Monday, December 24, 2007

انهم أناس يتطهرون

تصّر الحكومة أن تطير البرج الباقي في يافوخي
بغباء وإصرار أحمق تصر الحكومة على لا منطقة الوقائع و تقنعك بسماجة لزجة ان هذا هو المنطق السليم
و ما انت الا احمق و متخلف و غير مدرك لطبائع الأمور لهذا لا تدرك الحق حين تراه
تماما كما كان قوم لوط يقولون لشعبهم أخرجوا ال لوط من قريتكم انهم أناس يتطهرون
اصبحت الطهارة عيب و نقيصة تؤدي الى طرد صاحبها, في حين النجاسة هي القاعدة السليمة
كلما فتحت وسيلة اعلامية تمولها الحكومة النظيفة تنهال على أم رأسي دفقات من الكلام الفارغ
أفتح التلفاز فأجد إعلانا غريبا عن شاب جالس في قهوة يلعب الطاولة و يحدثة صوت مستفز جدا كأنه يربيه
" إنت يا بني قاعد بتعمل ايه
الشاب يا ولداه يقول ردا منطقيا جدا, انا مؤهل عالي و مش لاقي شغل
يرد الصوت يا أخي ما تقوم تشتغل اي حاجة مش احسن من قعدتك على القهوة
فيرد الشاب بقولك مؤهل عالييييييييييي انت عايزني اشتغل عامل في مصنع
يرد الصوت بأريحية و تحدى تثير الجنون, و ماله العامل في المصنع
مش احسن ما انت عاطل و بتاخد مصروفك من ابوك
فينظر الشاب بحسرة و يقول بس مين هيجوز بنته لعامل في مصنع
فيرد صاحب المنطق الفتاك, ومين هيجوز بنته لعاطل
و يصبح هذا هو حل الحكومة النظيفة المعزة لشعبها
بعد ان تصاعد الدم الى رأسي وخفت على عيني من الإحتقان
قررت غير مأسوف عليه ان اغلق هذا الجهاز الغبي
و قلت ليس أفضل من الراديو فهو أصل التميز الإعلامي المصري
فتحت الراديو يا سادة يا كرام على إذاعتي المفضلة
الشرق الأوسط, وبما أني شرق أوسطية قديمة
فإنتفخت اوداجي و إشرأبت اوصالي و نظرت للتلفاز بتعالي قائلة
حكومة نظيف لن تلوث هذه المحطة الرائدة
و كان بالراديو برنامج عن الهجرة
وكان الضيف شخصا من الحزن الوطني لا اعرفه
و بدأ هذا الفذ يتحدث الينا عن اسباب الهجرة فقال البطالة و سؤ الدخول
و إرتفاع الأسعار ثم قال الحل اللوذعي
من أسباب الهجرة الغيرة وان الشباب الحاصل على مؤهل عالي
يرفض ان يعمل في مهن بأقل من شهاداتهم
كعمال او سائقي ميكروباصات او فنيين وخلافة
فقالت المذيعة لكن يا أستاذ فلان دول معاهم شهادات عليا
فيرد العبقري سيد شباب بنها
بأن الشهادة دي شكل إجتماعي عشان يتجوز بيها
هما مش أهلة فرحوا بيه وهيصوا و زغرطوا وقالو خلاص ابنهم معاه شهادة كذا
خلاص بقى الشغل حاجة تانية
و انتهى رد هذا الفرد اللوذعي لإني إنتابتني وقتها حالة من الضحك الهستيري
أعقبه دخول الست الوالده بالبسملة والحوقلة
بعد أن رأتني في حالة الهبل السالفة الذكر
طيب حد يفهمني...هل الشهادة من مطلبات الزواج
هل مثلا لا يصح عقد الزواج الا بشهادة جامعية!!!
و هل تأخذ الحكومة من جيوبنا مئات الألوف لكي تعلمنا تعليما عاليا
عشان نتجوززززززززز!!!!!!!!1
طب ما كانوا وفروا الفلوس دي و بقينا كلنا من حملة الدبلومات و هنضطر برضة نتجوز من بعض
ولما هما عايزين عمال, بيدخلونا كليات اداب و حقوق وطب و تجارة ليه
ولا الحكومة عايزة سواقين ميكروباص بيقرأوا مسرحيات موليير و متطلعين على فلسفلة فولتير
او يمكن يكونوا دكاترة عشان الراكب من دول ياخد بحق الأجرة إستشارة طبية على الماشي
ويبقى كل ميكروباص مكتوب عليه بقى تخصص السواق
إمبابة-حقوق, او رمسيس طب و هكذا
يعني بيخرجوا سنويا مليون خريج جامعي, عشان يشغلوهم فنيين و حرفيين
طب ما كانوا خرجوا عشرة الاف خريج بس سنويا
والباقي يتوزعوا على التعليم المهني والحرفي
وفلوس ده تغطي ده
ولا هو ودنك منين يا جحا
يعني هو الحرفي ولا الفني مش هيتجوز
و ايه دخل الجواز أصلا بالموضوع
ما هو لو دكتور وبيشتغل بدل الطب فران
برضة محدش هيجوزه بنته
الحكومة اللوذعية حولت قضية البطالة و سوء إستخدام الكفاءات الى انها
ازمة طبقية في المجتمع المصري, إحنا الي متكبرين و متعالين ومش عايزين
نرضى بقليلنا, وعشان كده الحكومة مضطرة تجارينا عشان نتجوز
فيه واحد من الموظفين في الضرائب العقارية
قالي و هو بيغلي من الغضب
الحكومة الي بتحل مشاكلها بالتوك توك
مش هتنفع تحللنا مشكلتنا
الراجل ده.....عبقريييييي

52 comments:

مـحـمـد مـفـيـد said...

وما الغريب يا اختي في هذه الحملات الموجهه
تحاول الدوله ليهامنا بأن الكره في ملعبنا ونحن شعب نمرود يستحق أكثر من ذلك
العمل موجود
والفرص كثيره
والاموال طائله
ولكننا بغباء متناهي نبدد كل هذه الامال
لانها حكومه من كوكب أخر ولم تعلم عن الشعب شئ
فلنا الله
وكفي حرقه دم

Unknown said...

