Wednesday, July 25, 2007

حملة ضد الكيف


يا شباب

يا مدونين يا مواطنين

فيه حملة رائعة هنا فكرتها في منتهى البساطة

لمكافحة الإدمان والمخدرات

المخدرات اصبحت مفرد عادي في حياتنا اليومية

عايزين نضربهم في مقتل

نضرب تحت الحزام

نمسك في العيال الصغيرة الي بتدور على رزق حرام سريع

بلغوا عن اي تاجر مخدرات صغير تعرفوه

هتفضلوا مجهولين

وما تخافوش من البلاغات الكيدية

البلاغات هتتفلتر

والناس الي متابعين الحملة في جهازالمكافحة

ناس شرفا..مش من عينة اسلاك نبيه

البلاغات كلها حطوها في الموقع ده

بتاع الحملة

انشروا البانرات في كل حتة

ده البلوج الرسمي للحملة

http://tw3ya.blogspot.com/



اقروا معايا الرسالتين دول وانتو تعرفوا قد ايه المشكلة توجع

*********

محافظة المنوفية - مدينة قويسنا

- منتصف شارع شبين -

صيدلية الذهبي تبيع الاقراص المخدرة للمدمنين

بعد الحادية عشرة مساء

شاب يريد العلاج من الادمان

اتمنى لكم التوفيق

*********

شارع كسرى

بداية من الساعة 2 فجر

قف بسيارتك في اول الشارع

افتح فلاشر السيارة حمس مرات

اضرب كلاكس السيارة مرتين

سيأتي لك رجل يقول اي خدمة يا باشا

تاجر حشيش

مدمن يتمنى الشفاء

*********

الرسالتين دول

وجعوني قوي

تعبوني قوي..

