ليه
الجملة القاتلة دي..قالتهالي نعمات سمير جبر من كفر العلو
نعمات ست معاها بكلريوس تجارة
و عندها ولدين زي القمر....كانت متجوزة راجل بيجري على اكل عيشة و عيشها..
حب يسترها و يستتها...قام اشترالها حتة ارض في كفر العلو من صاحب حيازة بالي معاه كله
باعت الي وراها والي قدامها و حبت تسكن و تتستر هي والعيلين في ارض بتاعتهم و بيت ملك
عشان لو جار عليها الزمن تلاقي حيطان تتاويها...و ضل راجل يحميها
استلفت من طوب الأرض عشان تشتري حتة الأرض...و دلت اخواتها على حلوان عشان تتونس بالأهل
و في ليلة من ذات الليالي جالهم رسول من رسل الموت يخبرهم ان بيتهم الحكومة عايزاه
هو حد يقدر يكسر للحكومة كلمة....الحكومة عايزه الأرض يبقى تتاخد الأرض
الراجل الي هو السند والضهر للست دي...لما عرف الخبر طب ساكت
بقى الأرض الي شقي و تعب و اتمرمط عشان يشتريها و تبقى سند ليه ضد غدر الأيام
تروح منه كده في غمضة عين..,يدوله بدالها 2500 جنية!!!!
الراجل ما استحملش و راح عند الي لا يغفل و لا ينام..و فات نعمات
لوحدها مع الطفلين اليتامى دول...الي اصبحوا مهددين بالطرد
لكن الحكومة ما كفهاش وفاة الراجل...و قررت انها تبعت موظف مهمل
موظف ما كلفش خاطرة انه يدخل بين غيطان القصب و يعد البيوت الي في الأرض الي هتاخدها الحكومة
و اسقط في العد بيت نعمات.....سهوا اوعمدا مش هتفرق
المهم انه معدوش...., و محدش عرف عن بيتها حاجة...
و في ساعة فجرية...و يا دوب عينيها بتغفل...و بدأت تدوق عينيها النوم بعد يوم شقا طويل قضته كله سعيا ورا
رزق العيلين الي طلعت بيهم من الدنيا
لقت زوا الفجر جولها مع انها لا عمرها اشتغلت في السياسة ولا تعرف عنها حاجة
فجأة....دخل بيتها و خدرها رجالة اغراب...شالوا ابنها من فرشتة ساعة فجرية في ليل رمضان
و رموه في الشارع....ببجامته...منغير حتى ما يمهلوه يلبس شبشبة
و جرجوا امه و رموها في الشارع جنبة
يصرخ الطفل بحثا عن اب يرعاه ولا عم يحوش عنه قسوة الحكومة...ما يلاقيش غير بلدوزرات هدت بيته و احلامة
قدام عينيه....
نعمات قالتلي لما نزلنالها مع وفد ابناء مصر بقى احنا لو يهود كانوا عملوا فينا كده
هما المصريين بقم بالقسوة دي.علينا ليه
هو احنا مش بشر زييهم....
نعمات صرخت فيا و قالت...يعني احنا نعمل ايه..انا طول الليل ابني يكح من النزلة الشعبية
البرد كل عضمة..., دق صدرة...,وانا لا حول ليا ولا قوة...
لا عارفة اعالجة..ولا قادرة اصرف عنه البرد...منك لله يالي ظلمتنا
كل مسؤول همة بس الكرسي الي قاعد عليه
يجي الريس يشوف شعبة...ده احنا لو يهود ما كانوش عملوا فينا كده
جمعية رسالة بالتنسيق مع ابناء مصر نزلوا لأهالي كفر العلو بقافلة طبية...
و حصروا الأمراض الموجودة و وفروا العلاج الي يقدروا عليه
نعمات قالتلي و عنيها مش مصدقة الي بيحصل و ان فيه ناس مش في السلطة جاينلهم
ده الواحد زي ما يكون لقى المصريين تاني
اتاري مصر لسة بخير
كلمتها خلتني مش عارفة اعيط و اخدها في حضني و اعتذرلها عن كل الي صابها
ولا اغضب من كل غاصب و ظالم و غاشم حط في زورها و صدرها المرارة دي
يا مصريين...الناس دول محتاجينكو...محتاجين طبطتكوا...
محتاجين حد يقولهم بردكوا واجعنا
قعدتكوا في الشارع قهرانا...و نفسنا لو نؤيكوا
الناس دول مكسوفين من قعدتهم في الشارع..
الي بيقعوا في الشارع هما الغجر الي كل شوية يتنقلوا في الموالد..لكن مش اصحاب الأطيان
و اصحاب الأملاك...الجيران كل ما يضيع منهم قرش
يجوا يفتشوهم...ما هم سبيل في الشارع
لو سكتنا على الي بيحصلهم...مش هنلوم الا نفسنا لو حصل منهم اي حاجة
الناس فاض بيهم....بلاش القسوة دي يا مصريين

34 comments:

Unknown said...