هي دي مصر عادي جدا
هانركب الشباب القطر و بعدين القطر يعمل حادثه و يبقي الغلط علي السواق

انـتــصار عــبـد الــمـنـعـم said...

أيامك كلها سعادة وأعياد يا مها
بس اسمحي لي ماعندكيش حق إنك تزعلي كده
طبعا الشهادة للجواز
وانت شايفة إن نسبة العنوسة موش مرتفعة ولا حاجة
وشايفة كل الجامعيين ماشين وزوجاتهم في ايدهم وحسن وحسين وراهم
يا حبيبتي يا مها
هو أنت كان عندك لسة أمل واحد يقول كلمة منطقية؟؟
إذا كان غرقى العبارة طلعوا غلطانين
وكمان الوحشين بتوع الهجرة الغير شرعية
وكمان قطر الصعيد وغيرهم
كلهم الغلط راكبهم
والحكومة دايما على حق
معلش يا مها

حسن مدني said...

الحقيقة أختلف معاك في جزء وأتفق في جزء آخر
الجزء الذي أتفق فيه، إنه لابد للحكومة أن تتيح المجال لخلق فرص عمل حقيقية لأصحاب المؤهلات.. أما ما أختلف فيه معك
فهو مش عيب ان الواحد يعمل في أي عمل شريف مهما كان، أقل من مؤهله العلمي، أو شهاجاته الدراسية
والحقيقة المرة هي إنه حتى لما الشباب يبحثوا عن عمل أقل من مؤهلاتهم أو مختلف عنها غالبا لا يجدوا
تحياتي

Dr. Eyad Harfoush said...

نعم عزيزتي مها ، تماما كما قال هذا الشيء المسمى محافظا لمحافظة الثغر أن الخطأ كان على مواطني عمارة لوران ، لأنهم لم يسألوا في الحي عن العمارة ، و عندما قالت الناجية أنها سألت فقيل لها أنها عمارة سليمة ، قال المحافظ أنها لابد قد سألت موظفا مرتشيا، هكذا؟؟ ترك سيادته عمائر متهافتة و غير قانونية ، و ترك في الحي موظفين مرتشين ، ثم يكون من واجب كل مواطن يتعاقد على شقة أن يقوم بتحريات عن كل شيء و كأنه هو الدولة ، صحيح ، حكومة رائعة ، احنا اللي مابنعرفش نتحكم

لكن ليتهم عزيزتي كانوا يقرأون فولتير، لو أن كل خريجي مصر قرأوا فولتير فلن يجد النظام بيننا فصائل ، يعادونها في الظاهر و يسترون بها سؤاتهم بالباطن ، قديما قال عدونا بن جوريون مشخصا داءنا، مشكلة العرب أنهم لا يقرأون، و اذا قرأوا لا يفهمون ، و اذا فهموا لا يستوعبون دروس التاريخ ، و لو فهمومها لا يعملون بها

تحياتي و تقديري لك و لفيلسوف التك تك الشعبي العميق

عبقرينو said...

السلام عليكم
مشكلتنا اننا ننسى ولا نقرأكما قال الدكتور اياد ولكننا أيضا لا نتحرك
لو تحركنا لما وجدت حكومتنا النظيفة الرشيدة من يؤيدها ويقف بجانبها غير المنتفعين والمتملقين ولن تجد مننا سكوتا وذلا وهوانا كما نحن الآن
الحركة الحركة الحركة حركة لايجاد فرصة عمل شريف الحركة للثورة على الظلم الحركة للتطلع نحو المستقبل الحركة للخروج مما نحن فيه
عارفين فيدل كاسترو عمل ثورته بكام واحد عملها ب 170 شخص فضل يجمع فيهم من سنة 1952 لغاية سنة 1958 للثورة على حكم بتاتيستا والأجمل انه جمع اموال اللازمة لثورته من الشعب الامريكى وقابل تشى جيفارا هناك واستقلوا مركب ونزلو كوبا 150 فرد اتقتل نصفهم واتبقى 70 هما اللى اصبحوا وقود لثورة كوبا
عاوزين ثورة ياناس شعبية ضد حكومة البلطجية ضد حكومة الحرامية....يسقط يسقط حسنى مبارك
الحركة هى الحل ....تحركوا تصحوا...تحركوا تنعموا...تحركوا تجدوا مايسركم
جايلكم استنونى بقى ...ميعاد ثورتنا قريب ممكن بكرة ممكن بعده بس أكيد جاى ان شاء الله
مصر أحسن بينا كلنا

سكوت هنصوت said...

مفيد

الغريب يا مفيد, أنها هذه المرة في غاية اللامنطق, وتحاول ان تحول قضية ضخمة تسببت الحكومة في خلقها الى مشكلة طبقية بغيضة, لقد تعودنا على حملات تنظيم النسل و ختان البنات, واتعودنا عليها
و حتى المختلفين مع الدولة يمكنهم ان يجدوا منطقا فيما يقال...لكن ان تنقلب الأيه بهذا الشكل...و يصبح اللا منطق هو منطق يروج له...فيافوخي لا يتسع لهذا الكم من الغباء.
يمتعني دائما تعليقك

و يسعدني حضورك

سكوت هنصوت said...

إيمي


ههههههههههه

طيب لو الغلط على السواق تبقى مبلوعة ما هو الي سايق...الا الأكادة ان الدولة بتركب الغلط على الكمسري او على التباع ولا حتى الركاب, و تقولك ايه مش كفاية السواق بيسوق

شرفتيني يا إيمي

سكوت هنصوت said...

إنتصار عبد المنعم


المدونة مشرفة يا إنتصار, تسلم صوابعك الي جابتك عندي :-))))))

و ربنا يسعد ايامك انت كمان

طبعا ضحايا العبارة هما الي غلطانين لما المركب ولعت جريوا ناحية السور فلازم المركب تغرق..زي ما بتوع القطر هما السبب ان القطر ولع

جاتنا البلاوي ملينا البلد

شرفتيني يا فندم

سكوت هنصوت said...

