Thursday, August 2, 2007

ابناء مصر..البداية الفعلية


وأخيرا بدأ موقع أبناء مصر


بشوية جهود ذاتية وبعض الأخلاص و حسن النية



تم تدشين موقع أبناء مصر ( تدشين دي بتاعة الحسيني انا معرفهاش(


والي زي حالاتي ما لوش في الكلام الكبير


يتفضل مباشرة على الموقع هنا


ويقولنا رأية ايه


كمان من دلوقتي وجاي


محدش من المتحمسين للفكرة يقعد يتفرج


يلا يا شباب..يا مدونين..عايزين شغل


حبة نشاط على شوية إخلاص هنحقق حاجة ان شاء الله


الي له في الكتابة وحابب يكتب


يبعت اسمة و ايميلة على ميل الموقع


و يقدر يرسل تدويناتة و ننشرها مباشرة على الموقع


والي حابب يشتغل على الأرض


يتفضل معانا في الحملات القائمة واهلا باي فكرة جديدة


الخطوة القادمة حاليا هي اللقاء الميداني بكل الراغبين في الإنضمام


اهلا بيكو ايا ما كان اتجاهكم او انتمائكم


سواء كنت يسار او يمين..ليبرالي او ناصر

المهم انك بتحب البلد دي بجد


ومخلص ليها بجد


يبقى لازم تيجي عشان نعرفك


ونقدر نستفيد من الحب ده و نوظفة صح


و نخرج بيه طاقة بناءة و إيجابية


اللقاء القادم هيكون يوم السبت


11 أغسطس


المعاد والمكان لم يحددوا بعد

منتظرينكم هناك في الموقع الرسمي للأبناء مصر

28 comments:

شــــمـس الديـن said...

ازيك يا سكوت عاملة ايه

الحمد لله النت اخيرا رجع

عامة اللوجو القديم احلي من اللوجو دا

بس هو فين اللنك بتاع الموقع ؟؟؟

وحشاني بجد و معلش اني مش بسئل اني عارفة الظروف

sokoothansawat said...

شمس الدين

حمد الله على السلامممممة

لينك الموقع في البوست..دوسي على هنا

و عموما هو

abna2masr.com

الي موجود ده مش اللوجو ده مجرد البانر

اللوجو لسة جاري اختيارة

منتظرين جديدك..ومقالاتك الهامة

المصري افندي said...

الف مبروك علي افتتاح الموقع

و انا بفكرجديا اكون معكم لو تقبولني

مستني ردك

سلام

محمد هانئ

sokoothansawat said...

يا مصري افندي

الموقع والمجموعة والأنشطة كلها معمولة في الأصل عشان خاطر سعادتك

انت بس شرفنا ببريدك الإلكتروني والحضور..و هنوافيك بكل اخبارنا اولا بأول..

تحياتي اخي العزيز

المصري افندي said...

الغالية...سكوت

اعتذار علي التباس الفهم
و علي رايك الغريب اعمي ولو كان بنظارة زيي

ما علينا

الف شكر علي الدعوة الكريمة

و ده المايل بتاعي

flklabsh@hotmail.com


الف شكر يا استاذة سكوت


محمد هانئ

خالد منصور said...

اطمني يا مها زي ما رديت عليكي و اشتركت معاكي قبل كدة برضة انا معاكي

david santos said...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

shams said...

ان شاء الله يا مها مشتركين في دي كمان

bedo said...

أحب الكلام إللي م الأخر ده


نظام خلص وهات م الأخر



كلام كله حيوية ونشاط


ربنا يكرمك يارب


ويكرمنا إحنا كمان ونقدر نساعد إن شاء الله

ما هو على رأيك مش حب وساعة الجد ما نلاقيش ولا واحد


وجزاكم الله خيرا

حزيــــــــــــــــــن said...

السلام عليكم
الناس اللى مش بتيجى تتغدى ولا حتى تشرب شاى

حضرتك قولتى عشان نقدر
عشان نوظف
عشان نعمل
نون الجماعه دى بتعود على مين
طب وتمويل الموقع
اقولك هى خطوه جريئه جدا وجميله

بس انا مليش انتماءات ينفع اكون معاكم وهل وجودى معاكم دا يعتبرانتماء ولايه ؟

طب ممكن تقوليلى رأيك فى اخر قصيده فى مدونتى مزاج
وتقوليلى يا ترى النوع دا من الكتبابت ممكن يكون ليه وجود معاكم
؟؟؟؟؟؟؟؟

بن توفيق said...

الف مبروك السايت

وان شاء الله تبقى نقله كبيرة ليكم كلكم

sokoothansawat said...

المصري افندي

تقبلت منك إعتذارك بعد دفع الغرامة المالية المتفق عليها....في انتظار دعمك لحملة المخدرات...وللموقع
تحياتي يا مصري افندي

sokoothansawat said...

David Santos,

I don't have any reply on your comments, thanks for passing by, and hope you are enjoying your time.

sokoothansawat said...

خالد منصور

هههههههههه...والله انا مطمنة يا استاذ خالد...بس انت ما قلتليش هتبقى معانا ازاي...سأنتظر رسالة الكترونية تفيد برغبتك في الإنضمام عشان اقدر ارسل لك مع المجموعة البريدية...تحياتي لدعمك

شمس

دائما سباق للخير...تحياتي

بيدو

يعجبني الناس الي بتجيب من الأخر...سأنتظر منك رسالة على الموقع..او على بريدي الشخصي حتى اضيف اسمك للمجموعة البريدية..ونبدأ الشغل

حزين

انا دايما عندك...بس ما بلحقش اعلق..رأيي في القصيدة هتركه هناك..اما عن نون الجماعة..نون الجماعة دي انت فيها يا حزين..اي مصري عايز منفذ يتحرك منه و ماكانش لاقي..المنفذ اهة..لسة بيتبني و بيتكون..عندنا كلنا الفرصة اننا نعمل حاجة لولادنا نفخر بيها في يوم من الأيام...اما عن الإتجاهات..فإن كنت مصري..تحب البلد..فأنت عضو بيننا...ارجو ان تراسلنا على عنوان الموقع..او حتى على بريدي الشخصي المذكور في المدونة..و ساضمك للمجموعة البريدية

sokoothansawat said...

