Friday, June 15, 2007

عن اللقاء الثالث


تم اللقاء الثالث..لحركة ابناء مص
كان لقااء طوييييييييييييييييييييييل..ومرهق جدا..

استغرق حوالي 4 ساعات و نصف..
الحضور كانو كتير في البداية...حوالي 14 مدون
تخيلوا بقى 14 مدون بيتقابلوا على مسنجر...منغير مدير للجلسة
و كل واحد عايز يعترض و يتكلم!!! ماساة
كان من ضمن الحضور
ابن ناصر
احمد المصري
فارس
عبقرينو
صاحب البوابة
ولاء صاحبة مدونة اتفضل عندنا
تخاريف المعادي
صاحب مدونة قصاقيص ورق
مش حسكت
و غيرهم....بس الحقيقة مش فاكرة اسماء مدوناتهم..و مش عايزة اذكر اساميهم
_______________________________________
الحركة..هي بوابة تلاقي الناشطين الفعالين, وبالتالي لازم تتضح اهدافها و اتجاهاتها عشان تجتذب شعبية و ارضية اكبر, وبالتالي يكون لها ثقل وتأثير يسمح بالتغيير

كان فيه رغبة في جعل نشاط المجموعة متنوع, بحيث ان محدش يحرم من العمل المدني او السياسي و يتقولب ضد ارادته

كان فيه قبول لفكرة العمل الحزبي بشكل عام..وان اختلفنا كالعادة على الأحزاب

هناك طلب بجعل الحركة مسجلة رسميا حتى لا تخضع لمساءلات امنية

هناك حاجة ملحة لتحديد ادرايات الحركة..عشان نتلافي الفوضى الخلاقة دي

كان فيه اقتراح من عبقرينو بإنشاء موقع يضم جميع الأخبار الخاصة بمصر في الصحف على الموقع
كان فيه اقتراح ثاني بإن المدونين يكون لهم جريدة ناطقة باسمهم...ثم انتهى على محاولة طرح الفكرة على جريدة مستقلة بالفعل..و/او ويبسايت
__________________________________________

طيب المحصلة بقى...انتهينا على ايه:

ناقشنا كل الافكار السابقة ... وخرجنا منها بالاتي

بن ناصر..صاحب فكرة البيان التأسيسي ..الي هيوضح للمهتمين الجدد احنا مين وعايزين ايه.هيصيغ البيان المقترح..او على افضل الحلول بنوده العريضة..ويطرحة على مدونتة و يتركه فترة للتعليقات..حتى نتمكن من سماع جميع المقترحات والافكار...ثم يوضع تصويت عليه في بلوج الحركة

***************
مريم و فارس ( المعجبين والمؤيدين لفكرة الجريدة) هيعملو بحث صغير عن رغبة الصحف المستقلة في قبول الفكرة..يعني مدى الإستعداد والمطلوب ايه بالظبط..الخ
***************
عبقرينو..صاحب فكرة الويبسايت..واخبار مصر العالمية..هيشرع في المشروع بتاعة..و يوافينا بالتتابعات على البلوج بتاعة لحد ما يكتمل الشكل النهائي...و في النهاية يتحط على موقع الحركة على شكل استفتاء..بعد اخذ الملاحظات بعين الإعتبار
***************
احمد المصري بقى مسؤول التنظيم الإداري مؤقتا...مسؤول يتلقى طلبات المنضمين لكي يكونوا اعضاء مؤسسين...و يحطهم على موقع الحركة, و كمان يتابع كل التطورات على البلوجز المختلفة وفي النهاية...يعمل الإستفتاءات..ويوافينا بالنتايج
***************
انا صاحبة فكرة المتابعة الحزبية مع حزب الجبهة...فانضم ليا صاحب البوابة...و هيكون النشاط الحالي هو تغطية معظم اخبار الحزب
بصفة حيادية...و محاولة المساهمة في انشاء عمل مدني ضخم يضم جميع فئات و طوائف المجتمع
****************
طيب فاضل ايه..فاضل بقى اقولكم ان شعارنا في الفترة الي جاية..الي عايز يعمل حاجة يعملها..بس يحطها على الحركة..عشان نتابعها..في النهاية الحركة هتجيب حركة...
والي عاجبة اي حاجة من النشاطات الي فوق دي...يسجل اسمة في التعليقات عند صاحب البلوج او عند الحركة...و هنبعتلة ميل...يقولة ازاي توصل لصاحب الفكرة..وتساعد معاه في التطوير او التنفيذ
اما الي عنده فكرة جديدة..فيحطها في كومنت برضة على الموقع المباشر للحركة...و هنناقش الفكرة مع صاحبها انشاء الله.و.اليه تنفيذها