فارس وحيد

هذا بالظبط ما تسعى اليه الدولة يا فارس

ان يتحول الأمر من قضية فشل حكومي الى صراع طبقي

المشكلة يا فارس مش ان الناس تشتغل اي شغلانة...ما احنا طول عمرنا بنشتغل شغلانة واتنين عشان نعيش

المشكلة ان الحكومة تخصم مننا ضرائب و تقولك ميزانية التعليم العالي....و تقولك التعليم ببلاش و انت بتدفع فيه قد كده تبرعات...و بعدين تخرجك خريج غير مؤهل..وترجع هي برضة نفس ذات الحكومة تقولك انت متكبر على ايه ما تشتغل يا أخي اي شغلانة....

طيب لما الحكومة مش محتاجة الخريج ده..صرفت عليه ليه من مال الشعب قد كده ليه. لما هما عايزين حرفيين, ما صرفوش ليه على التعليم الحرفي و خرجوا خريج مهني متعلم و مستنير و فاهم هو بيعمل ايه...بدل ما الحرفيين عندنا كلهم واخدينها هواية

المشكلة مش في الطبقية يا فارس المشكلة في سوء التخطيط

لو الحكومة بتفهم...كانت قننت التعليم الجامعي طالما الدولة مش في حاجة اليه, و فتحت المجال للتعليم المهني والحرفي, وسنين التعليم الي راحت على الناس دي تتوفر, و كنا إشتغلنا و جبنا فلوس من سن السبعتاشر, و بكده كانوا على ما يوصلوا للتلاتين يكونوا عملوا قرش يتجوزوا بيه بجد

و فكرة ان الشهادة للجواز دي بقى اختراع مصري حزب وطني اصيل...خارج من جعبة حكومة فاشلة و ناس معندها نقطة دم في وشها

معلش بقى تعليقي طلع بوست جديد...بس حقيقي حفزني تعليقك

شكرا للحضور والزيارة

سكوت هنصوت said...

دكتور إياد حرفوش

كلما قرأت لك, ينتابني احساس مضاعف بالشجن, لإحساسي ان همك متصل بهمي في هذه البلاد

يا دكتور إياد, مقولتي المفضلة هي

ذو العقل يشقى في النعيم بعقله وأخو الجهالة في الشقاوة ينعم

اتريد ان نقرأ و نفهم و نتعلم كي ندرك حجم المأساة التي نعيشها

ان الإدراك يستلزم بالتبعية المسؤولية بالتغيير وهو ما لا نقدر عليه لإن التغيير يتطلب تضحية قد تكلفنا الغالي والنفيس من المال والجهد والعرض و النفس

و للأسف إننا شعب من الجبناء...تغلغل الجبن في حشايانا حتى سار منا مجرى الدم

لذا...ان قرأنا علمنا وان علمنا شقينا

فإخترنا بدهاء وربما بغباء ان نكون في زمرة الجهلاء, طمعا في الأمن الكاذب في الدنيا وان نحشر مع المساكين في الأخرة

عسى الله الا تكون بضاعة خاسرة

سكوت هنصوت said...

عبقرينو

جل الذي اخشاه اخي الكريم ان تطيش منا الرؤية

من قال ان نموذج كاسترو او جيفارا هو ما نسعى اليه, او حتى يصلح ان يكون قدوة

كاسترو هذا الذي تتغنى بأفضاله حكم شعبه حكما ظالما مستبدا لا يختلف كثيرا عن حكم مبارك, و ظل يحكم لأكثر من ثلاثين عاما..و مازال رئيسا لكوبا رغم تعدية الثمانين, و تدهور حالته الصحية الشديد والذي بان حين سقط ارضا بمجرد محاولته صعود درجة واحدة امام الناس.

لم يؤسس لأي نظام ديموقراطي ولم يقبل رأيا ورأيا اخر

حتى جيفارا هو نموذج حي لشخص رومانسي رومانسية حمقاء في كثير من الأحيان.

عبقرينوا...ان الثورات لم تحقق للتاريخ سوى تحريك الأمور قليلا

بعض الفقاعات في حوض ملئ بالماء والصابون الراكد...تقليل للتوتر السطحي ليس إلا

لا تصلح لإقامة أنظمة او ديموقراطيات او تربية شعوب, او تسنين قوانين و تشريعات

ان مثل هذه الأمور تحتاج الى شعوب واعية و مدركة, و تحتاج الى عمل ميداني طويل المدى, نسعى فيه لتربية الشعب رويدا رويدا على تغيير طبيعة تفكيرة و نمطيته

ليس لثورة....مازلنا نتعافى من اثر اخر ثورة, ونرى عيوبها جلية في أنها لم تحمنا ولم تربنا على ان نختار لأنفسنا نظاما او قيادة صالحة

كفانا ثورات, و يا أهلا بالعمل المجمتعي والمدني.

Anonymous said...

البوست ده لوزعى يلزمه تعليق لوزعى :))

انا شايف ظاهرة خطيرة

لو كنا بنلوم على الدولة انها بتخرج خريجين مالهمش عازة طفحوا الكوتة هما واهلهم .. دروس ومصاريف وقلق علشان يشوف ابنه مهندس ولا دكتور ولا محاسب

تعالى نبص على حد تانى بياخد نفس الشهادة من غير لا تعب ولا قلق .. هو صحيح هايكع، وهايكع صح .. بس لما يدخل ابنه جامعة خاصة، بس مش هايقلق فى الثانوية العامة ولا هايحمل أي هم

الاولانى جاب فوق ال 95% واستحق هندسة بجدارة

والمحروس التانى مش عاوز غير 80% وبرده هايبقى مهندس

والغريب ان بتاع الجامعة الخاصة يشتغل والتانى بتاع عين شمس ولا القاهرة ممكن مايلاقيش شغل

سيبك من ده

تعالى نبص على الى بياخد بكالوريوس نظم معلومات وإدارة

دول بيبقوا ايه
يعنى المفروض بيستغل ايه

بتاع تجارة محاسب
وبتاع حقوق محامى
وهكذا

لكن بتاع نظم معلومات وإدارة هايلطع لسوق العمل بيشتغل ايه

طب بلاش بيشتغل ايه
ايه مؤهله أصلا

أقولك
هو عبارة من وجهة نظرى وآسف هو عبارة عن مسخ

بمعنى انه أخد قشريات من كلية حاسبات ومعلومات

واخد قشريات من تجارة شعبة محاسبة

وقشريات من تجارة شعبة إدارة اعمال

وأصلا أصلا ممكن يكون دبلوم صنايع قسم كهرباء مثلا ..يعنى مالوش فى أي حاجة فى الكلام ده