دول من اتنين مجهولين و مدمنين

لكن مازالوا شرفاء

لسة ما تحولوش لشياطين

كل همهم انهم يحولوا كل المجتمع

لمرضى زيهم

وللشرفاء دول

ولغيرهم من المدمنين الراغبين في الشفاء

دي عناوين وتليفونات مصحات علاج الإدمان

في القاهرة والمنوفية

للأسف لم اتوصل لمصحة في بورسعيد

الي يعرف حد هناك يسأل في البلدية او في الحزب الوطني

عن مراكز علاج الإدمان و يبعتهم لي

لو حد اسئ معاملته هناك..او حس انه ماخدش معاملة جيدة

في اي من هذه المراكز والمستشفيات

او شعر ان فيه اهانة له او فضح لحالته

يراسلنا على عنوان الحملة

وهنجرس المستشفيات دي في كل حته

لحد ما تقدم خدمات محترمة

حتى الأن كل المستشفيات دي سمعتها جيدة في مكافحة الإدمان

المهم بس النية والرغبة الأكيدة في الشفاء

يلا يا شباب..ايدكو معانا عشان نحارب العنكبوت

الي معشش في وسطنا بقالة زمن

العنواين اهه

*********

مستشفى الصحة النفسية بالمطار

الإتصال مباشرة بالدكتورة/حنان

ت: 0105295489

(انا اتصلت بيها واكدت على جودة العلاج والمعاملة

العلاج بهذه المستشفى مجاني

فقط يتم دفع 300 جنية تأمين عند الدخول

أو الإتصال بالرقم الخارجي للمستشفى

ت: 24152631

********

صندوق مكافحة الإدمان والتعاطي

التابع لمجلس الوزرا

ت: 02-27954834

العنوان: ش مجلس الشعب بوسط البلد

********

المركز القومي للبحوث

وجدة علاج الإدمان

ت:33049747

********

المجلس القومي لمكافحة وعلاج الإدمان

بجوار مستشفى امبابة العام

ت:33051842

********

مستشفى د.نبيل عبد المقصود

ت: 33362500

********

مستشفى مصطفى عمر حسن شاهين

بالهرم

ت: 35848797

********

مستشفى جمال ماضي ابو العزايم

بالعياط

ش البلدية بجوار محطة القطار مركز العياط

ت:38060068

********

مستشفى مصحة النيل بالمعادي

طريق مصر حلوان الزراعي

ت:23581433

********

جمعية اولى العزم لعلاج الإدمان

شارع مجلس الشعب

ت:23955710

********

مستشفى الصحة النفسية وعلاج الإدمان

بالمنوفية_مجمع مستشفيات ميت خلف

ت: 0482261709

********

بيت الحرية لعلاج الإدمان

تابع لبعض الأعمال الكنسية

ويخدم المسلمين والمسيحين على السواء

المقر 120 شارع الترعة بشبرا

الإتصال بمدير المركز مباشرة

الأستاذ أسامة

ت: 0127361269

المركز له سمعة رائعة في علاج الإدمان

لكنه غير مجاني

يقدم الخدمة بحد اقصى 2500 جنية شهريا

للمتعلمين

و 500 جنية شهريا

لغير المتعلمين أي الأميين

مدة العلاج من 3-6 شهور

********

وافوني بأي شكاوى تلاقوها..

واعد ان ادعمكم بكل ما استطيع




40 comments:

Medo Magdy said...

الموضوع أكتر من رائع يا مها....والله فكرة ممتازة....بس عايز يتنفذ بمهارة وحرفية....عشان دول تجار مخدرات ....مش نشالين....لأ ....دول مافيا
معاكم في الحملة انشاءالله

صاحب البوابــة said...

هكذا هو العمل

تحياتي مها

بالمناسبة انتِ يعتمد عليكِ فعلاً

:)

تحياتي

sokoothansawat said...

ميدو مجدي

المهارة والحرفية دي بقى هتبقى لعبتنا
همتك انت معانا في الفيديو الي اتفقنا عليه
منتظرة جديدك يا عزيزي

صاحب البوابة

شكرا يا ريس...المهم تاخد الكلمتين دول و تحطهم على موقع الحركة عشان تعم الفايدة

تحياتي

Monzer said...

صاحب البوابة
ابن ناصر
سكوت هانصوت
العبد الفقير إلى الله
ان شاء الله يكون تجمعنا فى الخير دائما ان شاء الله
ربنا يباكر الخطوات
ويرزقنا الإخلاص وصدق النية
آمين

أدهم said...

ما شاء الله و الله ربنا يوفقنا كلنا الموضع الادمان كان مضيقني جدا و ان شاء الله نلاقي حل بس لازم نطلع برة حدود النت ده و ننتشر في كل حتة نكلم الناس و نحاول نتصل بالصحافة و نجرس التجار و نرميهم في ابو حديد , و لازم لازم نلتفت للجانب التاني من العلاج هو التوعية و تفتيح مخ الشباب خصوصا سن 17 18 عشان ده سن خطير جدا في الزمن الاخبر ده

أدهم said...

اه كنت بقلك بلاش عنواين التجار احسن حد ياخد العنون و يروح يسأل هناك و خلي الناس تبعت العناوين علي الأيميل بشكل سري

sokoothansawat said...

منذر

تسلم يا اخي على مجهودك

أدهم

عندك حق مليون في المية في موضوع التجريس في الصحف والجرايد ده..,اعتقد ان صاحب البوابة اخد خطوات بالفعل في هذا الإتجاه..,انا نشرت الحملة في حزب الجبهة و سيتم تبنيها ان شاء الله..اما عن عناوين التجار...فطبعا كلامك له وجهة نظر محترمة جدا..لكن الا ترى ان نشر عناوينهم يفضحهم..ويشجع الأخرين على الإبلاغ...عموما..أظن ان صاحب البوابة يتفق معك في رايك..ولن يعلن عن اي عناوين اخرى و سيكتفي بالميل
اما عن تفعيل الحملة .. فأقترح عمل بوسترات توزع على اكشاك السجائر و المحلات وفي الشوارع العامة..سأقترح هذه الفكرة بالفعل هناك و سنتبنى الحملة بشكل رسمي في مجموعة ابناء مصر
تحياتي اخي الكريم

عازف الناى said...

رائعه كعادتك دائما
وسباقه الى حب الوطن
اشكرك واشكر صاحب البوابه ومنذر
واعلن انضمامى الى الحمله

خالد منصور said...

خالد منصور يدعوكم لزيارة مدونتي

اه يا دماغى said...

ازيك يا قمر
شكرا لزيارتك مدونتى

وانا فعلا روحت عند

صاحب البوابة

لبفكرة طبعا جميلة جداااااا

شوفى ممكن اساعد ازاى

ماشى يا قمر

shams said...

