Wednesday, June 27, 2007

ما بعد الإكتئاب

الحمد لله..مرت الغمة بسلام
النهاردة انا احسن كتير
اولا لإن الأخ العزيز صاحب البوابة والدة خرج من المعتقل امبارح...ثانيا..لإن ربنا عوضني بكنز من الناس
الي بحمد ربنا ليل و نهار انه هداني الى سبيلهم
جزاكم الله خيرا
ربنا يقعدهولكوا في عيالكو يا رب...حقيقي اشكر كل من قال كلمة خفف بها عني في وقت ضيق و محنة
حاليا..انا بتحسس خطواتي عشان نبدأ المراحل الأولى في مشروع الجمعية المدنية التابعة لحزب الجبهة
سامحوني ان كنت اتأخرت عليكو في الرد..وان كنت شغلتكو بيا..معلش بقى..
يومين كده..وربنا ما يجيبلكوا اكتئاب
ان شاء الله..هنقود حملة شرسة دفاعا عن الأخلاق
عايزين نتعلم فن الحوار و أدبة..ونتعلم ادب الإختلاف
أنا اول واحدة لازم اتعلم الإختلاف...بدليل ان عند اول نقطة التقاء مع مختلفين..فقدت القدرة
على التواصل الحقيقي..واصبح كلامي عن الحريات مجرد ادعاءات
اول خطوة على هذا الطريق..انا هبدأ بيها..هي ما قالة صاحب البوابة في مقال رائع...اسعدني حتى كدت اقف اما شاشة الكمبيوتر اصفق كالبلهاء..المقال بتفاصيلة هنا
وهو ان نتعلم ان لا احد يملك الحقيقة الكاملة...وان هدف النقاش مش ان كل واحد يقيم الحجة على الأخر..لأ
الهدف اننا جميعا نصل للحق
عمر خالد قال نقلا عن الإمام ابي حنيفة كلمة رائعة( العهدة في الرواية على عمر خالد
انا في بحثي عن الحق..كالباحث مع صاحبة عن بعير تاه في فلاه..لا يهم اينا يجده
هو دة شعاري في الفترة القادمة...اسمع اي كلام بتجريد..منغير قناعات سابقة ..وليكن المعيار هو منطقية الكلام
المهم الا يكون هناك تعصب لرأي ... فما ادرانا اين الحقيقة؟؟؟
كلامي صواب يحتمل الخطأ..وكلام غيري خطأ يحتمل الصواب
والقاعدة في النهاية بتقول..أما الزبد فيذهب جفاء..وأما ما ينفع الناس فيمكث في الأرض
قديما علمنى ابي..ان الحلم بالتحلم, والعلم بالتعلم.والصبر بالتصبر...سأبدأ بنفسي فلأتعلم..ولأتصبر ولأتحلم حتى اصل لما فيه خيري في الدنيا والأخرة
حتى تتابعوا نشاط ابناء مصر
راجعوا البوست السابق( الي قبل الإكتئاب
(
هتلاقوا فيه تغطية الجمعية العمومية الأولى
أما عن بداية نشاط ماجدة السعيد..فمازالوا يرشفون قطرات النجاح الأولى...اول ما يفوقوا هوصلها مباشرة
انا متابعة الموقف..
و يجعلة عامر بيكوا

17 comments:

صاحب البوابــة said...

ياااااااااه

كم أشكرك

بصراحة سعدت للغاية أن كان خروج والدي عاملاً في ازالة حزنك

تحياتي اختاة

وأحب ان اشهد الجميع أن وشك كان حلو جداااااااا علي

:)

انتِ طبعاً ومريم عمران

:)

بلال حســــنى said...

بس يارب تلاقى
حد على اد الاحتلاف
استعادا الناس حتى كسوب على اقامة حوار
اى ناس
ده السؤال
يعنى افرضي مثلا انك وقفتى واد جامعى ف الشارع
ايه رأيه ف المسحين
او عمل المرأه كقاضيه
او سفر اخته لوحدها
او رغبة والده انه يستقل عنه
او نبية والدته انها تنشر مذاكرتها الحساسه عن علاقتها بكل الحاجات ف حياتها شامل الموضوع تفاصيل احاسيسها كامرأه
او
او

عازف الناى said...

حمدا لله على العوده الى ارض المدونه
واحب اسألك سؤال انتى منتميه لحزب الجبهه ولا كان تواجدك اعلاميا ؟؟؟

mo'men mohamed said...

