Saturday, November 3, 2007

مبرووووووووك يا شرقاوي




عمرالشرقاوي...




اسمة مرتبط معايا بوجع القلب




دائما وابدا كان واجع قلبي




عزائي الوحيد اني مش لوحدي الي قلبي وجعني على عمر




مصر كلها اتوجع قلبها




لما عمر اختفى فجأة و اتقبض عليه




نوارة وجعت قلب مصر كلها بالبوست ده




كنت اول مرة اسمع عن عمر الشرقاوي




منذر الله يباركله..كان همزة الوصل بينا وبينه




لحد ما خرج واطمنا عليه




بعدها انضم عمر لمنظومة ابناء مصر




وعشنا معاه مأساته مع الوحدة




والملل...والفراغ وغياب الونيس والأنيس




كنت كل ما أسألة عن اهله..يقولي ماليش اهل غيركو




انتو اهلي..انتو ناسي




النهاردة..عمر ربنا كرمة..و من عليه




بخطيبة زي القمر...




وان شاء الله ربنا هيبدلة بعد الوحدة والمعاناة




برفيقة درب و شريكة حياة..تسعده و تعينة على امر دينه و دنيته




عمر بلغني بالخبر النهاردة...و قالي




المدونين دول اهلي...بلغي الناس..مش هفرح




غير لو شفت لمة حواليا




دي مدونة عمر...




يا ريت لو تباركوله هناك..و تحسسوه ان له اهل و ناس




وان المتغطي بينا مش بالضرورة عريان




مبروك يا عمر..الف مبروك




ربنا يتمم بخير

11 comments:

shams said...

لا دة عمر حبيبي و لازم اروح اباركله

محمود الششتاوي said...

مببروك لعمر بيه وعقبال السامعين والشايفين والكاتبين والمعلقين وكله معادا شباب الحزب الوطني

اه ونبي يا جماعة اتوصو بيا شوية يعني كل اللي يعلق يقول عقبال الششتاوي
بدل ما اغضب عليكو وابهدلكم لما امسك الحكم

شهيدة said...

مع اني ما عرفش عمر

بس بقولو مبروك ويارب تتهنى انت وعروستك وتعضوك عن الوحدة اللي هي بجد مؤلمة جدا

وعقبالك بقى يا ست مها نشوفك عروسة ونفرح بيكي

سلام

مـحـمـد مـفـيـد said...

ليس بجديد عليكي هذه اللفته الرائعه
مبروك لعمر

بنت الاسلام said...

الف الف مبروك لعمر


وعقبال ولاده


يارب

وابقوا خلوه يدعيلي

kol-eldonia said...

الف مبروك ربنا يتمم بخير

و عايز افكركو بحاجة مهمة بعد بكرة الحكم فى قضية اسلام نبيه و على فكرة يا مها هى يوم الاثنين بدل ما تتوهى حد تانى كفايى انا تهت المرة الى فاتت

عمر الشرقاوى said...

الف شكر ليكى يامها وان شاء الله كلكم معزمون وهازعل لو مجتوش وعقبالكم وادعلى ياجماعه

صاحب البوابــة said...

عمر

هو ذلك الشخصية الهادئة

التي تذوب عشقاً في وطنها

يحمر وجهه خجلاً اذا اثنى عليه احدا

يعمل بصمت

ويصل الى هدفه بثبات

عمر يا أخي

صدقني فقد اكتسبت عروستك جوهرة غالية

---------

شكراً لكِ مها

وعقباااااااااااالك

حزيــــــــــــــــــن said...

السلام عليكم

الف مبروك يا مها
حسيت من البوست دا ان الفرح فرحك
عقبالك

عبقرينو said...

الف الف مبروك ياعمر
رزقك الله خيرها وخير ماجبلت عليه وصرف عنك شرها وشر ما جبلت عليه

عقبالك يامها وعقبال كل اللى عقلكوا والى مش علقوا وكل الناس

EmY said...

الحقيقه انا معرفش عمر
بس فرحتله بس تعالي هنا ازاي يخطب من ورايا و ميعزمنيش
الف مبروك و ياريت تبعتيلي لينك المدونه بتاعتوا