وبعيدا عن المسمى الوظيفى .. هايشتغل أي حاجة تيجى فى طريقه .. إذا كان المهندس بيشتغل أي حاجة هو مش هايشتغل أي حاجة

طب لو اشتغل محاسب .. هو أصلا مش مؤهل انه يشتغل محاسب بس لو اشتغلها يبقى أخد مكان محاسب

طب لو اشتغل فى الآي تى .. المفروض المكان ده بتاع حد مهندس أو حاسابات ومعلومات مش كفتة هي


وأصلا أصلا أغلب الخريجين غير مؤهلين للنزول لسوق العمل مباشرة

بمعنى انى علشان أشتغل محاسب واكسب من مهنتى صح ويبقى ليا قيمة فيها

آخد كورسات MCA دى سنتين لو نجحت فيهم علطول هادفع تقريبا 20 ألف جنيه


غير كورسات فى الكمبيوتر واللغات

وهنا لا تعليق

وعلشان أبقى محاسب من غير مادفع .. اتمرمط كام سنة كده وآخد 300ج اول عن آخر فى مكتب محاسبة ويشحططنى من هنا لهنا عبال ما يأمن عليا ويبقى اسمى محاسب قانونى

وطبعا كل ده بيلزم تجمييييد .. وعلشان تخرجى من التجميد ده تشتغلى أي حاجة .. ده الواحد ممكن يشتغل محاسب وبعد الظهر أي حاجة برده

وربنا يستر ع المهندس والدكتور الى هايخرج من الجامعات دى .. لسه ماجربناهمش صح ؟؟؟


نروح للصراع الطبقى

أيام الملك ..لو قسمناها طبقات

نلاقى على قمة الهرم البشاوات والبهاوات والعائلات الكبيرة والإقطاعيين الكبار ودول مش فارق معاهم التعليم وبيتعلموا برا والجواز بيبقى من ناحيةالنسب والعيلة .. والتعليم غائب

نروح لطبقة الأعيان .. والموظفين والمتعلمين الى معاهم الكبالوريا والتجار وننزل لغاية أصحاب الحرف ومجازا نطلق عليهم الطبقة المتوسطة

وعامة الشعب المطحون الفقير فى الدلتا والصعيد .. لا يمتلك الأرض او المال وغير متعلم

التعليم العالى فى ذلك الوقت كان صعب الوصول إليه .. لتكلفته الباهظة وعدم حاجاة سوق العمل إليه
فم كان والده تاجرا يرث تجارة والده ومن كان والده موظف يرث وظيفة والده ومن كان والده اجريا يكون أجريا مثله

وكل فئة تتزوج ممن شابهها

فكان المحك فى الزواج العائلة واسمها ونسبها وأصلها

حتى جاءت الثورة ومجانية التعليم

ورد قلبى وعلى وإنجى

ومحاولة القفز على الطبقات وتغييرها وتغير فعلا المفهوم ..ز إلا أن انحط .. فمن يزوج بالشهادة أصبح يزوج بالمال ... فتغير معيار الزواج
من النسب والعائلة
إلا الشهادة
إلى المادة

وأي نحن من حديث الرسول الكريم (ص)
فاظفر بذات الدين تلبت يدياك

وأين نحن من قول الرسول الكريم (ص)
من جاءكم من ترضون دينه وخلقه فزوجوه

غاب المعيار واختفى من قلوب وعقول الناس إلا من رحم ربى

انا كنت فين وروحت فين .. بس كله واصل فى بعضه

تدوينة رائعة

وآسف جدا جدا على الإطالة

بس هادون تانى وولا الحوجة ولا هاتشوفوا منى تعليق واحد

ولما هادون عاوز التعليقات تنزل زي المطرة ترف عليا :))

nour el 3ozamaa said...

كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي

تحياتى

MONDAHESH said...

وحتي لو اصحاب المؤهلات العليا لقوا شغل في مجالهم

تفتكري ان العائد المادي من الشغل ده كفيل انه يفتح بيت

ده اصلا مش هيكفيه هو شخصيا لاخر الشهر
المشكلة مش مشكلة بطالة ولا شهادة

المشكلة اكبر من كده بكتير


تحياتي

شهيدة said...

سلام يا مها

ازيك يا حلوة؟

مش حتصدقي انتي وحشتيني قد ايه

انا كنت في الضيعة كل الفترة دي وحارجع اروح هناك بكرا ان شاء الله

فما قدرتش اكلمك على النت أبدا

انا بس كنت عايزة اطمن على الموضوع اياه بتاع 26 الشهر

ياريت تبعتيلي ميل لو لقيتي شوية وقت... عارفة انك مشغولة دايما

اتمنى تكون الامور ماشية تمام

بالنسبة للاعلان اياه... صدقيني انا نفسي لما شفتو قلبت على ضهري من الضحك... قلت يااااااه انا الظاهر بقالي غايبة عن احداث مصر جديد.... دي الدنيا فمصر بقت جنة يا جماعة خلاااص الأمور اتحلت والأشيا بقت معدن

ربنا يكون في عونكم بقى مش كافيكم كل اللي فيكم... كمان في اعلام على طول يزن على ودانكم ويفكركم بالأملة اللي انتو فيها :)

اضحكي اضحكي ما حدش واخد منها حاجة

على فكرة بابا وصل ن الحج بالسلامة

تحياتي ليكي

وما تتأخريش علي بالميل والتفاصيل

سلااااااااااااااام

عبدالرحمن فارس said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

انكسارات .. احمد البوهى said...

يعنى اغيب شوية عن التدوين
ارجع الاقى الحكومة عملت الجواز
بالشهادة
ده حتى معملوش حوار مجتمعى يعرفو رايى ايه .... يا رب اكرمنا
ــــــــــ
كل سنة وانتى طيبة يا مها اتمنى انه كان عيد سعيد عليكى
ـــــــــ
على فكرة قبل ماباجى المدونة بحاول استرجع ايام عرابى صطفى كامل وسعد زغلول عشان ابقى متحضر للبوست
ـــــــ
لكى تحياتى

حزيــــــــــــــــــن said...