مريم احنا فعلا محتاجين حملة زي دي و انا معاكي
و على فكرة انا كاتب قصة قعدة حلوة
حاجة عن كدة

sokoothansawat said...

هههههههههه يا يا جدعان....هو النت اتكيف من الحملة ولا ايه ... انا سبت لكاريمة(اه يا دماغي) كومنت لقيتها ردت عند حنتكلم...و دلوقتي شمس بيقولي يا مريم....يظهر ان قصدك تخاريف من المعادي...ربنا يستر بقى علينا..ده كده من البانرز بس..امال لما الحملة تكبر هيحصل ايه..

كريمة..

نورتيني بالزيارة لكن محتاجة دعمك للموضوع في مدونتك و بين زوارك..كمان لو ممكن تحطي البانرز عندك..ولينك للموقع يبقى كتر الف خيرك
اشكرك يا جميلة على سرعة الإستجابة

شمس

هو صحيح انا مش مريم يا شمس...بس معلش بقى..هجي بالعند فيك و اقرا القصة..حط بقى الشاي عالنار عشان تكفر عن غلطتك في اسمي...
شكرا على الزيارة يا فندم

shams said...

على فكرة دي غلطة الكي بورد مش غلطتي
و متزعليش يا مها و على فكرة الشاي برد و ثلج

yasmina said...

حملة رائعة
ارجو لكم التوفيق فعلا

تحياتي

ibn nasser - ابن ناصر said...

الرائعه سكوت
والله مجهود رائع ومشكور وفي ناس كتيره مبسوطة من الفكرة وناس تقولي انت مالك ليخدوك!!!
تخيلي واحد كان هيديني أسامي تجار المحلة الكبري كلها بالعناوين والتليفونات وامخازن تخيلي طالب ألف جنيه !! هههه

مشكورة علي مجهودك

حزيــــــــــــــــــن said...

بارك الله فى جهودكم

شـــــهــــروزة said...

بعيدعن الحملة اللى انا حطيت لها بانرعندى اشاسا

تعااالى هنا

انتشى حاطانى فى الأدد عندك بعنوان غريب

شهروزة..هى اسمها كدة

أممممممممممممممم
يعنى اية بقاااااا؟؟
هو الاسم ماشى على راسه ولا مناخيره لازقة فى قفاه؟؟؟

أغيره يعنى؟؟
أعاااااااا

sokoothansawat said...

شمس

غلطة الكي بورد...ماشي يا عم..هعديها المرة دي..وعموما الشاي انا خدته عندك مع البسكويت..مدونة لطيفة جدااااا
نورت يا شمس

خالد منصور

انا اتفضلت عندك هناك...ناس طيبين قوي الصراحة
تحياتي


ياسمينا

من عرب 48...جزاك الله خيرا..واحنا كمان نتمنى لك التوفيق هناك الى الحلم الأكبر في تحرير فلسطين كاملة..انما يا ترى عندكو مشاكل هناك في المخدرات؟؟

ابن ناصر

ابعد يا عم عن تاجر المحلة ده الي هيوديك في داهية..ان كان عايز الف جنية و يبلغ عن كل تجار المخدرات في المحلة بحالها...مش بعيد يبلغ عنك للداخلية عشان سندوتش همبورجر و بنطلون اسكرتش...

حزين


و فيك ان شاء الله..بس هو يعني ما عرفتش اخليك معانا في البركة ولا ايه؟؟

شهروزة

وقعتي قلبي يا شيخة...انا قلت الخس رجع عمل عمايلة معايا و كتبت اسم مدونتك انت كمان غلط ولا حاجة...
بصي يا شهروزة يختشي...انت اصلك مش غريبة...انا هفهمك..اصل انا الصراحة...خدت شوية وقت..حبة كده يعني على ما فهمت شهرزوة ده يطلع ايه..لولاكش ربنا هداني للبوست الأولاني الي انت كاتبة فيه الإسم..ما كنت فهمت ابدا انت عايزة تقولي ايه..بس يعني هو كويس...حاجة كده عاملة زي باكينام...شرفتيني يا جميلة..

عمر الشرقاوى said...