ألف مبروك على فك أسرك من اأسر الإكتئاب
وكما ذكرت
فهناك اداب فى الحوار أحد الأئمة يقول ما جادلت احدا قط الا و دعوت الله ان يظهر الحق على لسانه
جزاك الله كل خير
السلام عليكم

Alaa said...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

سكوت هنصوت said...

صاحب البوابة

بالفعل خروج والدك من الأسباب الهامة في خروجي من حالة الكئابة الي كنت فيها..كمان كلامك الموزون والمنطقي..اشكرك لدعمك..و لسة عليك الغرامة الي انت عارفها..

الكنبة الحمرا

عندك حق..الفكرة ان احنا مقننيين الإختلافات...انا ممكن اختلف مع واحد خواجة في المعتقد..لكن ماكرهوش ..واتناقش معاه..واخد وادي في الكلام و مع ذلك ينتهى اللقاء بسلام و هدوؤ منغير ما نخسر بعض..لكن لما نختلف مع حد من نفس ارضيتنا الثقافية او الفكرية...تلاقي بقى بواني و شلاليت من كل حته..و غالبا هننتهى يا في القسم..يا مقطعين بطايق بعض..
وده الي انا بقولة النهاردة..لازم نتعلم اننا نختلف..ونختلف صح..ليس على طريقة الحربجية...الي يبدأوا الكلام بسب الدين لبعض..وينتهوا بكلام مش لطيف ابدا ذاكرين فيه سيرة الست الوالدة في مواضيع مريبة...ولكن من خلال احترام فائق لحق كل منا ان يكون مختلف تمام الإختلاف عن الأخر..
بالمناسبة..مالقيتلكش تعليق على الأخ حكيم روحاني الي عندك في المدونة...يا ترى ليه؟؟؟

سكوت هنصوت said...

عازف الناي

مرحبا اخي العزيز...لا افهم حقا معنى كلمة انتماء يا اخي العزيز...اشعر انها من الكلمات التي ابتذلت من فرط الإستعمال
انا اؤمن ان حزب الجبهة قد يكون بديل جيد لحزب الوفد بتاع زمان...الحزب لم يظهر امارة لهذا بعد...لكن انا مع مقولة خليك ورا الكداب لحد باب الدار!!
فيه مساحة مشتركة بيني و بين الحزب اردت استغلالها لتحقيق اهداف اهم من وجهة نظري...زي ان الحزب يدعم الحريات..وضد سياسية الأمن الداخلي للوطني..و يبدوا انه يكون حاليا قاعدة من الكوادر التي قد تكون محترمة ( ولو اني بشك في كل حاجة دلوقتي). وجودي في الحزب كان بصفتي الإعلامية..وليس الحزبية..لإني لسة ما حصلتش على عضويتي..انا ما بحاولش اجمل الصورة لكن بحاول انقلها زي ما شفتها..بأقصى درجات الحيادية..وان كانت غير كاملة( أعني الحيادية بالطبع). اطلت عليك..لكن يمكنك ان تراسلني على بريدي الإلكتروني المنشور في المدونة لأي استفسارات لاحقة..تحياتي اخي العزيز

سكوت هنصوت said...

مؤمن محمد

مقولتك من اجمل ما سمعت في هذا المضمار..واظن قائلها هو الشافعي..لإنه كان يعلم انه اقل الناس تمسكا بالباطل..فظن ان الحق ان خرج من فم من عارضة..فسيكون هو اسرع في اتباعة...اما ان ظهر على لسانة..فقد تفقد الكرامة صاحبة القدرة على اتباعة...يا رب نكون كلنا زي الشافعي في سرعتنا للردة الى الحق
شكرا على الزيارة..

سكوت هنصوت said...

علاء
ساوافيك برايي في الموضوع على مدونتك..
لقد اصبح بالفعل امر يستحق منا كل اهتمام
تحياتي

عـسـل مـرمـر said...

كــفــاره

About Me said...

مبروك
غمة وانزاحت

عبقرينو said...