على كده واحد خريج اقتصاد زى ممكن يتجوز واحده خريجة طب ولا مينفعش
طب خريجى التجاره هيتجوزا بنات خريجى هندسه ولا ايه
انت خريجة ايه يا مها
لو علوم او طب او صيدله وهندسه
يبقى مش هتتجوزى لأن معظم الشباب خريجين تجاره وحقوق ومعاهد
ماشى لما نشوف اخر الشهادات ايه

صاحب البوابــة said...

تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة

العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه

تليفون مكتبه البلد / 27922768

نتمني منكم أن تشاركونا هذه اللحظات والتي لن تنجح إلا بوجودكم

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

الشريف / جمال طة said...

تسلم ايدك

مطلـــــــــوب القبــــــض
على نصاب شقق زهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
وعنوان سكنه وعنوان الشركة / شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839
و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
الشريف / جمال طـه
تليفون رقم 0104710778
( المواطن هو رجل ألأمن ألأول فى محاربة الجريمه والتصدى للمجرمين )

الشريف / جمال طة said...

عمار يامصر

مطلوب عبيد فى الخارج لتحويل العملة لأسيادهم فى الداخل ومطلوب خدامين فى الداخل لنشيط السياحة وجلب العملة لأسيادهم أصحاب الفنادق والملاهى واللى الذى منه واللى يفلت من دول برده ننصب عليه


مطلـــــــــوب القبــــــض
على نصاب شقق زهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
وعنوان سكنه وعنوان الشركة / شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839
و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
الشريف / جمال طـه
تليفون رقم 0104710778
( المواطن هو رجل ألأمن ألأول فى محاربة الجريمه والتصدى للمجرمين )

Anonymous said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

§a§a said...

اول زيارة لمدونه



انا شوفت للاسف الاعلان المستفز دا

رغم كل دا انا اشتغلت بمؤهلى ومش محصل اكمل بمرتبى نصف الشهر

واشتغلت شغلانات كتير وانا مؤهل عالى مفيش كبر ولا تعالى

واتصلت بالرقم العقيم بتاع اتحاد الصناعات دا كتير

وكل شويه يقولو هنتصل بيكم

دى مجرد لعبه على الذقون للاسف

حسبنا الله ونعم الوكيل

الشريف / جمال طة said...

وما هو الجديد / ياعزيزتى

والجديد الذى لم يلتفت اليه شاب هذه الايام هو أن الحكومة اكتشفت أن أقوى وسيلة لتحديد النسل فى مصر هو عقار البطاله لأنه بالبطالة لن يتزوج الشباب ولا البنات وطالما انه لن يوجد زواج فلن يكون هناك مواليد لزيادة عدد السكان واعتبرت الحكومة أن انجع وسيلة لانصياع الشعب للتطبيع مع اسرائيل عدم توفير فرص عمل فى حتى يسافر الشباب للعمل فى اسرائيل وهناك سوف يحدث الزواج وتأتى معه فرص التطبيع بالموده والتراحم بين الشباب والاسرائليين كما أن الحكومة رأت وأكتشفت بعد البحث والتحليل هو أن شغل الشباب وتوفير فرص عمل لعم هو وراء كساد السوق فى فى البانجو والحبوب والحشيش والبودرة وانتظرونى فى تعليق آخر مع أول جريمة اغتصاب وسرقة بالاكراه ان شاء الله مع تحياتى ياعطالين اليوم ومتسولين الغد ومجرمين الاسبوع القادم وتحيا الحزن الوطنى وتحيا حكومة مصر الحرامية

وانتقاما من الحكومة وتحديها لاسقاطها ادعوكم للامتناع عن البانجو والحشيش والبودرة وبدلا من الجلوس على المقاهى لتوفير المصروف الجلوس على ألأرصفة وفى الشوارع فى المناطق السياحية وامام الفنادق الخمس نجوم والميادين العامة لصل صوتكم للعالم الخارجى يا أغبيا ء عهد مبارك وحكومة نظيف

http://gamal51.blogspot.com

Anonymous said...

ضيفي عندك:
أمبارح بأقرأ الأخبار على الأنترنت لقيت الأخ مبارك بيقول لا زيادة في الأجور لأن مافيش موارد.
ولما أهو مافيش موارد ماتبطل صبغة (دة أنت ياراجل عندك تمانين سنة ومافيش ولا شعرية بيضا وأنا اللي لسة حتى ماحصلتش نص عمرك نص شعري أبيض بتضحك على مين)، ولما أهو مافيش موارد بطل كل شهر والتاني تطلع فرنسا عشان تشد وتتنمص زي المة اللي لا مؤاخذة (على رأي المثل أيش تعمل الماشطة في الوش العكر)، ولما أهو مافيش موارد بطل تطلع فرنسا كل شهر والتاني في محاولات يائسة بتتكلف الملايين من موارد الشعب البائس في محاولات لتحدي الزمن وأرادة ربنا في وقت العناية الطبية في مصر وصلت لأسوأ مستوى ليها والشعب المصري بقى بيموت من حاجات تافهة بيعتبروها برة تهريج، عينك الشمال عميا مابتشوفش بيها وودنك اليمين طرشة من زمان بأمارة أييية و حطة سبابتك تحت ودنك زي الجعر اللة يحرقك بشفاتيرك اللي بتفكرني بأبو لمعة بس أبو لمعة كان (الله يرحمة)
دمة خفيف،
لما هو مافيش موارد بطل المصاريف المهولة اللي مابتتصرفش حتى في الدول الغنية لزوم تأمينك أنت وعصابة الأوباش اللي حواليك لأنك عارف أنك مكروة من الصغير قبل الكبير و اللي هيلاقي فرصة هيخلص منك ولا لأنك عارف أنت عملت أية في اللي قبلك وخايف لايحصل فيك.
لما هو مافيش موارد بطلوا الرسمة والأنعرة الكدابة وأنتوا بتحكموا بلد من دول العالم العاشر و تلات تربع شعبها تحت خط الفقر بتنصبوا و بتترسموا على مين مالعالم كلوا عارف حقيقتكم وبيضحك على سفاهتكم.
الله يحرقكم بأة غوروا وحلوا عن قفا الشعب اللي أنتوا كابسين على نفسة وسيبوة يعيش و يتنفس زي مابقية العالم عايش.

maha zein said...