ياااه يا مها قلوبنا مش ناقصة مآسى هنلاقيها منين ولا منين
حقيقى ادمعتى عيونا وادميتى قلوبنا
قول ليهم يا مها دول مش مصر انتى واللى معاكى اللى بتمثلوا مصر مش الكبار اللى باعوا الارض والعرض

تحياتى ربنا يوفقكم ويكرمكم

فؤاده said...

على قد ما الواحد عارف كويس اللي بيحصل في مصر ، على قد ما بيتخض من الحاجات اللي زي ده
اما المصريين ، فعلا بيزدادو قسوة يوم بعد يوم وللاسف بيتشطرو على بعض ،
بس مفيش حد بيحاول يجيب حقة من الحكومة
عشان زي ما قلتي هو حد يقدر يكسر للحكومة كلمة

مـحـمـد مـفـيـد said...

عارفه يا مها
هي مش قسوه المصريين
ولكنها غلب من ضيق ذات اليد وقله الحيله
خلاص اتعودنا علي الظلم والقهر والاستبداد والتعذيب وكأنه ركن اساسي في حياتنا
بس بجد والله لسه في أمل
في أمل طالما لسه بنحاول ونجاهد
مش عايز نبره اليأس تتملك كل واحد صاحب حق

في قصيده كان كاتبها سيد حجاب بيقول فيها

دنيتنــــــا موجه.موجب وسالب
عارجه وعوجه.مسلوب وسالب
ودي ناس تعالب غاويه المقالب
تيطاتلها تغلب تغلبها غالب
ياصاحبي حقك. ماتسبيش حقك
شي تستحقه ويستحقك
خد مستحقك ما حد حقك
دا مضعش حق وراه مطالب

ابن رشد said...

بصراحة انا مش عارف اتاثر زي اللي اتأثروا و علقوا بدموعهم لاني لما رحت كفر العلو
سمعت كل واحد فيهم على حدة
و كنت بتقطع
فتقريبا قلبي خد على الحاجات دي و سماعها هقول اية غير ان احنا جنبهم و ربنا قبلنا مع الجميع

عبقرينو said...

السلام عليكم
مش ناقص كفاية كفاية كفاية الحل فى الانتهاء من هذا النظام الفوضوى العبثى الحل فى التغييير والتغيير بيد كل واحد فينا وكل واحد فينا بيتفرج ومستنى زميله وزميله مستنى زميله ومافيش حد هيتحرك علشان كله مستنى بعضه
اللى انتم عملتوه بتحرككم الى كفر العلو دى البداية لازم تستمروا ولازم كل اللى بيبكى وكل اللى بيحزن يرفض يدفع رشوة ويرفض اى حاجة مختلفة مع مبادئه حتى لو مش هيستمتع بالحياة ديه بداية التغيييير
بكرة أحسن بينا كلنا
أصحى ياشعب مصر

Coca said...

والله يا مها انا اول ما عرفت الموضوع دا صعب عليا ان الغبان في بلدنا بيضرب مش علي قفاه بس بيضرب في كل حته

بس الموضوع ان شاء الله هيطرح قريب

ويكون ليه حل بإذن الله

Dr. Eyad Harfoush said...

عزيزتي مها
ذكرني مقالك هنا بجملة دامية مدمية سمعتها منذ سنوات و مازال القلب يختلج كلما ذكرتها ، كان يوما مطيرا و سقط سلك الكهرباء عالي الفولت على حصان العربة الكارو فقتله لفوره ، فإذا بصاحبه يبكي و يلطم خديه ، بينما شقت زوجته جلبابها و هي تصرخ "مين هايأكل الغلابة بعدك ، يا ريتني كنت أنا و كنت انت بقيت لهم" نعم تمنى الانسان في هذا الوطن يوما أن يموت ليبقى لعياله حصان يجر العربة الكارو

مشكلة مصر بالنسبة لي كانت دوما أنها وطن أتعذب فيه و أتعذب بعيدا عنه

ابو العربى said...

كلامك اسى قوى
بجد الهم ينتقم من من ظلمنا والله الواحد مش عارف يروح فين ويجى منين الفقير معتش ليه مكان فى مصر

kol-eldonia said...

