Monday, June 4, 2007

عن الغردقة...والشذوذ

هل اصبحنا دولة تنظم و تدعم الشذوذ علانية؟؟؟؟

في زيارة سابقة للغردقة...بالأخص في قرية مجاويش....

بعد ما نشاطات اليوم كلها خلصت...حبيت اتفرج على الشو الي بيقدمة الفندق...على اعتبار ان جايز يكون بيقدم فقرة الساحر الي انا بحبها...

بالذات لما يطلع بيضة من قفا اي راجل تخين قاعد في الصالة..

المهم و عشان ما طولش عليكو...خدت كام واحدة من صحباتي..واخويا..ورحنا نتفرج على المرسح...و فجأة لقيت....رقاصة...أصابتني حالة من القرف..و قمت عشان اخرج...لقيت..صحبتي بتشدني و بتقولي يا بتني دي مش رقاصة..ده راجل لابس رقاصة...لولهة مصدقتش...و بعدين ركزت شوية..اكتشفت فعلا انه واحد راجل لابس باروكة...وبدلة رقص شبة مقفولة و بيرقص...!!!!

الحقيقة مفهمتش...طب ما يجيبوا رقاصة...ايه لازمة ان راجل هو الي يقدم ده...و فمصر...طيب لحد كده وصلة الإستهبال مخلصتش...دي يا دوب ابتدت....الأخ ( مجازا يعني أخ) بعد ما عمل وصلة رقص من الي هي..بما يتطلب ذلك من ليونة...غير هدومة و لبس قميص نوم حريمي احمر...اه... وربنا احمر....و طلع يقدم سكتش فرانكو اراب مكسر و مدشدش ستميت حتة....هو وواحد راجل تخيين قوي يظهر انه معجب بملابسة الداخلية....طيب عادي مش مشكلة...مهم على البحر بمايوة...مش هتفرق بقى الخامة....نهايتة...قلت يا واد طنث خاااااااااالص و شوف الناس دي عايزة ايه...لقيت موضوع الرواية...ان الراجل اي عامل راجل...متجوز الراجل ابو ملابس داخلية...شوية كدا...و بداوا يمارسوا علاقة حب ساخنة على المسرح....تخيلوا...واحد راجل لابس ست...بيبوس واحد راجل بملابس داخلية..على مسرح في الغردقة...المهم ان الموضوع الملهم للرواية..كان كلة عن خيانة زوجة لزوجها..فبعد ما الزوج ( الي طلع طباخ في الفندق) خرج برة المسرح...دخل عيل كده عنده يجي 25 سنة...على اساس ان ده العشيق...ثم بدأ بمغازلة الراجل الي عامل ست...وهكذا طول العرض...

الي زعلانين على بناتنا انهم هيشتغلوا خدامين وجايز ينتهك عرضهم..يجي يشوفوا رجالة مصر الي لبسوا الطرح بمزاجهم عشان خاطر قرشين...انا كنت فاكرة ان المشكلة دي مشكلة خاصة بقرية مجاويش...لكن طلع الموضوع منتشر في معظم فنادق الغردقة...

الفيديو ده صورتة واحدة صحبتي من فندق سندباد...في الغردقة...اتفرجوا بقى على واحد راجل بيرقص بلدي ببدلة رقص شفافة...

يا ترى لو سكتنا على الكلام ده ممكن في يوم نصحى نلاقي منبتلنا قرون

23 comments:

ياسر سليم said...

لا حول ولا قوة إلا بالله


حسبنا الله ونعم الوكيل


فعلاً اللى يعيش ياااااااااااااااما يشوف

وفعلا على رأى احمد شوقى اللى كأنه معانا فى الأيام دى

وكم ذا بمصر من المضحكات ولكنة ضحك كالبكا

عبقرينو said...