أولا فعلا انا اول مرة ادخل واقرالك حاجة كنت بس بقرا تعليقاتك عند مدونات زمايلي وكان بيعجبني كلامك ولكن صراحة انا عملت مدونة جديدة بكتب فيها قصصي لاني فعلا غيرت منكم اذاي ممكن تعبروا عن كل الي جواكم وكدة علي مدونة ووفى ناس بتشوفها وتشاركم ارائكم وتختلف معكم وكدة
المهم قررت اني ادخل واعلن عن مدونتي عندك في تعليق لكن صراحة قلت لنفسي طيب ما اقرا كدة الكلام الي انتي كتباه ده حتي احط كدة في تعليقى يعني حتة كدة عن كلامك يعني تحسسك اني قريت كدة واهتميم وكدة عشان تهتمي انتي كمان وتدخلي تقري فى مدونتي لكن النظرية اني لما قريت بجد ..... حسيت انه مينفعش تتقري مرة وحدة وحسيت ان كلامك ده مش كلام وحدة عادية بتكتب فى مدونة كدة ذي اي مدونة لكن والله كلام حسسني انك اكيد خريجة صحافة ولا سياسة وده لاني خريجة سياسة اصلا وحسة انك جمدة موت .
فعلا كلامك حلو جدا وبيخلي الواحد يضرب كف علي كف بل بالعكس بيخلي الواحد يفكر انه يكتبله قصتين كدة من الواقع خاصة ان مدونتي اسمها انها الحياه يعني لازم بقه اتكلم عن الحياه الحقيقية .
بس انا ليا تعليق صغنن او تساؤل هو انتي فعلا شرق اوسطية قديمة ولا دي تريقة
يعني انا اقصد انتي ليه مش عربية قديمة لان اصلا شرق اوسط ده مش من عندنا دى كلمة كدة متفصلة لينا من الغرب عشان كده كام غرض سياسى حلو منه يعني إدخال دول تانية في منطقتنا ذي اسرائيل وايران وتركيا وحركات يعني يا ريت تكونى عربية بتوجه عربي اصيل لان فعلا لو فضل في ناس بتفكيرك وكلامك التحفة ده يبقه انا هطمنه انه اكيد بعد كام قرن كدة لما الحكومة تنضف ممكن نلاقى حد يكتب في الجرائد الرسمية كلام الحلو ده دون رقابة مع ان سعتها ممكن تلاقي نفسك مش لقية كلام تقوليه ولا حاجة تنتقديها . عموما ربنا يوفقك ومش هرجع عن قراري في انك تدخلي وتتطلي طلة علي مدونتي يعني من باب التشجيع لاني فعلا نفسي اكون ذيكم مشهورة وليا قراء ذيك وعلي فكرة انا اسمى مها انا كمان يعني كدة بقينا قرايب صح عموما ده لينك المدونة بتاعتي enahaelhaya.blogspot.com

سكوت هنصوت said...

منذر الجن

تعليقك عايزة عريضة مش مجرد تعليق

كلامك فيه قدر عالي من المنطق...لكن كمان مش كله سليم مية في المية

سوق العمل تغير و بالتالي طبيعة الإحتياج اتغيرت

بتاع نظم و معلومات وإدارة اعمال ليس مسخا لخريج التجارة

لكنه خريج لنوع مختلف من العمل

كون في مصر معندناش نوع العمل ده..فدي اضحوكة اخرى من اضاحيك الحكومة

و ربط الزواج بالشهادة هو واقع بالفعل عشان الشهادة اصبحت تمثل طبقة إجتماعية..صحيح انها فقدت محتواها بعد ما خريج الطب بقى بياخد 300 جنيه..لكن بقايا الرواسب الإجتماعية عن الطبيب مازالت موجودة....في عقول البسطاء على الأقل

صحيح ان الواقع بيقول ان خريج التجارة الي بيشتغل في خدمة العملا ممكن ياخد مرتب سبع اضعاف مرتب الطبيب...لكن مازال البالطو الأبيض له زهوته

كل ده مش مشكلة...و مش عيب..و نظرة تتغير بالوقت

لكن العيب والمشكلة لما الحكومة تكرس للمفهوم..و تحوله من الحول وليس التحول

فتقولك عايز البرستيج خلاص ادرس طب سبع سنين....بس لما تيجي تشتغل ما تتكبرش على شغلة النقاش...هو يعني النقاش كفر

ده بقى قمة الهبل الإداري

في إنتظار المزيد من تعليقاتك و مقالاتك اللوذعية

سكوت هنصوت said...

نور العظماء

ان شاء الله اجيلك

مندهش

ما هي المصيبة إن بدل ما الحكومة تحاول تعالج المشكلة بإنها تقلل من عدد الخريجين لكليات القمة...و توفر ظروف عمل ملائمة لهم و تشجع التعليم الحرفي و تزوده

لقيناها بتهبل...تقولك لا خليك اتعلم تعليم عالي غير مطلوب في السوق...و احنا هنشغلك سواق توك توك عشان تحسن دخلك

ولو ما رضتش تشتغل تبقى كخة و وحش و عايز تعيش على قفا بابا

هو ده منطق الصعيدي ( مع الإعتذار للصعايدة) الي استنتج بعد قطع الرجل الرابعة للضفدعة انها تفقد حاسة السمع

شكرا للمرور والزيارة

سكوت هنصوت said...

شهيدة

اهلييييييييييين بنسيم الجبال الدافئ

اسعدتني مكالمتك فوق الوصف يا زنوبيا

يا سيتي يوم 26 عدا على خير...و انضميت خلاص لقائمة المخطوبين

و اصبح فيه في صباعي اليمين خاتم غريب كده و احساسة اغرب

المهم...حمد الله على سلامة بابا و عودته من الحج...و عقبال ما اشوفك بقى في المحروسة قريب

سكوت هنصوت said...

