Saturday, April 28, 2007

نهاية الفصل الاول

الساده الزملاء....
اسمحولي اخذكم في جولة سريعة و ملخصة لأحداث الشهرالماضي...
من حوالي شهر طرح الزميل العزيز حنتكلم اطروحة بعنوان اطلب اقتراحكم لنتعاون سويا..بمعنى اخر..هو ماكانش عارف احنا محتاجين ايه عشان حالنا ينصلح...لكن كان عنده قناعة ان ممكن يكون في حد في الكواليس عنده فكرة كويسة تنفعنا في الأيام العصيبه دي...التي نقع فيها بين شقي الرحى...ما بين امن الدولة او امن الأسرة...
المهم...حنتكلم اطلق الدعوة و لقيت وقتها مجموعة قليلة العدد من المؤيدين...و تم اول اجتماع بين المدونين بخصوص الافكار..الوارده والتي تراوحت ما بين الأعمال الخيرية التنموية ...متمثلة في الانشطة الإجتماعية والخيرية..أو الأعمال السياسية المباشرة متمثلة في التطاهرات والإعتصامات الخ من اعمال الدفاع عن الحريات بشكل مطلق...في اللقاء الأول...نجح دعاه الفريق الأول الراغب في اشراك الطبقات الفقيرة والمعدمة من ابناء الشعب المصري في انشطة تساعد على معاونتهم على الحياة في اجتذاب معظم الأصوات...في اللقاء الثاني مالت الكفة قليلا ناحية العمل السياسى المباشر...الا ان اوضاع البلد الراهنه لا تشجع على السير في هذا المضمار لذلك مالت الكفة مرة اخرى الى الأنشطة الإجتماعية التنموية.
طيب احنا في الاخر عايزين ايه؟؟
و طالبين ايه من المنضمين؟؟
اولا : احنا مقتنعين ان هدفنا هو التغيير السلمي المؤثر في حياة فقراء مصر..الذين هم وقود هذا البلد الحقيقي و قنابلة الموقوته
ثانيا: لا يوجد لدينا اي نوايا تخريبية او تحريضية تجاه البلد...هدفنا هو اتباع الطرق المباشرة والمشروعة تماما من اجل احداث تطويرفي مجتمعنا...( بمعنى احنا مش بتوع شتايم فش خلق, كل واحد حر تماما في راية ازاي ممكن يخدم البلد..بدون المصادرة على حق احد في ممارسة او ابداء هذا الراي طالما انه لا يضر اضرار مباشر باحد)
ثالثا: السياق العام لدينا يقوم على الديموقراطية الحقيقية...لا يوجد مصادرة على الأراء مهما كانت غرابتها..و سذاجتها..وفي النهاية راي الأغلبيه يسود بصرف النظر عن راي الفرد الشخصي.
هذه هي الخطوط العريضة...اما التفاصيل فسيتم الإعلان عنها في مدونة ابناء مصر عند الإنتهاء من بيانها الإفتتاحي انشاء الله...
اذا كنت من محبي المشاركة ...اما بالراي او بالفعل...فاهلا بك و مرحبا..كما ارجو تسجيل بريدك الإلكتروني لدي هنا حتى يتسنى لي الإتصال بك في اقرب فرصة ممكنة لنناقش الخطوة القادمة في اقرب فرصة.....

3 comments:

عبقرينو said...

السلام عليكم
طبعا ياسكوت هنصوت انتى معاكى الميل بتاعى وعارفة إمكانياتى وقدراتى اللى أقدر أقوم بها
انا معاكم بس للأسف مش هأقدر أتواجد معاكم فى لقاءات مباشرة نظرا لظروف السفر
خلى بالكم من أنفسكم ومصر بكرة أحسن بنا كلنا
الحركة هى الحل ------ده شعارى فى حياتى
الحركة تعطيك الحياة وإذا كانت حركة عاقلة رشيدة منظمة فهذا أسمى ماأتمناه وستحقق عائدها فى وقت سريع
أما إذا كانت غير مخطط لها وعشوائية من الممكن ان تؤتى ثمارها على المدى البعيد ومن الممكن ان تحيد عن هدفها وتتحول إلى دمار وخراب
بس بشكل عام الحركة هى الحل
على رأى المثل فى الحركة بركة
سؤال مهم بقى مش معنى مش بتقبلى تعليقات من مجهول مع أنك بتعلقى على بعض المدونات تحت أسم مجهول :)
وكمان لازم يبقى ليا بريد على جوجل أنتى شغالة معاهم ولا أيه؟
سؤال مين اللى كان بعتلك الدعوة لما جوجل بدأالخدمة بتاعته:)
ما علينا ياستى سماح المرة دى

sokoothansawat said...
This comment has been removed by the author.
Anonymous said...

Hello my loved one! I want to say that this article iѕ amazing, niсe
wгitten and includе almost all sіgnificant infos.
I wοuld like to look extга ρosts like
thiѕ .

My ωeb раge :: http://uinlo.webs.com