الله عليكى وفقك الله مجهود اكثر من رائع بالتوفيق وانشاء الله نعمل حاجه بخصوص موضوع الكيف ده دا حاجه وحشه خالص وحتى الكوخ بتاعى بالليل كل يوم شباب يجى يحشش قدام الكوخ على طول لانه على النيل مباشرتا والله الواحد بيخاف لما ينزل وحصلى موقف غريب شويه بخصوص الموضوع ده هاابقى احيلكم عليه وانا داخل كوخى فى غضون الساعه 3 حدث موقف مروع التفاصيل انشاء الله هاتلاقوها عندى على مدونه شكرا مره اخرى يامها على المجهود ده بس انا اعتقد ان الحكومه لها دخل فى الموضوع

فارس said...

عزرا للتحليق خارج السرب ارجو منكم التضامن في حملتنا

sokoothansawat said...

عمر الشرقاوي

اكيد الحكومة ليها دخل..بس ده مش مبرر عشان نسكت و نطنش...على الاقل في ايدنا اننا نحرج الحكومة قدام الناس...و في الأخر زي ما ربنا قال ( لما تعظون قوما الله مهلكهم, فقالو معذرة الى ربنا و لعلهم يهتدون) منتظرة متابعتك يا عمر... و مستنينك في ابناء مصر

sokoothansawat said...

فارس

بالتأكيد اتضامن معك في حملتك الخاصة بالمياه..وادعوا الجميع للتضامن..يا رب يتكسفوا على دمهم بقى

عاليا حليم said...

الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش

الكنبة الحمرا said...
This comment has been removed by the author.
shams said...

مش شايفة ان احنا مستنين قلمك و البوست الجديد و اتاخرتي علينا

عمر الشرقاوى said...

مها ياريت تشاركى معنا دعوه ليكى وموضوع الكيف ما نستوش خالص عمله مفاجاه
اليكم هذه الفكره من مواطن ضاق به الحال أن يرى الظلم وهو
يجلس متفرج سلبى
لاننا مسلوبين حتى حق التظاهرو الاعتراض
لاننا يتم حكمنا بسياسة القمع و الظلم
حتى أصواتنا زوروها فى الانتخابات
ولان مصير من يعترض هو الزج فى السجون و التعزيب فى المعتقلات
و لاننا شعب عريق أبدا ما سلم للظلام والمحتال


لكل هذا اليكم هذه الفكره
فليبقى كل فرد منا فى بيته مساء يوم الثلاثاء 30 أكتوبر 30\10\2007
فليعلم العالم كله أن هذا الشعب يحكم من قبل سلطه جبريه غير مرغوب فيها
فلتكن انتخابات شرعيه فمن لا يؤيد سلطة الظلم فليطفىْ أنوار منزله فوالله لن نجد من ينير منزله الا هم و حاشيتهم
ولم ولن تطولنا أيديهم فهذه المره التظاهره من المنازل
**


فلتكن كل منازل القاهره مظلمه بل فلتكن كل منازل مصر مظلمه مساء

فليصور الاعلام هذا الحدث


انها مظاهره سلميه لنظهر مقتنا و اعتراضنا ووحدتنا

من التاسعه مساءً وليطفىء الجميع أنوار منازلهم,
فلتظلم مصر يومها كما ظلموا هم وكما أعاشونا فى ظلام

,ساعد فى نشر هذه الرساله مررها وحدث عنها ولنكن أحراراَ من الان

sokoothansawat said...

عاليا حليم

شكرا على الدعوة...بس انا عايزة نصيبي دليفري على المدونة..شكرا على المرور..بس ما قلتليش ايه رأيك في الحملة..يا ترى ممكن نضمك معانا ليها؟؟؟ تحياتي

الكنبة الحمرا

والله تعليقك ده فكرني بإتنين زملاء في حزب الجبهة..كنت بكلمهم عن الحملة واهمية القضاء على المخدرات..قالوا طبعا ده شئ مهم جدا ( دون اقتناع حقيقي) ثم قلت ان هدف الحملة التبليغ عن صغار التجار والموزعين..فالإتنين في نفس واحد قالوا يعني عايزانا نبلغ عن صحابنا؟؟؟ دول برضة عندهم عيال...المشكلة يا عزيزي بلال..اننا اصبحنا نرغب في ان تطفئ نور اعيننا حتى لا نرى القذارات من حولنا..بدلا من ان نسعي لتنظيفها...رسالتك على بساطتها..كانت مؤلمة...يا ترى انت عارف ليه؟؟؟

sokoothansawat said...