لحد كده خلص الإجتماع

مستنيين بقى النتائج

21 comments:

Monzer said...

على فكرة انا كنت معاكم
وماكنتش عارف حد غير ابن ناصر واحمد المصرى وانت وصاحب البوابة
ومتابع مدونة عبقرينو نوعا ما
بصراحة واثق فيكم جدا وكلكم ما شاء اله عليكم
بس انا كنت من اوائل المنسحبين سريعا
وأنا شايف الحاجت ده صعب مناقشتها من خلال لقاء على الماسنجر
له مانقعدش مع بعض كلنا وجها لوجه
ونسمع بعض بشكل أقوى
والأخوة بتوع المحافظات التانية يلموا مدونين المحافظة ده ويجتمع وبعد كده نقعد على الماسنجر زي ما احنا عاوزين

ده اقتراح

انا بدعوكم رسميا لحضور احتفالية
مهرجان القلوب التى تستمر سبعة أيام
ويمكنكم اختيار اي يوم او أية اسمية وذلك لتحقيق مزيد من التواصل الانسانى بين المدونين ولمعرفة مزيد من التفاصيل
ادخل عندى
www.hapasa.blogspot.com


والدعوة عامة لكل مدون او صديق يرغب فى المجيئ
اخوكم منذر

سكوت هنصوت said...

منذر...انا اسفة اني ما ذكرتش اسمك

اقتراحك واقعي جدا..بس المشكلة انه لسة معندناش قاعدة بين المحافظات عشان نتقسم كده...لكن ده هيكون انشاء الله تحت الطرح بينا انشاء الله..
حتى يتم ذلك..خلونا نتواصل على البلوجز مؤقتا..و نتابع التطورات..و بعد كده هيكون فيه عضو منسق لكل مجموعة..مين عارف جايز الفكرة تنتشر اوسع مما تتخيل
اشكرك على حضورك..واشكرك اكتر على فكرة مهرجان القلوب...

ibn nasser - ابن ناصر said...

سكووووووووووووووت انا خلااص همووووووت (بانفعال: انا قلت لك ميييت مره هكتب علي بولج الحركه حاجه زي من نحن وماذا نريد ..زي"... هااا ونعمل الاستفتاء هنااااك وهكتب قابل للتعدل وتحت المراجع وليس نهائي(تجربه) هااا وهكتبه بمشيئة الله عز وجل بكره الصبح وماتخفييش ولا في تعصب ولا ناصريه ولا اي تيار فكري متخفييييش والاسلوب سلس وكويس وبسيط وواحنا ناس تمام ..خلاص خلاص (راحت الحمقه والنرفزه : ولازم تخدي بالك انتي بتكلمي المتحدث الرسمي هاااا يعني نضرب تعظيم سلااام المتحدث الرمي رااح المتحدث الرسمي جه
:)

تحياااتي (مغمض عيني دلوقتي ومستعد انك هتتنرفزي عليا ____استر ياارب
...

سكوت هنصوت said...