لا اله الا الله ناس بتبات دفيانا و ناس بتبات عريانا و عجبى عليكى يا دنيا و انا نفسى رجال الاعمال و لعيبة الكرة و الممثلين يتبرعو و لو بعشرة الاف جنية لكل اسرة من دول و الحمد لله الممثلين كتير و اهو دول تمن فستان و لا بدلة من الى بيروحو بيهم المهرجانات و مصر دلوقتى مفيش فيها اكتر من الممثلين... ا

Amr Ahmed said...

كله ده بقي عادي

خلاص اي حاجة بقت ممكن تحصل في مصر


لازم نتعود علي كده
منستغربش

اصل ياما لسه هنشوف

Amr Ahmed said...

كله ده بقي عادي

خلاص اي حاجة بقت ممكن تحصل في مصر


لازم نتعود علي كده
منستغربش

اصل ياما لسه هنشوف

مدونه يلا نفضحهم said...

تتشرف اسرة يالانفضحهم
بدعوة سيادتكم لافتتاح مقرها بالاسكندرية
مركز ضحايا
للاستشارات القانونية والتأهيل النفسى

محاضرة بعنوان مبادىء واساسيات حقوق الانسان

وورشه عمل لتقسيم فريق الاسكندرية وذلك يوم الجمعة اوافق 14/12/2007 فى تمام الساعة الواحدة ظهرا

العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية
ت:- 5484897 - 0166885063

نقطة مية said...

وحشتيني جدا...يارب تكوني بالف خير و كل سنة و انت طيبة و مصر طيبة و هابي خروف

Unknown said...

كل سنه و انتي طيبه عيد سعيد

سكوت هنصوت said...

دكتور عبد الخالق

صحيح قلوبنا مش ناقصة و كلها هم وغم لكن مقدمناش غير بعض, نبكي مع بعض و نمسح سوا دمعة بعض
نعمات والي زيها محتاجين حد يقولهم ان الكبار الي باعوهم دول وباعو الأرض والعرض مش هما مصر...لإنها في زحمة الألم نسيت

الوجع واحد يا دكتور...وجعهم ووجعنا..عشان كده كان لازم نفكر بيه بعض لحسن يجي علينا اليوم واحنا كمان ننسى

سكوت هنصوت said...

نائل ( فؤادة)

نائل...اكتر حاجة وجعت نعمات و الي معاها مش قسوة القرار بهد البيت و نزع الأرض..البيت والأرض الي فيهم شقا العمر...الي وجعها وخلاها تقول ايه القسوة دي...ان يجي واحد فقير زيها, جعان زيها, غلبان زيها...يمسك طفلها بكل قسوة و يرميه في البرد في عز الليل...الغلبان الي هو موظف عند الحكومة بياخد ملاليم...ما حسش للحظة انها زيه غلبانة..لأ بقى اكتر افترا من المفتريين, ملكي اكتر من الملك..

هي دي قمة القسوة...ان يجرحك من هو مثلك..فيكون الجرح اكبر و الالم اعظم

سكوت هنصوت said...

مفيد

ياااااااه على سيد حجاب

قصيدة في وقتها...تطاليها تغلب تغلبها غالب...فعلا..بس يا رب نقدر نكسر جوانا الخوف و نقوم نغالب و نعافر الظالم الغابر ....

اللهم اعنا على انفسنا..

فاكر قول عمر يا مفيد..اللهم اني اشكو اليك ضعف المؤمن و جلد الفاجر

يا رب ارزقنا الجلد كي نصبر و نحتسب

سكوت هنصوت said...

شمس الزناتي

كل واحد بيتأثر بطريقته

ساعات الواحد من كتر ما سمع بيتبلد

انا نفسي حصلي كده اول ما دخلت عالم التدوين

كنت كل ما اسمع عن حد اتقبض عليه قلبي ينخلع من مكانه

لكن مع الوقت.., مع كثرة البلاوي

بقيت الى حد ما اصبر واهدى..واقول يااااه فلان اتقبض عليه

احساسك انا عارفاه يا شمس

و هقول زيك ربنا معاهم قبلنا

سكوت هنصوت said...

عبقرينو

كفاية...انت كيفاياوي ولا ايه

الحلول الطيبة المثالية لا تصلح يا عزيزي في ظل نظام لا يسمع سوى صوته

الحل هو ما العصيان المدني الشامل

العصيان المدني النهائي والتام حتى تزول هذه الغمة


فيا ترى هل يظهر في الأفق اي عصيان مدني

سكوت هنصوت said...

كوكا

اهلا بيكي

فعلا الي مالوش ضهر في بلدنا بيتضرب على بطنة وعلى قفاه وعلى ايده وعلى رجلة

او زي ما تيجي في وش الي بيضربه

لعل يا رب يكون هناك امل قريبا لهؤلاء المساكين

سكوت هنصوت said...