بن توفيق

الله يبارك فيك..بس هو انت مش معانا ولا ايه؟؟

Xee said...

حبيت ابارك بس
و بالتوفيق ان شاء الله
:)

هروح ابص على الموقع بقى

تحياتي

عبقرينو said...

الف مبروك بس انا دورى ايه؟
مش عارف دورى ايه بس انا معاكم قلبا وقالبا
ربنا يوفقكم وييسر ليكم الخير دايما
طبعا انا باهزر انا عارف دورى كويس


بالنسبة بقى للناس اللى عاوزه تشترك يسعدنا انضمامكم لينا فى الموقع وتشريفنا ومشاركتنا نهضة بلادنا العزيزة
ايه رأيك بارحب بالناس فى الديوانية بتاعتك على رأى الكويتيين

sokoothansawat said...

زياد

يا دي الهنا يا دي الهنا..خطوة عزيزة ...ميرسي يا فندم على التهنئة..يا ترى رأيك بصدق ايه؟؟؟

عبقرينو

يا فندم اعتبر المدونة بتاعتك...بس وحياة ابوك تطفي النور وانت ماشي عشان الكهربا..اما بقى عن دورك..فطبعا انت عارفة

عمر الشرقاوى said...

الله على النشاط والجمال والله برافو عزيزى منذر اول واحد عرفنى بالنشاط ده وانا فعلا سعيد بهذا النشاط واتمنى انى اقدر اخدم باى شىء الاخت مها انتى شعله نشاط انشاء الله انا معاكم وياريت تعرفونى بالوقت والمكان وانشاء الله انا معاكم واقدر اخدم باى شىء على قدر طاقتى ويكون لها فرع هنا فى المنصوره اتمنى ذلك
وهذا رقم تلفونى
018254211

sokoothansawat said...

عمر الشرقاوي


انت طبعا معانا...ده انت من الأوائل يا عمر...رقم تليفونك معايا منذ ان قبض عليك..فاكر..منذر الله يباركله شردلك ييومها على البلوج...عموما...احنا نتمنى ان ابناء مصر تكبر بيك و بكل المدونين و الشباب الشرفاء..و نقدر نشوف ثمراتها ان شاء الله

منتظرينك يوم السبت ان شاء الله..التفاصيل بقى هبعتهالك على الميل

جزاك الله خيرا اخي العزيز

حزيــــــــــــــــــن said...
This comment has been removed by a blog administrator.
عازف الناى said...

الف مبروك
تدشين (الباخره)قصدى موقع ابناء مصر
انا دخلت الموقع
وانتظر من حماسكم الكثير
وفقكم الله
وانشاء الله سارسل لكم تدوينات تناسب موقعكم المولود عملاق

sokoothansawat said...

حزين

الميل في البروفايل..بس على العموم انا خلاص سجلت ميلك و اكيد هبعتلك

منتظرينك في ابناء مصر يوم السبت القادم

sokoothansawat said...

عازف الناي

المقاتل الصنديد..والكاتب العنيد..برغم انف صاحبك

منتظرة تدويناتك الرائعة..و اسهاماتك للموقع..وان كنت اتمنى ان اتعرف عليك شخصيا .. لكن انا عارفة الظروف..

شكرا لزيارتك الكريمة اخي العزيز

coca said...

بصراحه انا مش عارفه لسا الموقع هيبقي هدفه ايه
ولا حتي عارفه اللقاء الميداني دا اتعمل قبل كدا وزاي اقدر اجي
ياريت يا سكوت تفديني

sokoothansawat said...

كوكا

الموقع هدفة ببساطة انه يكون بوابة للمدونين والناشطين عن تحركاتنا..عملنا ايه..حققنا ايه..وصلنا لغاية فين..نجحنا في ايه عشان نزودة..وفشلنا في ايه عشان نصلحة..و عشان عددنا قليل...كان لازم نمشي الخطوات واحدة واحدة..فكان اهم اهداف المجموعة اننا نعمل موقع لينا .. أما اللقاء بقى..فده عشان الناس الي سمعت عننا زمان و ما تعرفش احنا مين و لا بنعمل ايه ولا هنعمل ايه..يجو يتعرفوا علينا,..نسمع بعض و نطمن لبعض..و نفكر سوا ازاي نخطط صح لحركة مجتمعية جيدة...تيجي إزاي ابعتيلي على عنواني هنا sokoothansawat@gmail.com او على عنوان الموقع في الموقع رسالة وانا هرد عليكي بكرة الصبح بالمكان والزمان...تحياتي يا كوكا و يا رب اكون فدتك

coca said...

ميرسي علي الرد يا سكوت
بس مدونه كلو ماشي دي مشتركه بيني وبين صديقتي ايمي
اصلك رديتي عليها هي
عامه انا متشكره جدا علي الرد واكيد هعرف منك اكتر انشاء الله
تحياتي

Anonymous said...

Excellent blog right heгe! Also уοur ωеb sіte quite a bit uр
fast! What hοst are you the use of? Cаn Ι get уouг affiliаte link in
уour host? I want my site loaded up as fast аs уours lol

Visіt my blog: http://se4moderation.demo.younetco.com/profile/samira87c