السلام عليكم
البنات اللى هيشتغلوا خدامين مش من الممكن ينتهك عرضهم ده شىء مؤكد حدوثه

على فكرة بأه أنتى غلطانة جدا, المفروض كنتى أنسحبتى من المكان بسرعة وده كان هيبقى أبلغ رد لما الناس يشوفوكى قايمة فى وسط العرض

أنا حدث ليا نفس الموقف فى الغردقه بس ده كان عام 2000و, بس فى أشهر مرقص ليلى هناك سكروب ليس...كنا 5 وقررورا يخرجوا طيب نروح فين المهم سواق الميكروباص ودانا الماخور ده ...قولتلهم عاوز أروح قالولى مافيش مواصلات للرجوع دلوقتى لازم تستنى العربية.....روحت أديت ضهرى للمسرح لدرجة أنى الراقصة وقفت الوصلة وقالت فيه أيه بيحصل وجيه الراجل يكلمنى نفضتله وبعد كده اللى معايا قالولوا ده مريض سيبك منه وخليها تكمل
طبعا كان موقف مش ظريف بس حاسيت أنى ده ممكن يكون أقل حاجة أعملها وفضلت قاعد من الساعة 1 الى الساعة 4 مادى ضهرى للمسرح وفى الآخر نمت وصحونى لما خلصوا سهرتهم
والله يرحمه أستاذى العزيز كان دايما بيتريق عليا ويقول....مجموعة من الطلبة الصيع كانوا فى ماخور
ههههههههههههه
وكمان أنتى مستغربه ليه السنة اللى فاتت تم زواج اتنين شواذ فى هيلتون رمسيس وكمان كانوا عرب مش غربيين

سكوت هنصوت said...

يا عم عبقرينو...المسألة أكبر من مجرد رقاصة في كبارية....الرقص مهنة متأصلةفي مصر من زمان...المفزع في المضوع...ان رجالة تعمل نفسها ستات...و ترقص زي الشواذ ( ده لو افترضنا انهم اصلا رجالة) عشان شوية خواجات يضحكوا...المفزع..ان موظف بياخد اجر عشان يلبس ست...و يطلع يرقص...دي مصيبة..مصيبة سودا كمان..يعني لما الستات يعملوا كده..عادي...هو طبعا مش عادي..لكن هنمشيها عادي...ولما يحصل في مصر زواج لشاذين..فده برضة مبلوع..على اعتبار ان الحاضرين دافعين فلوس القاعة...و مأجرين القاعة لنفسهم و صحابهم كلهم كدا...اما في اوتيل عادي...مهواش خاص بالشواذ ولا حاجة...و يبقى دة العرض بتاعة..فإسمحلي بقى..أحنا كده بقى نبقى (.....)
انا مامشيتش...لإني حبيت اعرف ده ايه..و لما لقيت صحبتي كمان مصورة حاجة مشابهة...قلت بس الغردقة اتضربت

7ntklm said...

يا عينى عليكى يا سكوت هنصوت هانم للعلم مش فى الغردقة بس فى شرم الشيخ وكمان احب اضفلك ان فى سى دى فى الاسواق مدمج فيه فيديوهات رقص زى الصحبتك صورته بظبط بس موضوعك دا شىء عادى للتعرضت ليه
كنت خلصت كلية وواحد من البهايم اللي أعرفهم عزمني علي فرح في شبرا الخيمة والفرح شعبي وللي معندوش فكرة الفرح بيبقي في الشارع والناس بتبقي قاعدة تحشش وتسكر علناوأنا أموت في الفجر الجماعي والفرقة علي حسب بس أهم حاجة رقاصة ومطرب شعبي معهوش بطاقة وبتلاقي تجار الحشيش واقفين يبيعوا علي راس الشارع المهم قعدت مع شوية غجر أعرفهم وهؤلاء كانوا مايطلق عليهم حمل - مش عارف هاتعرفوا تقروها ولا لأ- يعني ناس معلمين ومخلصة وكانوا هما بيشوفوا فيه إبن الناس المتعلم بتاع المدارس وأنا معتبرهم تسلية بدل بجنية لب وبدأ ضرب الأنفاس وفوجئت بواحد لابس قميص أبيض علي اللحم وبنطلون وحزام وجزمة بيضا وجه سلم علينا وباس كل واحد قاعد علي الترابيزة بما فيهم أنا ولقيت اللي معايا بيندهوله يقولوله يافوزية وعرفت بعد كده إن أسمه فوزي بس الحبايب بينادوله فوزية وبدأ يرقص للناس اللي قاعدة علي الترابيزة واللي معايا سكروا وإنسطلوا وبدأوا يحسسوا علي جسمه وبصراحة أنا اتاخدت من الموقف وحسيت زي ماأكون قاعد في أمستردام مش شبرا الخيمة وبدأت أسحب واحد قاعد جانبي في الكلام وما فهمته إن فوزي معبود معلمين شبرا الخيمة وليه زبونهوبدأت أركز مع تعبيرات وشه وهو بيرقص وحسيت إنه مستمتع وسعيد بما يفعله و بدأ يلف علي القاعدين والموقف كان عبثي بشكل زفت وقطران وتخنقت من القاعدة ورحت قايم مروح

bastokka طهقانة said...