دكتور اياد حرفوش

يبدو انها ليست مشكلتك انت وحدك مع مصر

مصر دائما وابدا هي البلد التي نتعذب فيها و بها و عليها ولا نقوى على فراقها

سامح الله من جعل اوطاننا مقابرنا..

ندفن فيها احياء...و ندفن بعيدا عنها اموات

سامح الله من ابدلنا الأمن بالخوف..و شرد الأطفال و يتمهم

و جعل الدموع لا تجف على خدود الأمهات

اقول سامحهم...عفوا بل اعنى لا سامحهم

سكوت هنصوت said...

ضد الظلم


لا اجد سوى ان اقول امييييييييييييييين

سكوت هنصوت said...

كل الدنيا

لعيبة الكورة والممثلين بيتبرعوا لمستشفى سرطان الأطفال عشان ماما سوزان بتحبها

سكوت هنصوت said...

كل ده بقى عادي ولازم نتعود على كده

طيب وبكرة يا عمرو هنعمل ايه لما الناس دي تكتشف ان اسرائيل ارحم عليهم مننا

هيعملوا فينا ايه ساعتها

لما نعمات تفكر تنتقم من كل من سابها تتبهدل هي و عيالها

وطلعت ابنها ده حرامي ولا قتال قتلة

والقانون الي رماها مش هيبقى القانون الي يحمينا

ساعتها بقى هنعمل ايه

هنبيع نصيبنا في البلد زي ما عمل فيلم عايز حقي و ندور على بلد إيجار نلاقي فيها لقمة عيش نضيفة و حياة كريمة

ولا احنا كمان هنمسك نبابيت و شوم و نبقى احنا الظلمة الجدد!!!!

لازم يكون فيه حل يا عمرو

سكوت هنصوت said...

نقطة مية

وحشتييييييييييييينننننييييييي قوييييييييييي

انا عملت تدونية جديدة مخصوص عشانك...لإنك وحشتيني قوي

و لقيت نفسي في وسط الزحمة نسيت قد ايه مفتقداكي

برغم اني شفتك وقت قليل قوي بس حقيقي فرقتي معايا

كل سنة وانت طيبة

سكوت هنصوت said...

إيمي

كل سنة وانت بألف صحة و سعادة

دايما سباقة بالخير

يا رب نقبل معا هذا العام مع المقبولين

امين يا رب العالمين

Anonymous said...

Thank you fοr any other magnificent pοst.

The place else may anyone get thаt type of informаtion in suсh a peгfect approach οf writing?
I've a presentation next week, and I am on the search for such information.

Here is my website twitter.com
my website > https://twitter.com

Anonymous said...

Ιt's a pity you don't hаѵe a donate button!
I'd certainly donate to this superb blog! I suppose for now i'll settle foг book-mаrkіng аnd addіng your RЅS feed to mу Goοglе aсcοunt.
Ι look foгωaгd to new updatеs аnd
will talk about thіѕ site with mу Facebooκ gгoup.
Talk soοn!

Feel freе to ѵisit my website facebook-egy.com

Anonymous said...

Howdy, i reaԁ your blog occasionаlly anԁ i own
a sіmіlаr one and і was јust wondering
if you get a lot of spam feеdbаcκ?
If sо hoω do you protect agaіnst it,
аny plugin oг anything you can adνise?
I get so much latеly it's driving me insane so any assistance is very much appreciated.

Also visit my web blog - http://media.vitalland.hu/read_blog/23778/vanzari-apartamente-bacau

Anonymous said...

This is my first tіme рaу a visit at heгe anԁ i аm genuinely happy to read all at one plаce.


mу websitе ... http://spiritual-public-foundation.org

Anonymous said...

I know thіs if οff tоρic but I'm looking into starting my own blog and was curious what all is required to get setup? I'm assuming
havіng a blog like yours would cost a pretty penny?
ӏ'm not very internet savvy so I'm not 100% sure. Any suggestions or advice would be greatly appreciated. Many thanks

My web page; linked web page

Anonymous said...

Ηi, eѵerything is going nіcely hеrе and ofсourse every one іѕ sharіng
datа, thаt's really fine, keep up writing.

Look into my webpage ... se4moderation.demo.younetco.com

Anonymous said...

Αn іmρгesѕive sharе! I've just forwarded this onto a colleague who has been conducting a little homework on this. And he actually ordered me breakfast simply because I found it for him... lol. So let me reword this.... Thanks for the meal!! But yeah, thanks for spending the time to discuss this subject here on your site.

Feel free to visit my site whogotbarz.net

Anonymous said...

I alωaуs used to study artiсlе іn neωs ρаpers but nοw aѕ I аm
a useг of internet therefore from nοw I am using nеt for ρosts,
thanks to web.

Have a look at my blοg - click the next post