شوف يا بن ناصر انا كنت متخيلة ان اول جريمة قتل اعملها هتكون عالأربعين كده..لما اضرب الواد هيثم ابني انه جايب درجة هبلة في الإبتدائية...لكن يظهر اني هبدأ سلم الإجرام بدري
للمرة الألف بقولك...ما تحطش حاجة على موقع الحركة..غير الشكل النهائي...حط الي انت عايزة عندك انت في البلوج بتاعك...لإن دي مسؤليتك الفردية
انا مش فاهمة انت بتزعق ليه يا بني...
انا مستنية اشوف هتعمل ايه...و حكاية المتحدث الرسمي دي..عايزين نعالجها...يعني كل واحد ياخدله قرص نوفالجين عشان نخلص من عقد المريسة والمكريفون دي...

بلال حســــنى said...

متشكر
اصل اناقافل باب اوضتى وحدودى الباب
ومش وثائر بلا قضية
ومفاهيم المواطنه والحريات برايا لحد كبير لحد الباب
متشكر

سكوت هنصوت said...

شوف يا عم بلال..اقطع دراع شارون و باراك و بلير ان كنت فاهمة حاجة...بس يعني هو كونك تيجي تشرفني..و تقرا الي كاتبينة..وتعلق فدي فحد ذاته كبيرة قوي...بس هنباساط قوي..لو اقنعت حضرتك انك تفتح الباب و تتفضل عندنا تاخد شوية سحلب..و قرص فوار...و تشارك في حاجة من الموجودين..نورت يا فندم

Anonymous said...

سكوت
اولا انا الحمد لله شغال من الصبح في الاعلان عن الحركه وحققت نتايج
تحياتي ليكي علي تعبك معانا امبارح ومتشكر ليكي

شمعى أسعد said...

هاى مها
انا اقترحت فكرة المجلة الورقية فى اللقاء
وحبيت اسجل ده هنا بدل ما اكتبه فى البوج عندى
ولا لازم اكتبه هناك كمان
كانت فكرتى ان اى جريدة مستقلة زى الدستور او المصرى اليوم
تتبنى عمل ملحق مستقل عن المدونات
على ان تصبح جريدة مستقلة فيما بعد

zenzana said...

طيب يا تري حددتوا الاهداف الخاصة بحركتكم؟
كمان ليه ماسنجر؟
تحياتي شكلكم عندكم امل ان في حاجة ممكن تتغير انا سعيدة بكم

ياسر سليم said...

كده يا سكوت ..

أعرف من برة ..

بتعملى تنظيم وحركة من ورايا ..

طيب مش تقوليلى ..

ولا عشان انا ملخوم فى الامتحانات بقة خلاص ..

عموما انا قدامى حوالى 10 ايام واخلص ..
بس انا مستعد ابقى من الأعضاء المؤسسين والعمر واحد والرب واحد ..

ياريت لو فى حاجه جديدة ادينى خبر

Alaa said...

طيب أنا عايز اعرف أهداف الحركة و توجهاتها أروح فين ؟
و ربنا يوفق

سكوت هنصوت said...

فارس

رينا يكرمك على مجهودك..انا عمالة الف على مدوناتكم اشوف التلخيصات..المهم توافونا بنتايج فيما يخص الجرائد المستقلة
ربنا يؤجركنا خير ان شاء الله

شمعي

انا اسفة اني ما ذكرتش ده في التلخيص..لأني خفت اكون متلخبطة...شكرا على حضوورك و مجهودك

زنزانة

اهدافنا توعية و تنمية المجتمع بكل طريق ممكن...ليه ماسنجر..لإنه افضل طريقة نتلاقي فيها خصوصا و في ناس في محافظات مختلفة...عندنا امل..اكيد..يا رب نشوف تحقيقة على الأرض

ياسر سليم

هو انت في ثانوية عامة ولا ايه..البلد كلها خلصت و انت لسة هنا...طيب يا سيدي خلص الكام يوم دول على خير..و مستنينك..

سكوت هنصوت said...

علاء

اهداف الحركة اهداف مدنية...اساسها تنمية المجتمع و توعيتة..سواء سياسيا عن طريق زيادة وعي مواطن الشارع البسيط بحقوقة و واجباته و اجتماعيا بتقديم خدمات مباشرة ليهم...