عبد الرحمن فارس

تسلم على المعايدة الخالصة..و يا رب ان شاء الله السنة الجاية كل امانيك تتحقق

_____________________

إنكسارات

خليك دايما قريب من التدوين يا احمد ومش هتلاقي مفاجأت هتاخد على كده يا اخي الفاضل

تعرف ان كلامك عن عرابي اسعدني للغاية

شكرا للغاية على مرورك و اهتمامك بما اكتب....

تحياتي

سكوت هنصوت said...

حزييين

هههههههههههههههههههههههههه

ههههههههههههههههههههههههههه

على رأيك

سكوت هنصوت said...

صاحب البوابة

مبروك يا مصطفى على الإفتتاح وربنا يفتح عليك من فضله دائما و يرزقك الخير اينما حللت

Cresent

muchas gracias, per no intersante

الشريف جمال طه

اوك


وينكي

شكرا على الدعوة..

وانا اعتذرت بالفعل لمصطفى لظروف خارجة عن إرادتي

لكن طبعا لنا لقاء ان شاء الله قريبب نسترجع الأياما الخوالي

سكوت هنصوت said...

ساسو

الحكومة لا تحتاج الى اثبات على فسادها و غباءها و حمقها

كلما نظرنا حولنا نجد كل هذا الغباء والإحباط

يا صديقي..لا تحزن..كلنا في لهم سواء

سكوت هنصوت said...

أيرون كوبرا

زيدني من الشعر بيت

ههههههههههههه, عجبتني قوي حكاية الصبغة دي...يا سيدي لو على الصبغة نعديهاله

والله الواحد مش عارف يقول ايه...شوف يا ايرون يا اخويا

هي خلاص اخرتها بانت...الحكومة مش اكتر من شوية حرامية..حبة حرامية في بعض...حرامية و قتالين قتلة كمان

مش محتاجينلهم بقى مببرات عشان يثبتوا فيها انهم حرامية

هما متأمرين و هبل...جايين يضحكو علينا بكلام عبيط واهبل...و مالهمش حل غير ان هما ياخدوا بعض بربطة المعلم كده و يهربوا على بره..قبل ما الشعب يفوق من السطل الي هو فيه..و تبقى ثورة فرنسية جديدة

ثورة تؤدي الى قتل الاف المصريين بالخطأ زي كل الثورات العشوائيةالهمجية

زي ما حصل ساعة يوليو..و زي ما حصل في فرنسا و روسيا وكل الثورات العشوائية الي بتغسل الشعوب بالدم والنار....

يا كده يا مفيش

سكوت هنصوت said...

M.Z.

اشكرك بشدة يا مها على كل الكلام الحلو ده الذي لا استحقة

يا سيتي انا لا محللة سياسية ولا اصلا خريج سياسة او اقتصاد..انا خريجة علوم...

و بعدين شرق اوسطية قديمة دي ليست نسبة للشرق الأوسط الكبير, وإنما نسبة الى الشرق الأوسط الإذاعة المفضلة ليا

اصل فيه ناس غاوية البرنامج العام..وفيه ناس غاوية نجوم إف إم...انا بقى مزاجي في لشرق الأوسط

عموما..اكيد هزورك في المدونة و ان شاء الله تكون منفذ لكل افكارك و ارائك

walaa said...

اخوانننا فى غزه محاصرون ولا يجدون الطعام ولا الماء
ومشردون ويجب علينا ان نفعل لشىء لنصرتهم لذلك قرر مجموعه من المدونين الذهاب الى معبر رفح لكىيرفعوا المعاناه عن الشعب هناك لو تقدر تشارك او اى حد يحب المجيىء معك
يا ريت تبلغنى

ibn nasser - ابن ناصر said...

لا ماهو ده عادي
ده المواصلات فاضيـــة
والعيشه رخيــصة
والشغلانات مليانة بس الناس مش عاوزة تشتغل!
والجنية في ارتفاع مستمر والبورصة قوية جدا والاقتصاد قدر علي هزيمة اقتصاد تشاد بفاصل اتنين من عشرة!
واستطعنا ان شاء تلتميت مصنع وعمالة 150 الف-لسان نظيف-!!,,,
والشقق فاضية مستنيا اللي يعيش فيها
وايه بتراب الفلوس!!
واللي بيقول ان مصر مليانة عشش وعشوائايت ومش لاقين شقق مش معاهم فلووس هذا كذذذب وبنعمل الخطة الامنية القومية التخابرية الخمسية العشرية بنطرد بيها سكان العشوائيات وبنهد العشوائيات ..لتكون مصر اكثر جمالا وحفاظا علي البيئة!
بس شباب اليومين دول مش بتوع شغل ولا جواز
جيل بايظ ..
من يومين طلع رجل اعمال علي الهوا وقال للي بيقولو مفيش شغل اناعاوز الف عامل .. من مهندسين الي محاسيبن
سألووه علي المرتبات
واييييييه الفلوووس مشاء الله
من تلتمية جنية
الي المهندس اللي هياخد ستميت جنية كااش علي الترابيزة ..
يقدر يعمل بيها اللي هوا عاوزة
احنا عايشين ف نعيم ..
كل ده ومش عجبكم
واسف للاطاله لكن انجاازات الحكومة كثيرة اخرها رفع الدعم
عشان المواطن يعتمد علي نفسة
الله علي التربيه الصح
تحــياتي

الشريف / جمال طة said...

أمثلة شعبية سعودية فى بلد الحرمين

نـــــــــــــــــافـق تـــــــوافق
يــــــد ماتقدر تدوسهــــــا بوسهـــــــــــــا
يــــــد ماتقــدر تكــسرها صافحهــــــــــا
الرجــــــــال نســــــــــاء الـى أن تقضــــــى المصالــــــــــح
أقدمــــوا علـــــى قضــــاء حوائجكــــم / مصالحكم نســــــاءأ
مامــــــــن شجــــره الا وهـــــــــزهــــــا الريــــــح (كناية عن الخنات
مايطلـــع الرجــــال غـــير من تحــــت الرجال ( كناية عن الخنات
اللــــــى يكــــــبر قرصـــــــه نرقــص له
أدهــــــــــن السيــــــــــــــير يسيـــــــر
مـــا من مصلــــــــى الا وطالـــب مغفـــرة ( لاأحد يخدمك لوجه الله
اللـــــــــــى مااتخــــــنت ماهــــو برجــــــــال
انقضـــــــــــــت عازتــــــى / (مصلحتى / كـس أخــــــت جارتــــى
هــــــــــذه هـــــى مثـــل وقيم التعامل فى المجتمع السعــــــــــودى

Anonymous said...

