Tuesday, October 2, 2007

خبر حلو اهه...يا مسهل

صاحب البوابة ابلغني اليوم
ان أبو الفتوح شوشة, أكبر معتقل سياسي فيكي يا مصر
والبالغ من العمر 86 سنة قد تم الإفراج عنه أخيرا اليوم
نتيجة لسوء حالتة الصحية
لا تعليق عندي غير..حمد لله على سلامة هذا الرجل العظيم
الي بالرغم من اني لا أعرفه
لكن يكفي انه رجل ظل يدفع ثمن مواقفة حتى اخر ايام عمره
كل التحية والتقدير والإجلال للسيد أبو الفتوح شوشة
الذي احرجنا جميعا بجهاده حتى اخر العمر
و كل التحية والتقدير لأهلة الصابرين على بلائهم
لو كل الشباب المصري في ثبات الراجل ده
كان زمان مصر دلوقتي بقت جنة

9 comments:

ابن رشد said...

لسة عارفه حالا و الله
و خبر جميل جدا
يارب نفرح على طول

me said...
This comment has been removed by the author.
me said...

الف حمداَ لله على سلامته
نظام فاشل فى كل شئ الا الظلم
حسبنا الله
واليه المشتكى

Bou-ME said...

الحمد لله خبطنا تحت باطاطنا !!! ربنا يستور

بلال حســــنى said...

الفرق واضح بين راجل مسن بيدافع عن بلده وعن جيل مغيب فى يومه وشغله وتقضية فراغه العقلي الكبير


الشوارع مش نضيفه
مش بس من المخلفات
ذوقنا وحش

jinja said...

حمد لله علي سلامته

Unknown said...

الخبر الحلو

في مصر لازم يكون فيه مرارة

لأن الافراج كان هروب من المسؤلية

المفروض الدولة اللي اعتقلت شيخ مسن

كان يجب علبها تولي علاجه في أحسن مكان

ده ابسط قواعد المنطق

لكن مين قال انهم بيعملونا بأي حاجة

غير الجزمة

اللهم اشفيه وانتقم من الظالمين

nour el 3ozamaa said...

السلام عليكم ادعوك لزيارة مدونتى الجديده و تشوف قصيدة مبارك يا من ذا الذي في مصر الجديده

شكرا

شهيدة said...

سلااااام عليكم يا مهى

دي تالت محاولة اكتب فيها الكومنت ده

انا حاسة كدة ان القدر مش عاوزني اعلق عندك ههههه


المهم بقى... انا غبت كام يوم عنك جيت لقبتك عاملة كل التغييرات دي!!!! كدة يا ميمو آجي الاقيك عاملة نيو لوك للمدونة... مع اني عارفة انها للحداد... وتاني حاجة آجي الاقيكي كاتبة اربع بوستات مرة واحدة!!!! يا خسارة الشاي اللي شربناه سوا

بس يللا مش مشكلة انا قلبي كبير وبسامح

اما على صعيد محتوى البوستات... فاود ان اقول اولا - لاحظي الفصحى- احم احم اقول اولا مبرووووك للشيخ ابو الفتوح الحرية وعقبال كل الاسرى والمعتقلين خاصة في المعتقلات الصهيونية... تانيا الف مبرووك واحلى سلام لأهل المحلة اللي يعني بيثبتو ان المطالبة بالحقوق مش مخيفة بل بالعكس هي حاجة طبيعية ومطلوبة وبديهية وان المطالب بحقو حينولو في النهاية

وعقبال ان كل المشاكل التانية تتحل وان كل الناس يتعلموا من اهل المحلة الجدعان

امممم ايه كمان... يعني تحية كبيرة ليكي يا أحلى مهى ويارب دايما تبقي بكامل نشاطك التدويني هههه

ما تنسيش تدعيلي فليلة القدر اوك

تحياتي
يارب التعليق يظبط يااااارب
:)