شمس

يااااه...بقى فيه حد حقيقي مستني ما اكتب...تصدق انشكحت..بس يا شمس...انت مش غريب يعني..انا شوية محبطة..و حبتين كده مكتئبة...وقد اليت على نفسي اني ما اكتبش حاجة وانا محبطة و مكتئبة..المدونات مليانة مكتئبين..والبلد حالها يجيب تخلف عقلي مش بس اكتئاب...عشان كده..قررت اني ما اكتبش الا لما الاقي حاجة مفرحة..او حتى حاجة إيجابية اقولها..
تعليقك اسعدني بشدة..ربنا يكرمك يا شمس

sokoothansawat said...

عمر الشرقاوي

فكرة لطيفة جدا..سأدرجها في جدول اعمال اول لقاء لأبناء مصر في القريب العاجل ان شاء الله...سأنتظرك يومها..و اعدك ينقاش ساخن حول هذا الموضوع بالتحديد..شكرا على المرور و الزيارة

الكنبة الحمرا said...

يا بنتى
المشكله مش فى الحشيش
الحشيش جميل جدا
الفكرة انك تشربي منه بعقل وتخليكى مبسوطه مش لازم تدمنيه او تتوهى نفسك
وبعدين يلا نمنع تجارة المخدرات
الناس ال انت خايفه عليهم وبيدمروا نفسهم باى شكل
بيلاقوا شكل تانى يدمروا نفسهم بيه
احسن كنتى عملتى حمله مضاده
يعنى تبتكرى حاجه تغنى ال بيدمرا نفسهم بالحشيش
تبتكرى حاجه تبسطهم
اكرر
الحياه
واليوم بيعدى مقرف

وانا كواحد بيشرب حشيش
بشربه بكميه قليله
بهدف تمرير اليوم المقرف
وانا مش فاشل
او مدمن
او منحرف

جايز الاخير
من وجهه نظر متحفظه

روعه الحشيش ان الرب صنعه
جربي ان تفركيه بقدسيه
وبالكميه التى لاتشبعك

وعدنا الله به فى الجنه
تغييب الفكر

ونحن فى الرض لا نقوى عليه

مصر تحديدا

صباح الفل

شــــمـس الديـن said...

ازيك يا مها ...

انا ردي دا كتبته عند صاحب البوابة و هكتبة عندك بردوا

ا**********************************

طيب فيه نقطة انا هقولها بصفتي نوعا ما متخصصة و دا من ضمن عملي كصيدلانية


فيه نوعية من الادوية اللي بتتسمي "ادوية الجدول " دي اللي بتضم الادوية المهدئة و اللي تناولها بصفة مستمرة يؤدي الي ادمانها و لها تأثير ضار جدا
الادوية دي مشددة و لازم تتصرف بروشتة و الصيدلية تختم فاتورة و حوارات جامدة و القانون بيتخذ مجراة لو اتعرف ان ادوية جدول اتسربت ...تمام

لحد هنا كويس

فيه بقي نوعية ادوية بقي خرجت من الجدول و هي ادوية الكحة و الادوية المضادة للحساسية و بعض الانواع من موسعة الشعب ... دول بقي زي ما بنقول بلغة السوق "بيضربوا" او "بيعملوا بيهم دماغ " يعني بيتسطلوا بيهم ... الادوية دي لو المتعاطي شرب الازازة علي بق واحد هيبقي تأثرها قوي فعلا كأنه مادة من المةاد المخدرة الحقيقية ... الادوية دي خطيرة و للاسف الشديد الصيدلية اللي انا فيها بتخرجهم عادي جدا بدعوي انهم مش في الجدول و انهم معليهومش شبه جنائية لكن انا ضميري مش مستريح للي بيحصل و ناوية اسيب الصيدلية دي في اقرب وقت ...