شوف يا عم انت يا بتاع هنصوت
بلاش تحريض بقى وكلام خايب
امثالك هما الى بيضيعوا البلد
فيها ايه يعنى لما يكون الشاب الى واقف بفاترينة طعميه على اول الشارع بتاعنا
معاه السن فرنساوى
مفيهاش حاجه ابدا
فيها ايه لما يجيلوا اكتئاب ويكلم نفسه طول ماهو واقف بالفرنساوى
عادى يعنى
وفيها ايه لما يكون معايه شهاده عاليه واشتغل حاجه ملهاش علاقه بتخصصى لا من بعيد ولا من قريب
عادى مفيهاش حاجه ابدا
انت بس الى مكبر المساله
روح اجرى الحق احجز مكان فى فرن قبل ما ده كمان يبقى بواسطه
اتمنى تزور مدونتى
sbedtime.blogspot.com
meshmasha.blogspot.com
يهمنى اعرف تعليقك عليهم

Unknown said...

تصّر الحكومة أن تطير البرج الباقي في يافوخي
بغباء وإصرار أحمق تصر الحكومة على لا منطقة الوقائع و تقنعك بسماجة لزجة ان هذا هو المنطق السليم

اعتقد كلماتك دى هى ابلغ تعليق على بقية مقالك و تعليقى لن يضاهى عمقها

kol-eldonia said...

اذيك يا مها وحشنى كلامك الجميا و الله لكن الدنيا بقى المهم انا عايز اقولك ان موضوعك ده جبار و على فكرة انا كنت اتكلمت انا و ادهم قبل كدة عن الاعلان ده و توصلنا لنفس رائيك و اطلب من كل واحد يلحق قبل ما يفوتو القطار و توت توت توت يا قوى يا عملة بس يا ترى هى عملة ايه :)بجد دنيا عجيبة و الناس هما الاعجب بس ان شاء الله فرج ربك قريب لان دوام الحال من المحال مش كدة ولا ايه مع تحياتى لك و فى انتظار كتابات اخرى لوزعية

maha zein said...

عرفة يا مها برغم ان اسمنا علي اسم بعض وبرغم اني بعتلك اللينك بتاعي وقلتلك اني نفسي اكون واحدة من الحلقة الرائعة الي بتضم اشخاص لديهم فكر راقي وبيقدروا يعبروا عن الي جواهم بأساليب قد تحث غيرهم علي التغيير إلا انك برغم انك وعدتيني انك تيجي فأنتي مجتيش ومزرتنيش انا فعلا محبطة حسة ان الحلقة دي ممكن تكون حلقة مغلقة ومش بتتفتح لاي حد صدقيني انا مش هجدد عرضي وهسيبك بحريتك بس اتمني انك تزوروني في مدونتي المتواضعة
http://enahaelhaya.blogspot.com/

3abdo me7tas said...

مش هلك كتير وأتكلم كتير زى الحكومة
هى كام كلمة على الماشى
يبقى أنت أكيد فى مصر
ولا حياه لمن تنادى

قلوب بتغنى said...

قلوب بتغنى
انت فين
اتمنى يكون المانع خير

قلوب بتغنى said...

وبعدين هفضل استنى البوست الجديد كده كتير
ومستنيه تعليقك على البوست بتاعى

Anonymous said...

نفتقدك منذ فتره

يارب يكون المانع خير

سكوت هنصوت said...

عبده محتاس

على رأيك...هي دي مصر يا عبلة قصدي يا عبده
------------
شيماء

ها انا هنا شكرا على السؤال...و ان شاء الله يدوم التواصل دائما
------------

قلوب تغني

تسلمي يا غالية على السؤال...و انا في الطريق للمدونة اهه

-----------

عبد الرحمن فارس

فارس التدوين الجميل...سلمت لي يا اخي على السؤال الغالي

المانع ان شاء الله خير...و بإذن الله مش هغيب تاني كتيير كده

mostafa rayan said...

ايام ابتدائي حولي سنة 92كان ليا واحدصاحبي كان مكبر دماغه لا بيروح المدرسة ولا بيذاكر عيل بيلد يعني - بلغة الوقت دة - في يوم من الأيام اخوه الكبيرجه المدرسة وسأل عنه فالمدرسة قالته علي حاله اتخانق معاه وزعقله قدامناوالواد ععيط قاله اناماليش في التعليم خلوني اشتغل معاكوا- هما كانوا صنايعية - قاله لاء كمل لحد تالتة اعدادي الواد رفض وفعلا نزل اشتغل معاهم
دلوقتي بعد السنين دي بفكر في حاله وحالي هو صانيعي وكسيب وعنده خبره طويلةوانا مجرد شاب متخرج من الجامعة زي ملايين غيري انا غير مرحب بيا في المجتمع اما هو فهو الشاب الكسيب اللي اي بنت تتمناه
اكيد صاحبي دة كان عبقري وبيقرأ المستقبل واكيد اخوه والمدرسة واحنا زملائه العيال الشطار الخايبن دول كناغلطانين
هنقول ايه حسبنا الله ونعم الوكيل

walaa said...

شركة بتبوك
شركة تنظيف مكيفات بتبوك
شركة صيانة مكيفات بتبوك
شركة عزل اسطح بتبوك


hair said...

الان من خلال مركز زراعة شعر في تركيا يمكنكم تحقيق حلكمكم بالمظهر الشبابي من جديد على يد افضل دكتور زراعة شعر في تركيا و بإستخدام أحدث المعدات و طريقة زراعة الشعر هذا و نوفر لكم اسعار زراعة شعر في تركيا الأرخص و الأقل تكلفة