يا ساتر يا رب
اعوذ بالله



ربنا يستر

Amr Ahmed said...

طيب وفين حاتم بيه

كركريه ده يابيه

يعني علاء الاسواني مكنش غلطان

بقي هي الحكاية بقت كده

طب كل واحد يحرس علي نفسه

وانا اقول المدونين المثليين
متفاخرين ليه كده
اتاري مش هما لوحدهم

هي دي مصر يا عبلة

لا حول ولا قوة الا بالله

والله شكلنا هيتخسف بينا الارض

ربنا يستر

Mirage said...

انا استمتعت قوى بفوزية دى
احلى من الموضوع نفسه
لمؤاخذة ياسكوت هنصوت

على فكرة ياجماعة الشذوذ فى مصر موجود ومنتشر من زمان جدا جدا ويوسف شعبان عمل دور شاذ قبل كده فى فيلم حمام الملاطيلى

مش حاجة جديدة يعنى فى مصر

انتوا مالكوا مستغربين قوى كده ؟

وبعدين فوزية وامثاله دولات ماليين ميدان التحرير قدام كنتاكى ومعروف ان ده ملتقى الشواذ هو وفلفلة بتاع الاسعاف

كمان المثليين النساء كتار جدا جدا بس هى المشكلة انهم مش باينيين

ثم ان هو اللى بيرقص ده كان حد ضربه على ايده عشان يرقص كده

مهو صاحب القرار

حد ليه عنده حاجة ؟

SaSo said...

والله منا فاكره انا كنت داخله اقول ايه
اصل الشهاده لله الاخ-مجازا بردو اخ- بيرقص حلو اوى
الغردقه اتضربت يارجاله

سكوت هنصوت said...

تامر( حنتكلم)...كل مرة تطلع عليا بمفجأة اكبر من الي قبلها...بقى انت في وقت فراغك بتروح تحضر افراح شواذ و مدمنين مخدرات و بانجو...يا حالولي يا حالولي....ايه الحلاوة دي...لا بجد..عمار يا مصر...هو صحيح الوادوازيلز بتوع الغردقة طالعين بمزاجهم...بس الفكرة ان محدش قال ان الناس الي قاعدين دول لامؤاخذة سوسو...يعني الناس الي جايين القرية الصياعية دي...جايين مع عائلاتهم....يبقى ايه لزمة العرض من اساسة...الا اذا كان استعرض مهارات...انا الحقيقة عندي حالة غثيان شديدة من الموضوع كلة...و كنت بقترح اننا نكتب خطابات إهانة لإدارات الفنادق دي ي مصر...على الاقل عشان يعرفوا انهم بيخسروا زبون...اية رايكم..اطال الله بقائكم

ـــــــــ
طهقانة عندي في البلوج...يا حلاوة يا ولاد...طب اصور جنبة والنبي يا با...يا ناس انا هغير اسمي من سكوت هنصوت الى سكوت هنزغرط...نورتي يا هانم..
ــــــــ
عممممرررر...انت الوحيد الي معندكش امتحانات ولا ايه...بالمناسبة...حاتم الجبلي كان موجود اه...بس عايش في الدرا...مش على مسارح الخمس نجوم..منور يا فندم...

ــــــــ

ميراج

زرونا تجدوا ما يسركم...انا شخصيا امبسطت من موضوع فوزية ده اكتر من الفيديو بتاع صحبتي...مهو برضو معرفة النفوس كنوز...و ربنا يخلي حنتكلم و يهرينا مواضيع غريبة كمان و كمان ... اما بقى عن الشذوذ...فيا جماعة انا مش بناقش مشكلتة في مصر...انا بتكلم عن حاجة تانية خالص...انا مستغربة بشدة..انه بيتعرض استخسار...يعني الناس الي قاعدة يا مصريين...يا اجانب عائلات...فلو كانوا جابوا رقاصة بلدي..كانت فرص الدعارة بقت اعلى بتكتير...لكن ايه الي يخلي الفنادق في الغردقة وشرم تخلي عرض الشواذ هو الفقرة الأساسية في البروجرام عادي يعني...ولا حيا ولا خشا...بجد حاجة تقرف...منور يا فندم...