المشكلة اننا لو بلغنا علي حاجة زي دي مش هيكونف يه عقاب اساسا لان القانون مش بينص علي ان الادوية دي ادوية جدول رغم ان تأثيرها خطير , انا مش فاهمة ازاي الادوية دي طلعت من الجدول بجد ... ولا ايه وجة نزر الحكومة ...
خلي الشعب يخف و يقل علي رأي جميل راتب في فيلم الكيف ولا ايه ...

مش عارفة بس اديني قولت اللي عندي , و عذرا علي التأخر لان النت لسة داخل مي كام يوم بس

عاليا حليم said...

موضوع مهم أحيكى لحماسك بيه و أنا عن نفسى أى صور أو فيديو أو أى معلومة حاقدر أعرفها حشارك بيها فورا

sokoothansawat said...

شمس

صدقتي....فعلا دي ازمة حقيقية..طيب محتاجين نعرف بقى ان كانت هذه الأدوية تسبب الإدمان ام فقط التخدير؟؟؟

بما انك ايضا في مجال العقاقير والأدوية..هل هناك بدائل لهذه الأدوية دون المواد الفعالة المخدرة؟؟

ما اعرفة ( وارجو التصحيح ان كان خطأ) ان معظم ادوية السعال تحتوي على نسبة كحول..و هي ما تعطي التأثير بالسطل..فإن كان الأمر كذلك..فهل هناك عقاقير اخرى لا تعطي هذا التأثير..

ان كان الأمر كذلك..فهم من الممكن ان نضيف هذه الأدوية للحملة..بحيث نلفت نظر الدولة لخطورة تداول هذه الأدوية؟؟

انتظر ردودك بفارغ الصبر

تحياتي

sokoothansawat said...

عاليا حليم

اشكرك على الدعم..وشرفني حضورك..يا ريت بقى تتمي جميلك و تعدي علينا في ابناء مصر

تحياتي

شــــمـس الديـن said...

المواد لا تخدر و لكنها تجعل الانسان في حاله اشبة بالغيبوبة

و للاسف الجهاز العصبي لا يستطيع الا و ان يعتمد عليها

دابالنسبة لبعض الادوية و لكن احدد مواد فعالة بطبعة الحال

سؤالك التالي اكيد طبعا هناك ادوية حكةى امتة جدا مثل توبليكسيل و التراسولف و غيرهم

لكن موضوع الكحل فهذا غير صحيح بالمرة ... عناك مواد بعينها تتحول في التفاعلات الحيوية في الجسة الي كودايين و هو من عائلة المخدرات ... النسبة لا تحدث شئ و لكن اذا شرب المتعاطيالزجاجة علي بق واحد او بقين فطبعا هتعمل احلي دماغ

لا اريد ان انوه عن هذه الادوية لانها قد تكون فرصة لاصحاب النفوس الضعيفة لمعرفة انواع جديدة و تجربتها

تخيلي انه فيه نوع من اللبوس بيتسيح وز يضرب !!!!

رحمنا الله

sokoothansawat said...

شمس

لازم اشوفك ان شاء الله في إجتماع السبت القادم حتى نناقش اكثر هذه المعلومات القيمة..كمان حتى نرى كيف يمكن وضع كافة المعلومات بين يدي القارئ و نترك له حرية الإختيار

تحياتي و منتظراكي اوعي تعتذري

شــــمـس الديـن said...

بطبيعة الحال انا لسة حجياتي مش مستقرة و انا هنقل لشغل جديد فمش عارفة ... اتحالة اككون فاضية خالص الشغل واخد وقت غبي جدا حتي الجمعة هشتغل لو شبكت في الشغل دا

ادعيلي ان ربنا يوفقني للخير في الشغل

sokoothansawat said...

شموسة

ربنا يوفقك يا قمر

و بدعيلك دايما يا جميلة..ربنا يكملك بخير

شــــمـس الديـن said...

باشا
لو تقدري تبعتي لي مسج باميعاد علشان انا يوم السبت دا هيكون اخر سبت ابقي فاضية نوعا ما فيه
الميعاد امتي ؟؟؟

sokoothansawat said...

والله انت بتهرجي يا شمس

طب يا بنتي مانتي معاكي رقمي

عموما انا لسة راجعة من اللقاء

فقعتيني يا شمس...كنت محتاجاكي جدا النهاردة

عموما ملحوقة