اكتئاب ايه بس
يابنتى الحياة حلوة قوى قوى
فكرى فى الفرح تلاقيه..فكرى فى الحزن تلاقيه
سعادتك بيدك
هأقولك حاجة انا باعملها لما بالاقى نفسى هاكتئب ..بالبس الألوان اللى باحبها ...وأعمل اللى باحبه بغض النظر عن رؤية الناس ليا وبعد كده باغمض عنيا واتخيل حلمى الكبير وهدفى فى الحياة اتحقق وأد ايه السعادة اللى هاكون فيها..أقعد كدة خمس دقائق وأقوم مفتح عنيا ...ألاقى الواقع المحبط قدامى بس بابقى عاوز أكسره وعندى طاقة غريبة وعزم وارادة انى أكسر اللى هيقف ضد هدفى وحلمى
وباقوم وانا متفائل جدا جدا

هاسئلك اسئلة ورا بعض حاولى تجاوبيها وتكون اجابتك محددة وقاطعة وأكتبى اجاباتك فى ورقة وأمشى الأسئلة بالترتيب بلاش تفوتى سؤال أو مش تجاوبى
ما أسمك؟
عارفة معنى اسمك ايه؟
طيب معناه ايه؟
ايه هدفك فى الحياة؟
طوز فى اللى قولتيه كله , ردك هايكون ايه؟
ممكن اى حد يحل مكانك ويقوم بنفس اللى انتى بتعمليه؟
مين أكتر حد بتحبيه قوى ؟
طيب عارفه هدفك وحلمك؟
عاملة خطة لتنفيذه؟
الشخص اللى بتحبيه هو العقبه فى تحقيق أحلامك , هتعملى ايه؟
بكرة يعنى ايه ليكى؟
بكرة أحسن ولا النهاردة؟
حلمك هيتنفذ بعد بكرة؟ صح ولا غلط؟
أزاى ممكن تكونى عقبة لنفسك فى تنفيذ حلمك, عاوز حاجة واحدة؟
أرمى العقبة دى ورا ضهرك, حلمك فى ايديك دلوقتى , يعنى ممكن تحققيه؟



فى النهاية هدفك وحلمك فى ايديكى وعرفتيه وهاتحققيه ان شاء الله
تحياتى

البتاع said...

يالهووى؟؟؟؟؟؟؟

اكتئاب ؟؟؟؟
ومابعد الاكتئاب؟؟؟؟

منه لله الواد اللى موصلى نت

كان فاصل والله يااختى مكنتش بدخل ولا اعرف حاجة والله
:-(

بصى ابوس رجل الحاج الوالد خشى عالمسنجر

ممكن؟؟؟؟

حمدالله على السلامة من غياهب الاكتئاب ياقمر

ان شاء الله يارب هو وانتى لا
.
.
.
هو مين؟؟؟

لا عيب مقدرش اقول :-)

Anonymous said...

حلو انك تتكلمى عن الاختلاف و استراتيجية حوار بين اتنين مختلفين ..
و أول مرحله ف تطبيق الاستراتيجيه هى المواجهه .. ده لو عندك الشجاعه ف حجتك و ف قدرتك على استكمال الحوار للآخر من غير بوانى ولا شلاليت على حد تعبيرك .. و من غير ما تنادى حد كبير ياخدلك حقك من حد مجرم و قاسى و جبار و مختلف معاكى ف الرأى ...

وللا ايه ؟؟؟؟

عـسـل مـرمـر said...

حلو انك تتكلمى عن الاختلاف و استراتيجية حوار بين اتنين مختلفين ..
و أول مرحله ف تطبيق الاستراتيجيه هى المواجهه .. ده لو عندك الشجاعه ف حجتك و ف قدرتك على استكمال الحوار للآخر من غير بوانى ولا شلاليت على حد تعبيرك .. و من غير ما تنادى حد كبير ياخدلك حقك من حد مجرم و قاسى و جبار و مختلف معاكى ف الرأى ...

وللا ايه ؟؟؟؟

سكوت هنصوت said...

ميدو

تسلم...والحمد لله عدت على خير...وعموما..ياما دقت عالراس طبول وياما هتدق

البتاع

طب انا اعمل ايه طيب..سيبتيني و روحتي تصيفي..عايزة يحصلي ايه..لازم اكتئب طبعا...تسلمي على السؤال والزيارة..و هشوفك على طول طبعا ان شاء الله

سكوت هنصوت said...

ميدو

تسلم...والحمد لله عدت على خير...وعموما..ياما دقت عالراس طبول وياما هتدق

البتاع

طب انا اعمل ايه طيب..سيبتيني و روحتي تصيفي..عايزة يحصلي ايه..لازم اكتئب طبعا...تسلمي على السؤال والزيارة..و هشوفك على طول طبعا ان شاء الله