ساسو....سيبك بقى من الي كنتي هتقوليه وقوليلي ...ايه رايك في النظام!!!

بلال حســــنى said...
This comment has been removed by the author.
Anonymous said...

أنتوا لية يا جماعة الحاجات دي بتفاجئكوا و مش مصدقين وجودها .
طب اللي أنتي شفتية دة و لا حاجة مقارنة باللي أنا شفتة لما كنت في شرم الشيخ من حوالي أربع سنين بأزور مصر مع زوجتي اللي كانت بتزورها لأول مرة ، ماعنديش وقت أحكية دلوقتي عشان عايز أجري ألحق الجمعة بس ممكن ابقى أحكيها بعدين.

سكوت هنصوت said...

الكنبة الحمرا..

انا مش ضد الحريات..انا ضد الدعارة بكل اشكالها...لما واحدة تختار انها تلبس مايوة هي حرة..لما واحدة تلبس مايوة عشان تاخد فلوس تبقى مصيبة..لما واحد يختار انه يبقى شاذ..مع اختلافي الديني في الأمر هو برضة حر..لكن لما واحد يعمل مقهى للشواذ فقط تبقى مصيبة..المجتمع لازم يدور على مصلحتة...انا شتغل في جهة اجنبية..يعني ملهومش علاقة بالمحتماعات المتخلفة و مع ذلك في كود للبس..ممنوع اي لبس يشغل الناس عن عملها..لو واحدة جت الشغل لابسة هاف ستومك مثلا.بتتحول للتحقيق..لإنها جاية تعطل سير العمل...ده مالوش علاقة بالحريات...له علاقة بنجاح المجتمع..الي فجعني في الغردقة..ان الولد الي لابس بدلة ده..طالع يرقص في مقابل أجر...جايز يكون شاذ..و جايز تكون حرفة..زي البواب في رواية يعقوبيان..تقدر تقول ان دي حرية..؟؟ بالطبع لا..دي مش اكتر من دعارة صريحة...كل العالم بيرفض الدعارة..حتى اشد الدول ايمانا بالحريات, وما اعتقدش اننا رجعنا لعصر الاقنان والجواري..مش كده ولا ايه؟؟

سكوت هنصوت said...

أيرون كوبرا

انت غاوي تثير فضولي..بتفكرني بواحد صاحبي كل شوية يقولي هحكيلك حكاية..ولا اقولك..حرام بلاش نجيب في سيرة الناس..طب كان بيقول ليه من الأول..لو سمحت احكي حالا موضوع شارم الشيخ ده..لحسن انا هموووووووت من الفضول

بلال حســــنى said...
This comment has been removed by the author.
سكوت هنصوت said...

عزيزي الكنبة الحمرا...انا مش فاهمة انت معترض على ايه...
حق الراي والراي الاخر اكيد مكفول...

من حق اي رقاص او رقاصة انه يقول رأية...هو التلفزيون والإعلام العربي والغربي وراه حاجة تانية؟؟

ثم فكرة اللبس...والله ده امر يرجع لثقافة الشعوب... و القانون الإجتماعي فيه اقوي من القانون الوضعي..هقولك مثال...لو زرت انجلترا مثلا في فترة الصيف...ستجد نساء توبلس في وسط الهايدبارك...وده مكان مالوش علاقة بالبحر....ده في قلب الشارع..
لكن لو رحت اسكتلاندة..وبالذات في الريف هتلاقي الستات كلها ماشيين بنص كم..في نفس الفترة من العام
كذلك امريكا..في فيرجينا تك( البلد الي كنت فيها في طفولتي..يعني شاهد عيان) كانت البنت الي بتلبس بيكيني بنت منتقدة..وعمري ما شفت واحدة في الشارع في اي لابسة اي لبس مثير للغرائز..مفيش قانون في امريكا بيحدد اللبس..لكن مع ذلك الناس لبست الي المجتمع يرضى عنه...اما الموضوع الرئيسي للبوست ده..هو ان في مصر..الإسلامية..المسيحية..حيث الشذوذ رذيلة ممنوعة...نجد شباب مصري...يأخذ مرتب في مقابل ان يلبس زي امرأة و يرقص امام جمهور من المصريين...فما الداعي لهذا...ما اذهلني بشدة هو ان المسألة اصبحت وظيفة...يعني زي ما الشباب بيسافر الغردقة و شارم الشيخ عشان يشتغل وايتر( نادل) ولا طباخ ولا حتى مرشد سياحي...هيشتغل لامؤاخذة...انا لا ارى هذا النوع من الدعارة بأي حال من الأحوال حرية شخصية...لإن صاحبة لم يختار..بل قبل بالوظيفة طمعا في المال..على احسن تقدير..فإن لم يكن..فهي رذيلة يرفضها المحتمع...و بالتالي ديموقراطيا..طالما المجتمع اجتمع على رفضها...إذا فلا مجال لوجود هذا النوع من العلنية المقيتة..بالأخص و ان محدش اعترض اصلا على العرض المقدم
يا ترى انا فهمتك...طب الأهم انت فهمتني
انا سعيدة قوي بالنقاش الفكري ده..لإنه عامل زي ماتشات الكورة...الهدف فيه ممتع...و النتيجة بتتاخد بروح رياضية..المهم نكون احنا الإتنين بنلعب كورة..مش واحد باسكت والتاني طايرة..تحياتي..ومستنية الرد