علاء..حتى الان نحن في مرحلة المخاض..اي اننا مازلنا في حالة تخبط بناء كي نخرج بنتائج مقبولة..ان كنت تحب البلد ..وتأسف لحالها و ترغب في معرفة طريق او سبيل لتغييرها للأجمل..فانت عضو في حركة ابناء مصر..حتى ان لم تدرك ذلك..تابع نشاطاتنا على مدونة الحركة ثم مدوناتنا الشخصية..وان رأيت نشاط ترغب في متابعتة او الإنضام له..فأهلا و مرحبا..اما ان كان لديك نشاط ترغب في اضافته..فموقع الحركة هو الموقع المناسب للأنشطة...تحياتي وشكرا على الإهتمام

Anonymous said...

ابناء مصر بنحب. هنقدر. هنغير
http://abna2masr.blogspot.com/

Bou-ME said...

Maha i need to talk with u .... my email is in my profile plz get it and talk to me

Anonymous said...

سكوت هنصوت كان نفسى احضر بس للاسف اختلاف التوقيت لان انا مقيمة فى امستردام هحاول احضر الميتنج الجى بس امتى ؟

وفين تامر حنتكلم من الميتنج ؟! بما ان هو اول من اقترح الفكرة !

سكوت هنصوت said...

مريم

انا بعتلك ميل بالفعل...وانا كمان ميلي على الموقع بتاعي..مستنياكي يا فندم

جيت من بعيد..

حنتكلم كان عنده ارتباط شغل...بس حاليا هو متابع من خلال الموقع ...عموما..مستنينك في اللقاء القادم..لو عندك افكار ممكن تساعدينا بيها حيث ان انت في بلاد الحرية و الديموقراطية..فاهلا و مرحبا..راسلينا اما على موقع الحركة او على المدونة هنا...و لو تحبي تشاركي في نشاط عبقرينو من الغربة..فاهلا وسهلا..ممكن انسقلك معاه...تحياتي..وشكرا على المشاركة

.:.-=- ELGaZaLy-=-.:. said...

جميلة الفكرة اوى انا اول مرة اخش

مدونتك واول مرة اقرى عن الحزب او الحركة دى ...

وفعلا انا مش شايف نص الاهداف بس هاخش اقرا شوية

ربنا يسهل ويكرمك

سكوت هنصوت said...

غزالي..

اههداف الحركة موجودة على مدونة الحركة..abna2masr.blogspot.com
ممكن تبص عليهم مؤقتا..وزي ما قلت..مازال الامر في طور المخاض..يعني كل شئ قابل للطرح وللتعديل..شكرا يا فندم على الزيارة..و يا رب تنضم قريب

أبو علي said...

Ya gama3a balash kalemat kebera awy 3shan el 3amaleya matbaywa2sh menna, 7araka, wbayan ta2seesy, we ahdafna elly 3ayez ye3mel 7aga ye3melha, da kollo kalam gamed awy,hanlef wenerga3 tany lno2tet el sefr, 7araket kefaya ahee, 3amalet eh delwa2ty, yafar7ety elnas 3erfetha, fer7o awy bel7erak elseyasy elby2olo 3alee,te2daro t2ololy 3amalo eh tany.
ra2yee enena nokhrog mlkalam elkeber bta3 bayan wanashgob wn2adeeha fel madmoon a7san.
ana bashagga3 fekret el endemam lel a7zaab we da3maha, we en yeb2a hadafna en abna2 masr yemaselo aghlab el a7zab wel 7arakat elmwgood (msh a7zab el-salata) weykoon elkalam kollo 3ala weghet nazar tegamma3 el lebraleyyeeeeeeen kollohom mn mostakelleeeen we a7zab we ekhwaaaan we kolloooo.

بلال حســــنى said...

مساء الفل
اناكان قصدى انى شخص مش مشارك ومش بناضل بخصوص فكره
انا مهتم بالفيلم بس ال بعمله
وكان قصدى بالتعليق ان ده سيء

بس
متشكر على ترحيبك
واسف على الغموض
ا صل بكتب كومنتاتى غالبا وانا نصى نايم نصى صاحي