بلال حســــنى said...

اوك
متفق معاكى طبعا ان الدعاره منبذ مجتماعيا ونسبي

Anonymous said...

Amazing isѕues here. I'm very glad to see your post. Thank you so much and I am taking a look ahead to contact you. Will you please drop me a e-mail?

my site - simply click the following page

Anonymous said...

Heу there I am so glaԁ I fоund your wеbpаge, I гeаlly found
уou by accident, whilе I wаs
looking on Google for somethіng else, Nonetheless I аm herе now аnd would ϳust likе
to say many thanks for a inсrеdible post and a all гοund
exсiting blοg (I аlso lονe the
theme/ԁesign), I don’t have time to go through
it all at the moment but I have saved it and also
aԁded in yοur RSS fеeds, so when
I hаve time I will bе bacκ
to read a lot more, Pleаse do keep up
the fantastіc woгk.

Feеl free to νisit my web ѕite; http://www.bandacatedral.com.br/

Anonymous said...

Pleaѕe let me know іf you're looking for a writer for your site. You have some really great articles and I think I would be a good asset. If you ever want to take some of the load off, I'd аbѕolutelу love to writе somе materіal for youг blog іn exсhange
fог a link back tο mine. Please send me an email if іnterested.
Regards!

Feel free to surf to my wеb-sіte:
komunitas.digitalife.co.id

Anonymous said...

I thinκ that ωhat you published was actually verу reasоnable.
Ηowever, consider thiѕ, whаt if you added a little content?

I аm not suggеsting yоur contеnt іѕn't solid, but what if you added a headline that grabbed folk'ѕ аttentiοn?
I mеan "عن الغردقة...والشذوذ" is a littlе bοrіng.
You could peek аt Yahoο's home page and note how they create article titles to grab viewers interested. You might add a related video or a picture or two to grab readers interested about everything've got tο say.
Ιn my оpinіon, іt ωoulԁ bring
уour blog a littlе bit morе intereѕtіng.



Ηаvе a look at my ρаge :: http://social.toptecheng.net/index.php?do=/profile-6178/info

Anonymous said...

Ηi thеre, іts nice pаragraph conceгning
medіa рrint, we аll know media is а
іmρresѕivе sourcе of datа.


Also visit my weblog - http://mytropa.net

Anonymous said...

excellent issues altogеther, you ϳuѕt gained a
brand neω readеr. What might уou recommend about
your submit that you juѕt made sоme
days in the past? Any certain?

Μy web-ѕіte; businessmodelsbeyondprofit.com

Unknown said...

ابحث عن افضل الطرق للنظافة والابتعاد عن الامراض وممراسة حياة جميلة فيجب ان تهتم وتمارس النظافة فالنظافة لها انواع كثيرة جدا من امثال النظافة كشف تسربات وهذا يجب الاهتمام بها لانها تجلب الامراض الشديدة فعندما نبحث عن الاهتمام بكشف تسرفات المياة فهيا شركة كشف تسربات المياه بالدمام وشركة كشف تسربات المياه بالخبر ومن انواع النظافة ايضا مكافحة الحشرات وهذا النوع كثير من الناس بل جميع الناس يمارسوة فهم شركة مكافحة حشرات بالخبر وشركة مكافحة حشرات بالجبيل وشركة مكافحة حشرات بالاحساء
وللاتصال وطلب الخدمة 0508400941